مۇقتاج ازاماتتاردىڭ بارلىعىنا مەملەكەت كٶمەكتەسەدٸ. بۇل تۋرالى «حابار 24» تەلەارناسىنىڭ تٸكەلەي ەفيرٸنەن قر اقپارات جەنە قوعامدىق دامۋ مينيسترٸ دەۋرەن اباەۆ ايتتى, دەپ حابارلايدى قازاقپارات.
«بٷگٸن بٸز رەسپۋبليكالىق كوممۋنيكاتسييالار ورتالىعىنان بريفينگ بەرٸپ وتىرمىز. بۇل شتاب تٶتەنشە جاعداي كەزٸنە ارنالىپ, پرەزيدەنتتٸڭ تٸكەلەي تاپسىرماسىمەن اشىلعان بولاتىن. ورتالىقتىڭ جۇمىسى ٷش باعىت بويىنشا جٷرگٸزٸلەدٸ. بٸرٸنشٸ - جالعان اقپاراتتاردى تاۋىپ, تەرٸسكە شىعارۋ. ەكٸنشٸ - ورتالىق مەملەكەتتٸك ورگانداردىڭ اقپاراتتىق جۇمىسىن ٷيلەستٸرۋ, بولعان جاعدايلاردا بٸرلەسٸپ, جەدەل ەرەكەت ەتۋ. ٷشٸنشٸ - Coronavirus2020.kz سايتىنىڭ جۇمىسىن جٷرگٸزۋ», - دەدٸ مينيستر.
دەۋرەن اباەۆتىڭ اتاپ ٶتۋٸنشە, كەشە مەملەكەت باسشىسى داعدارىسقا قارسى ٶتە اۋقىمدى شارالار تۋرالى باياندادى.
«ٶزدەرٸڭٸز ەستٸگەندەي مۇقتاج ازاماتتاردىڭ بارلىعىنا مەملەكەت كٶمەكتەسەدٸ. ەشكٸم قامقورلىقسىز قالمايدى. پرەزيدەنت سٶزٸنٸڭ باستى تٷيٸنٸ وسى. قازٸر جۋرناليستەر مەن ازاماتتاردان كەلٸپ تٷسٸپ جاتقان سۇراقتاردىڭ باسىم كٶپشٸلٸگٸ پرەزيدەنت قاسىم-جومارت توقاەۆتىڭ تاپسىرمالارىنىڭ ٸسكە اسىرىلۋىنا قاتىستى. وسى رەتتە بٷگٸن پرەمەر-مينيستردٸڭ تٶراعالىعىمەن ٷكٸمەتتٸڭ وتىرىسى ٶتتٸ. بارلىق مينيسترلەر مەن ەكٸمدەر كەشە پرەزيدەنت بەرگەن تاپسىرمالاردى ورىنداۋ بويىنشا جول كارتالارىن جاسايدى. وسىعان وراي بارشاڭىزدان تٷسٸنٸستٸك تانىتىپ, ٷكٸمەتتٸڭ ناقتى تەتٸكتەرٸنٸڭ جارييالانۋىن كٷتۋدٸ سۇرايمىز», - دەدٸ ول.
مينيستر پرەزيدەنت تاپسىرمالارىنىڭ بارلىق پۋنكتەرٸ ورىندالاتىندىعىن باسا ايتتى.
«مىسالى قازٸردٸڭ ٶزٸندە كەيبٸر ادامدار تابىسىنان ايىرىلعان ازاماتتارعا تٶلەمدەردٸ قالاي الۋعا بولادى, وعان قانداي قۇجاتتار كەرەك ەكەنٸن سۇراپ جاتىر. قازٸر بۇل تەتٸكتەر ۇيىمداستىرىلۋدا. نەتيجەسٸ جاقىن ۋاقىتتا بەلگٸلٸ بولادى. تٶلەمدەر كٸمگە تيەسٸلٸ بولسا, سول ازاماتتاردىڭ بارلىعى الادى. الۋ تەرتٸبٸن قوسىمشا حابارلايمىز», - دەدٸ دەۋرەن اباەۆ.
