قازاقستان رەسپۋبليكاسىنىڭ ٷكٸمەتٸ رەسپۋبليكالىق مەنشٸكتٸڭ كەيبٸر مەسەلەلەرٸ تۋرالى قاۋلى قابىلدادى, دەپ حابارلايدى "ۇلت اقپارات" پرەمەر-مينيستردٸڭ رەسمي سايتىنا سٸلتەمە جاساپ.
«كٶلٸكتٸك سەرۆيس ورتالىعى» اق (كسو) اكتسييالارى پاكەتٸنٸڭ 100%-ىن سىيعا تارتۋ شارتى بويىنشا رەسپۋبليكالىق مەنشٸككە بەرۋ تۋرالى «تەمٸر تريۋمف» جشس-نٸڭ ۇسىنىسى قابىلدانسىن» دەلٸنگەن قاۋلى مەتٸنٸندە.
«كسو» اق قازاقستانداعى 400-دەن استام تەمٸرجول كٸرمە جولدارىنىڭ تەڭگەرٸم ۇستاۋشىسى ەكەنٸن اتاپ ٶتكەن جٶن.
سونداي-اق, سىيعا تارتۋ شارتى بويىنشا «Integrity Solutions» جشس اقپاراتتىق-كوممۋنيكاتسييالىق سالادا قىزمەت كٶرسەتەتٸن «Soft Art» جشس جارعىلىق كاپيتالىنداعى قاتىسۋ ٷلەسٸنٸڭ 50%-ىن رەسپۋبليكالىق مەنشٸككە بەرەدٸ.
«Bridge capital investments limited» جەكە كومپانيياسى مەملەكەتكە تاۋ-كەن جەنە ٶڭدەۋ ٶنەركەسٸبٸ سالالارىندا جۇمىس ٸستەيتٸن «اكموليت» جشس, «مارحيت» جشس, «توپاز-نس» جشس جارعىلىق كاپيتالدارىنداعى قاتىسۋ ٷلەستەرٸنٸڭ 100%-ىن بەرەدٸ.
«كسو» اق اكتسييالارى جەنە اتالعان سەرٸكتەستٸكتەردٸڭ جارعىلىق كاپيتالدارىنداعى قاتىسۋ ٷلەستەرٸ «سامۇرىق-قازىنا» ۇلتتىق ەل-اۋقات قورى» اكتسيونەرلٸك قوعامىنىڭ ورنالاستىرىلاتىن اكتسييالارىنا تٶلەۋگە بەرٸلەدٸ.
قاۋلى قول قويىلعان كٷننەن باستاپ قولدانىسقا ەنگٸزٸلەدٸ.
ەسكە سالا كەتەيٸك, «قازاقتەلەكومنىڭ» 28,8 پايىز اكتسيياسى مەملەكەتكە قايتارىلاتىنى حابارلانعان.
