قر پرەمەر-مينيسترٸ اسقار ماميننٸڭ تٶراعالىعىمەن يمپورتتى الماستىرۋ جەنە ەكسپورتتى ٸلگەرٸلەتۋ جٶنٸندەگٸ ۆەدومستۆوارالىق كوميسسييانىڭ (ۆاك) ەكٸنشٸ وتىرىسى ٶتتٸ, دەپ حابارلايدى "ۇلت اقپارات" primeminister.kz-كە سٸلتەمە جاساپ.
يمپورتتى الماستىرۋ جەنە «قاراپايىم زاتتار ەكونوميكاسى» سالالارىن دامىتۋ بويىنشا جوبالاردى ٸسكە اسىرۋ جۇمىستارىنىڭ بارىسى تۋرالى قر پرەمەر-مينيسترٸنٸڭ ورىنباسارى ر. سكليار جەنە «اتامەكەن» ۇكپ باسقارما تٶراعاسى ا. مىرزاحمەتوۆ, كەسٸپكەرلٸك ەلەۋەتتٸ دامىتۋ جەنە تۇرعىنداردىڭ تابىسىن كٶتەرۋ ماقساتىندا ٶڭٸرلەرگە سكرينينگ جٷرگٸزۋ قورىتىندىسى تۋرالى «اتامەكەن» ۇكپ باسقارما تٶراعاسىنىڭ بٸرٸنشٸ ورىنباسارى ە. جۇماعازيەۆ باياندادى. سونىمەن قاتار قر بيزنەس قاۋىمداستىعىنىڭ ٶكٸلدەرٸ تٷسٸنٸك بەردٸ.
ٶتكەن ايدا «قاراپايىم زاتتار ەكونوميكاسى» جوبالىق وفيسٸنە 130-دان اسا جاڭا جوبا كەلٸپ تٷستٸ, 1 ترلن تەڭگەگە جۋىق سوماعا 227 جوبا پىسىقتالىپ جاتىر. ۇسىنىلعان باستامالار بويىنشا كٶش باسىندا قىزىلوردا, جامبىل, شىعىس قازاقستان وبلىستارى. ارتتا قالعاندار – اتىراۋ, الماتى, سولتٷستٸك قازاقستان وبلىستارى.
سالالار بٶلٸنٸسٸندە جوبالار سانى بويىنشا ماشينا جاساۋ (55 جوبا), ازىق-تٷلٸك ٶنەركەسٸبٸ (37) جەنە اٶك (35) كٶش باسىندا. بۇل رەتتە سوماسى جوعارى جوبالار حيمييا ٶنەركەسٸبٸندە (324 ملرد تەڭگەگە) جەنە قۇرىلىس ماتەريالدارى ٶندٸرٸسٸندە (116 ملرد تەڭگەگە) بايقالىپ وتىر.
«اتامەكەن» ۇكپ ٶتكٸزگەن ٶڭٸرلەر سكرينينگٸ 2,2 ملن ٷي شارۋاشىلىعىن (10 ملن تۇرعىن) جەنە 788 مىڭ كەسٸپكەرلٸك سۋبەكتٸسٸن قامتىدى. سكرينينگ نەتيجەلەرٸ كەسٸپورىنداردىڭ كادرلىق قاجەتتٸلٸگٸن (105 مىڭنان اسا ادام), كەسٸپكەرلٸك نەگٸزدەرٸنە وقىتىلۋعا دايىن بەلسەندٸ تۇرعىندار سانىن (153 مىڭنان اسا ادام) جەنە باسقا دا پارامەترلەردٸ انىقتاۋعا مٷمكٸندٸك بەردٸ.
ۆەدومستۆوارالىق كوميسسييا جەرگٸلٸكتٸ ٶندٸرٸس كٶلەمٸن ارتتىرۋ, قوسىمشا جۇمىس ورىندارىن اشۋ جەنە تۇرعىنداردىڭ تابىسىن ارتتىرۋ ٷشٸن ٶڭٸرلەر سكرينينگٸ قورىتىندىسىن ٸس جٷزٸنە اسىرۋ ماقساتىندا ەكٸمدٸكتەردٸڭ «اتامەكەن» ۇكپ-مەن بٸرلەسٸپ ٶڭٸر ەكٸمٸنٸڭ ورىنباسارىنان تٶمەن ەمەس دەڭگەيدە جوبالىق وفيس قۇرۋ تۋرالى شەشٸم قابىلدادى.
ۆاك يمپورتتى الماستىرۋ بويىنشا جوبالاردى ٸرٸكتەۋ رەگلامەنتٸن بەكٸتتٸ. اتاپ ايتقاندا, اٶك جەنە ٶڭدەۋ ٶنەركەسٸبٸ سالالارىندا جاڭا ٶندٸرٸس قۇرۋ نەمەسە قولدانىستاعى ٶندٸرٸستٸ كەڭەيتۋ بويىنشا, نەگٸزگٸ كاپيتالعا سالىنعان ينۆەستيتسييالار كٶلەمٸ 100 ملن تەڭگەدەن كەم ەمەس, ٸسكە اسىرۋ مەرزٸمٸ 5 جىلدان اسپايتىن جەنە باسقا دا ٶلشەمدەرٸ بار ينۆەستيتسييالىق جوبالار قارالاتىن بولادى. بۇل رەتتە اعىمداعى قارىزداردى قايتا قارجىلاندىرۋ جوبالارى قاراۋعا جاتپايدى.
وتىرىسقا قاتىسۋشىلار اۋىل شارۋاشىلىعى, حيمييا, توقىما, ماشينا جاساۋ جەنە باسقا دا سالالاردا يمپورتتى الماستىرۋ بويىنشا بٸرقاتار ناقتى جوبالاردى قارادى, ولار بارلىعى 4 مىڭعا جۋىق جاڭا جۇمىس ورنىن قۇرۋعا جەنە 350 ملرد تەڭگەدەن استام ينۆەستيتسييا تارتۋعا مٷمكٸندٸك بەرەدٸ.
ٷكٸمەت باسشىسى يمپورتتى الماستىرۋ جەنە ەكسپورتتى ٸلگەرٸلەتۋ بويىنشا بەلسەندٸ جۇمىستى جالعاستىرۋدى تاپسىردى.
«مەملەكەت بيزنەستٸ قولداۋ جەنە كەسٸپكەرلٸكتٸ دامىتۋ شارالارىن كەڭەيتەدٸ», — دەدٸ ا. مامين.
