قر پرەزيدەنتٸ جولداۋىنداعى بارلىق باعىتتى ٸسكە اسىرۋ جالپىۇلتتىق جوسپارى دايىندالادى. بۇل تۋرالى بٷگٸن ٷكٸمەت وتىرىسىندا پرەمەر-مينيستر اسقار مامين ايتتى, دەپ حابارلايدى قازاقپارات.
«مەملەكەت باسشىسى ٶڭٸرلٸك ساياساتتى جەتٸلدٸرۋدٸڭ ماڭىزدىلىعىن اتاپ ٶتتٸ. ەلٸمٸزدٸڭ ەربٸر ٶڭٸرٸندە ينفراقۇرىلىمدى جاڭعىرتۋعا, ەر ٶڭٸردٸڭ ەرەكشەلٸگٸن ەسكەرە وتىرىپ, حالىقتىڭ تۇرمىس ساپاسى مەن تابىسىن ارتتىرۋ ٷشٸن ٶزەكتٸ مەسەلەلەردٸ شەشۋگە باعىتتالعان ناقتى جوبالار ٸسكە اسىرىلاتىن بولادى. ەر مەملەكەتتٸك ورگان, ەربٸر جەرگٸلٸكتٸ اتقارۋشى ورگان مەملەكەت باسشىسىنىڭ تاپسىرمالارى مەن باستامالارىن ورىنداۋعا دەرەۋ كٸرٸسۋٸ قاجەت», - دەدٸ اسقار مامين.
ونىڭ اتاپ ٶتۋٸنشە, مەملەكەت باسشىسىنىڭ جولداۋىنداعى بارلىق باعىتتاردى ٸسكە اسىرۋ بويىنشا جالپىۇلتتىق جوسپار دايىندالاتىن بولادى.
«مەملەكەتتٸك ورگاندارعا جالپىۇلتتىق جوسپار بويىنشا ٶز ۇسىنىستارىن ۇلتتىق ەكونوميكا مينيسترلٸگٸنە 3 قىركٷيەككە دەيٸن ەنگٸزۋدٸ تاپسىرامىن. ۇلتتىق ەكونوميكا مينيسترلٸگٸ جالپىۇلتتىق جوسپار جوباسىن 4 قىركٷيەككە دەيٸن پرەمەر-مينيستردٸڭ كەڭسەسٸنە ەنگٸزسٸن. كەلەسٸ وتىرىستا بٸز ونى قاراپ, مەملەكەت باسشىسىنىڭ بەكٸتۋٸنە ەنگٸزۋ ٷشٸن ماقۇلداۋىمىز قاجەت», - دەدٸ پرەمەر-مينيستر.
