فوتو: Informburo.kz
پرەزيدەنت قاسىم-جومارت توقاەۆتىڭ اتىنا قۇربان ايت مەرەكەسٸنە وراي شەت مەملەكەتتەردٸڭ باسشىلارى مەن حالىقارالىق ۇيىمداردىڭ جەتەكشٸلەرٸنەن قۇتتىقتاۋ حاتتارى كەلٸپ تٷسٸپ جاتىر, دەپ حابارلايدى Ult.kz.
ٶزبەكستان پرەزيدەنتٸ شاۆكات ميرزييوەۆ مەملەكەت باسشىسى مەن قازاقستان حالقىنا ٸزگٸ تٸلەگٸن جولداعان.
– سوڭعى جىلدارى بٸزدٸڭ باتىل ساياسي ەرٸك-جٸگەرٸمٸزدٸڭ ارقاسىندا حالىقتارىمىز اراسىنداعى سان عاسىرلىق تىعىز دوستىق پەن تاتۋ كٶرشٸلٸك بايلانىستار مٷلدە جاڭا وداقتاستىق دەڭگەيٸنە كٶتەرٸلگەنٸن ايرىقشا اتاپ ٶتكٸم كەلەدٸ, – دەلٸنگەن جەدەلحاتتا.
قىرعىزستان پرەزيدەنتٸ سادىر جاپاروۆ قۇربان ايت ادامداردىڭ بويىنداعى مەيٸرٸمدٸلٸك, راقىمشىلىق, تٶزٸمدٸلٸك پەن قايىرىمدىلىق سەكٸلدٸ اسىل قاسيەتتەردٸ جان-جاقتى تانىتاتىن ەرەكشە مەيرام ەكەنٸن ايتقان.
– بۇل مەرەكە باۋىرلاس حالىقتارىمىزعا بەيبٸتشٸلٸك سىيلاپ, باق-بەرەكە دارىتىپ, قىرعىز-قازاق ستراتەگييالىق سەرٸكتەستٸگٸ مەن ٶزارا تيٸمدٸ ىنتىماقتاستىعىنىڭ بەلسەندٸ دامۋىنا ىقپال ەتە بەرەتٸنٸنە سەنٸمدٸمٸن, – دەپ جازىلعان قۇتتىقتاۋدا.
تەجٸكستان پرەزيدەنتٸ ەمومالي راحمون دا قاسىم-جومارت توقاەۆتى قۇربان ايت مەرەكەسٸمەن قۇتتىقتادى.
– وسى مەرەكەنٸڭ ٸزگٸلٸك, تولەرانتتىلىق, قايىرىمدىلىق جەنە ٶزارا قولداۋ سيياقتى رۋحاني نەگٸزٸ الداعى ۋاقىتتا دا مەملەكەتتەرٸمٸزدٸڭ جەنە حالىقتارىمىزدىڭ اراسىنداعى دوستىقتى, ەكٸجاقتى تيٸمدٸ ىنتىماقتاستىقتى ودان ەرٸ نىعايتۋعا بەرٸك نەگٸز قالايتىنىنا سەنەمٸن, – دەلٸنگەن تەجٸك كٶشباسشىسىنىڭ قۇتتىقتاۋىندا.
تٷرٸكمەنستان پرەزيدەنتٸ سەردار بەردٸمۇحامەدوۆ مەملەكەت باسشىسىنا زور دەنساۋلىق, مول باقىت, ال باۋىرلاس قازاق حالقىنا قۇت-بەرەكە تٸلەدٸ.
قۇربان ايت مەيرامىنا وراي ٶزدەرٸنٸڭ ٸزگٸ تٸلەكتەرٸن ەزەربايجان پرەزيدەنتٸ يلحام ەليەۆ, تٷرٸكمەنستان حالك ماسلاحاتىنىڭ تٶراعاسى گۋربانگۋلى بەردٸمۇحامەدوۆ, باە پرەزيدەنتٸ شەيح مۇحاممەد بەن زايد ەل ناحايان, مىسىر پرەزيدەنتٸ ەبدەل فاتتاح ەس-سيسي, يوردانييا كورولٸ II ابداللا, كۋۆەيت ەمٸرٸ شەيح ميشاال ەل-احماد ەل-دجابەر اس-ساباح, ومان سۇلتانى حايسام بەن تاريق, باحرەين كورولٸ حاماد بەن يسا ەل حاليفا, پالەستينا پرەزيدەنتٸ ماحمۋد ابباس, الجير پرەزيدەنتٸ ەبدەلمەجيد تەببۋن, باە ۆيتسە-پرەزيدەنتٸ, پرەمەر-مينيسترٸ, دۋباي ەمٸرشٸسٸ شەيح مۇحاممەد بەن راشيد ەل ماكتۋم جەنە تاعى باسقالار جولدادى.
قۇتتىقتاۋ حاتتارى مەن جەدەلحاتتار ەلٸ دە كەلٸپ تٷسٸپ جاتىر.
