فوتو: اقوردا
پرەزيدەنت ۆەتنام دەلەگاتسيياسىنا ٸلتيپات بٸلدٸرە وتىرىپ, بۇل ساپار ەكٸ ەل اراسىنداعى بايلانىستاردى نىعايتۋعا ىقپال ەتەتٸنٸن اتاپ ٶتتٸ, دەپ حابارلايدى Ult.kz.
سونداي-اق ۆەتنامنىڭ 2040 جىلعا دەيٸن ەلەمدەگٸ ەڭ ٸرٸ 25 ەكونوميكانىڭ قاتارىنا كٸرۋدٸ كٶزدەيتٸن ستراتەگييالىق ماقساتىن قولداپ, قازاقستان تاراپى وسى ٶرشٸل مٸندەتتٸ ورىنداۋ ٸسٸنە جان-جاقتى اتسالىسۋعا دايىن ەكەنٸن جەتكٸزدٸ.
كەلٸسسٶز بارىسىندا ٶزارا ساۋدا-ساتتىق كٶلەمٸن ۇلعايتۋ مەسەلەسٸنە ايرىقشا مەن بەرٸلدٸ.
- ➤ بىلتىر ەكٸ ەل اراسىنداعى تاۋار اينالىمى 860 ميلليون دوللارعا جەتكەن.
- ➤ تاراپتار تاياۋ جىلدارى بۇل كٶرسەتكٸشتٸ 2 ميلليارد دوللارعا جەتكٸزۋگە نيەتتٸ.
قاسىم-جومارت توقاەۆ پەن تو لام تۋريزم سالاسىنداعى بٸرلەسكەن جۇمىستىڭ پەرسپەكتيۆاسى تۋرالى پٸكٸر الماستى. قازٸر قازاقستان مەن ۆەتنام اراسىندا ۆيزاسىز رەجيم ورنادى, ال ەۋە قاتىناستارىنىڭ سانى 40-تان استى.
مەملەكەت باسشىسى ۆەتنام ازاماتتارىنىڭ قىزىعۋشىلىعىن تۋدىرۋى مٷمكٸن قازاقستانداعى تۋريستٸك ايماقتاردى زەردەلەپ كٶرۋدٸ ۇسىندى.
تو لام مەملەكەت باسشىسى قاسىم-جومارت توقاەۆ پەن قازاقستان حالقىنا قوناقجايلىق تانىتقانى ٷشٸن ريزاشىلىعىن بٸلدٸرٸپ, ۆەتنام پرەزيدەنتٸ لىونگ كىونگتىڭ ىستىق ىقىلاسىن جەتكٸزدٸ.
"ۆەتنام مەن قازاقستاننىڭ ورتاسىندا ونداعان جىلدار بويىنا تىعىز قارىم-قاتىناس ورناعان. 1959 جىلدىڭ تامىز ايىندا بٸزدٸڭ پرەزيدەنتٸمٸز حو شي مين قازاقستانعا رەسمي ساپارمەن كەلگەن بولاتىن. بۇل ساپار قوس حالىق اراسىندا دەستٷرلٸ دوستىق پەن ۇزاقمەرزٸمدٸ سەرٸكتەستٸكتٸڭ بەرٸك نەگٸزٸن قالادى. سودان بەرٸ ەكٸ ەلدٸڭ بايلانىسى كٶشباسشىلار مەن ازاماتتاردىڭ كٷش-جٸگەرٸ ارقاسىندا ۇدايى دامىپ كەلەدٸ. قازاقستان ەرتەرەكتە ەلٸمٸزدەگٸ ۇلت-ازاتتىق كٷرەسكە كٶمەك كٶرسەتتٸ, قازٸرگٸ كەزدە دە بٸزدٸ جان-جاقتى قولداپ كەلەدٸ. سول ٷشٸن ۆەتنام حالقى مەن پارتيياسى سٸزدەرگە دەن ريزا", – دەدٸ ۆەتنام كومپارتيياسى وك باس حاتشىسى.
ٶز كەزەگٸندە قاسىم-جومارت توقاەۆ تو لامدى ٸ دەرەجەلٸ «دوستىق» وردەنٸمەن ماراپاتتادى. پرەزيدەنت قازاقستان مەن ۆەتنامدى تەرەڭنەن تامىر تارتاتىن دوستىق قارىم-قاتىناس بايلانىستىراتىن اتاپ ٶتتٸ. سونىمەن قاتار 1959 جىلى قازاقستانعا ۆەتنامنىڭ تۇڭعىش پرەزيدەنتٸ حو شي ميننٸڭ كەلگەنٸن ەسكە سالدى. بۇل ساپار ەكٸ ەلدٸڭ سان قىرلى ىنتىماقتاستىعىن دامىتۋدىڭ بەرٸك نەگٸزٸن قالاعان ەدٸ.
قاسىم-جومارت توقاەۆ قازاقستان مەن ۆەتنام شىنايى ستراتەگييالىق ەرٸپتەستٸك ورناتقانىن ايتتى.
"سٸزدٸڭ قازاقستانعا مەملەكەتتٸك ساپارىڭىزدىڭ تاريحي ماڭىزى زور. بۇل قازاق-ۆەتنام قاتىناسىن دامىتۋدىڭ ماڭىزدى كەزەڭٸ باستالعانىن كٶرسەتەدٸ. بٷگٸنگٸ كەلٸسسٶزدەر قورىتىندىسى بويىنشا ەكٸجاقتى ىنتىماقتاستىقتى جاڭا دەڭگەيگە كٶتەرەتٸن ستراتەگييالىق سەرٸكتەستٸك ورناتۋعا كەلٸستٸك. بۇل ٷشٸن مول پەرسپەكتيۆاعا جول اشاتىن ساياسي ەرٸك-جٸگەر مەن ساۋدا-ەكونوميكالىق ەلەۋەت جەتكٸلٸكتٸ. ەكٸ ەل اراسىنداعى دوستىقتى نىعايتۋعا ايرىقشا ٷلەس قوسقانىڭىزدى اتاپ ٶتكٸم كەلەدٸ",– دەدٸ مەملەكەت باسشىسى.
ۆەتنام كوممۋنيستٸك پارتيياسى ورتالىق كوميتەتٸنٸڭ باس حاتشىسى قازاقستاننىڭ ەڭ جوعارى مەملەكەتتٸك ناگراداسىن تاپسىرعانى ٷشٸن قاسىم-جومارت توقاەۆ پەن قازاق حالقىنا العىس ايتتى.
