مەملەكەت باسشىسى «تەۋەلسٸزدٸك ۇرپاقتارى» گرانتىن تاپسىرۋ رەسٸمٸنە قاتىستى, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆ جاستاردى ەل تەۋەلسٸزدٸگٸنٸڭ 30 جىلدىق مەرەيتويىمەن قۇتتىقتاپ, بٷگٸنگٸ كەزدەسۋدٸڭ ەرەكشە مەن-ماڭىزى بار ەكەنٸن ايتتى. پرەزيدەنت تەۋەلسٸزدٸك ۇرپاقتارىن, شىن مەنٸندە, جاڭا قازاقستاننىڭ باستى سيمۆولدارىنىڭ بٸرٸ رەتٸندە اتاپ ٶتتٸ.
– ەلٸمٸز دەربەس مەملەكەت بولعاننان بەرٸ ويى ەركٸن, رۋحى ازات تۇتاس بۋىن ٶسٸپ جەتٸلدٸ. تەۋەلسٸزدٸك پەرزەنتتەرٸنٸڭ الدىڭعى تولقىنى ەرجەتٸپ, ەل ٸسٸنە ارالاسۋدا. ولار وتانىمىزدىڭ ٶسٸپ-ٶركەندەۋٸنە ٶز ٷلەسٸن قوسىپ كەلە جاتىر. مەن ەگەمەندٸك كەزەڭٸندە تۋىپ-ٶسكەن جاستارىمىزعا ارنايى گرانت بٶلۋدٸ تاپسىرعانمىن. بۇل – تالاپتى ۇل-قىزدارىمىزدىڭ باستامالارىن قولداۋ ٷشٸن جاسالعان قادام. قازاقتا «جاس كەلسە – ٸسكە» دەگەن جاقسى سٶز بار. حالقىمىز جاستارعا ەردايىم زور سەنٸم ارتىپ, ەرەكشە ٷمٸت كٷتەدٸ. ۇرپاقتىڭ تەربيەلٸ, بٸلٸمدٸ جەنە بٸلٸكتٸ بولۋىنا ايرىقشا دەن قويادى, – دەدٸ مەملەكەت باسشىسى.
قاسىم-جومارت توقاەۆ دارىندى جاستارىمىز ەلٸمٸزدٸڭ بولاشاعىنا دەگەن سەنٸمدٸ نىعايتا تٷسەتٸنٸن, ولاردىڭ تۋعان ەل ٷشٸن قىزمەت ەتۋگە قۇلشىنىسى قۋانتاتىنىن ايتتى.
– مەن گرانت جەڭٸمپازدارى ۇسىنعان جوبالارمەن تانىسىپ شىقتىم. بۇل جوبالاردىڭ كٶپشٸلٸگٸندە ەكولوگيياعا باسا مەن بەرٸلگەنٸن بايقادىم. بۇل – ٶتە دۇرىس. ٶيتكەنٸ, قورشاعان ورتانى قورعاۋ – قازٸر بارشا ادامزات ٷشٸن اسا ماڭىزدى مەسەلە. كەڭ بايتاق جەرٸمٸزدٸڭ بٸرەگەي تابيعاتىن ساقتاۋ – بەرٸمٸزدٸڭ قاسيەتتٸ بورىشىمىز. جاستاردىڭ تىڭ يدەيالارى ناقتى جٷزەگە اسىپ, حالىقتىڭ يگٸلٸگٸنە اينالادى دەپ سەنەمٸن. شىن مەنٸندە, بۇل ەلٸمٸزدٸڭ مەرەيتويىنا تەۋەلسٸزدٸك ۇرپاقتارىنىڭ تارتۋى بولماق, – دەدٸ مەملەكەت باسشىسى.
پرەزيدەنت جاستاردى قولداۋ مەملەكەتتٸك ساياساتتىڭ نەگٸزگٸ باعىتى ەكەنٸنە توقتالدى. قاسىم-جومارت توقاەۆ ٶتكەن عاسىردىڭ 90-شى جىلدارىنداعى داعدارىس كەزٸندە «بولاشاق» اتتى اۋقىمدى بٸلٸم باعدارلاماسىنىڭ جٷزەگە اسىرىلعانىن جەنە ونىڭ تۇڭعىش پرەزيدەنتٸمٸز نۇرسۇلتان ەبٸشۇلى نازارباەۆتىڭ باستاماسى ەكەنٸن اتاپ ٶتتٸ.
– سونىڭ ارقاسىندا ەلەمنٸڭ ٷزدٸك جوعارى وقۋ ورىندارىندا ەلٸمٸز بويىنشا مىڭداعان جاس بٸلٸم الدى جەنە ەلٸ دە وقىپ جاتىر. ولاردىڭ كٶبٸ قازاقستاننىڭ قارقىندى دامۋىنا زور ٷلەس قوسىپ كەلەدٸ. پرەزيدەنتتٸك جاستار كادرلىق رەزەرۆٸ تيٸمدٸ ەلەۋمەتتٸك ليفتكە اينالدى. بۇل باستاما جاستاردىڭ, ٶرشٸل كەسٸبي مامانداردىڭ مەملەكەتتٸك باسقارۋ جٷيەسٸندە ٶزٸن تاعى بٸر مەرتە دەلەلدەۋٸنە مٷمكٸندٸك بەرەدٸ, – دەدٸ قاسىم-جومارت توقاەۆ.
سونىمەن قاتار پارتييالاردىڭ سايلاۋ تٸزٸمٸندەگٸ 30 پايىزدىق كۆوتا مەجٸلٸس پەن مەسليحاتتاردا جاستار قاتارىنىڭ كٶبەيۋٸنە ىقپال ەتكەنٸن ايتتى. پرەزيدەنت جاستاردى ەلەۋمەتتٸك تۇرعىدان قولدايتىن جوبالار مەن باعدارلامالاردىڭ جٷزەگە اسىرىلىپ جاتقانىنا توقتالدى.
– جاستاردى قولداۋ ٷشٸن تۇرعىن-ٷي باعدارلامالارى جەنە ارنايى جوبالار جٷزەگە اسىرىلۋدا. مەدەنيەت, عىلىم مەن بٸلٸم سالاسىندا تابىسقا جەتكەن دارىندى جاستارعا مەملەكەتتٸك سىيلىق بەرٸلۋدە. بٷگٸنگٸ ٸس-شارا سٸزدەردٸڭ باستامالارىڭىزدى جەنە شىعارماشىلىق جوسپارلارىڭىزدى جٷزەگە اسىرۋعا تىڭ سەرپٸن بەرەتٸنٸنە كەمٸل سەنەمٸن, – دەدٸ مەملەكەت باسشىسى.
قاسىم-جومارت توقاەۆ قازٸرگٸ ۋاقىتتا تابىستى ادام بٸلٸمدٸ, ەڭبەكقور بولۋ, ماقساتقا ۇمتىلۋ جەنە بەلسەندٸلٸك تانىتۋ سيياقتى قاسيەتتەرٸمەن عانا ەرەكشەلەنەتٸنٸن اتاپ ٶتتٸ. قاسىم-جومارت توقاەۆ گرانت جەڭٸمپازدارىنا جوبالارىن ٸسكە اسىرۋعا جاقسى مٷمكٸندٸك بەرٸلٸپ وتىرعانىن ايتتى.
– قازاقتا «تالاپتىعا جول بەر» دەگەن ناقىل سٶز بار. مەملەكەت جاستاردىڭ تالابىن ۇشتاۋعا بارىنشا جاعداي جاساپ كەلە جاتىر. اتقارىلىپ جاتقان اۋقىمدى جۇمىستىڭ, رەفورمالاردىڭ يگٸلٸگٸن سٸزدەر مٸندەتتٸ تٷردە كٶرەسٸزدەر. جاقىندا ەلباسى جاستارعا تەرەڭ ماعىنالى ٷندەۋٸن جولدادى. ٶسكەلەڭ ۇرپاق اعا بۋىننىڭ ٷمٸتٸن اقتايتىنى سٶزسٸز. سول ٷشٸن ەربٸر جاس بويىنا تەك جاقسى قاسيەتتەردٸ سٸڭٸرۋٸ كەرەك, – دەدٸ پرەزيدەنت.
جيىن سوڭىندا مەملەكەت باسشىسى جاسامپاز, وتانشىل ەرٸ ۇلتجاندى جاستار عانا ەلٸمٸزدٸ ٶركەندەتە الاتىنىن ايتىپ, جاستاردىڭ بولاشاقتا كەسٸبي مامان, ٶز ٸسٸنٸڭ ناعىز مايتالمانى بولاتىنىنا, سول ارقىلى اعا بۋىننان اسىپ تٷسەتٸنٸنە سەنٸم بٸلدٸردٸ.
جاستار ٶز كەزەگٸندە مەملەكەتتٸڭ قولداۋى ٷشٸن پرەزيدەنتكە العىس ايتتى.
