قاسىم-جومارت توقاەۆ «اقوردا» رەزيدەنتسيياسىندا پرەزيدەنتتٸك جاستار كادر رەزەرۆٸنٸڭ مٷشەلەرٸمەن كەزدەسۋ ٶتكٸزدٸ. كەزدەسۋگە رەزەرۆكە ەنگەن 300 ادام شاقىرىلدى. بۇل تۋرالى اقوردانىڭ باسپاسٶز قىزمەتٸ حابارلادى.
مەملەكەت باسشىسى ٸس-شاراعا قاتىسۋشىلار الدىندا سٶيلەگەن سٶزٸندە پرەزيدەنتتٸك كادر رەزەرۆٸن قۇرۋ تۋرالى باستاما ٶزٸنٸڭ سايلاۋالدى باعدارلاماسىنداعى نەگٸزگٸ باعىتتاردىڭ بٸرٸ بولعانىن اتاپ ٶتتٸ.
– سٸزدەردٸڭ ەرقايسىسىڭىز جوعارى كەسٸبي بٸلٸكتٸلٸكتەرٸڭٸزدٸ كٶرسەتٸپ, مەملەكەت يگٸلٸگٸ ٷشٸن ادال قىزمەت ەتۋگە نيەتتٸ ەكەندەرٸڭٸزدٸ دەلەلدەدٸڭٸزدەر. سوندىقتان سٸزدەرمەن كەزدەسٸپ, ەلٸمٸزدەگٸ ٶزەكتٸ مەسەلەلەر بويىنشا پٸكٸرلەرٸڭٸزدٸ تىڭداپ, كادر رەزەرۆٸنە ەنگەن ازاماتتاردىڭ الدىندا تۇرعان مٸندەتتەر جٶنٸندە ٶز ويىمدى بٸلدٸرۋ ٷشٸن بارشاڭىزدى «اقورداعا» ارنايى شاقىرىپ وتىرمىن, – دەدٸ قاسىم-جومارت توقاەۆ.
مەملەكەت باسشىسى تەۋەلسٸزدٸك جىلدارىندا تۇڭعىش پرەزيدەنت – ەلباسى نۇرسۇلتان نازارباەۆتىڭ باسشىلىعىمەن ەلٸمٸزدە مەملەكەتتٸك باسقارۋدىڭ جٷيەسٸ قالىپتاسقانىن ايتتى. بۇل جٷيە تالاي قيىن كەزەڭدەردە ٶزٸنٸڭ تيٸمدٸلٸگٸن بٸرنەشە رەت دەلەلدەدٸ.
قازاقستان پرەزيدەنتٸ قازٸرگٸ زامانعى سىن-قاتەرلەردٸ ەسكەرە وتىرىپ, مەملەكەتتٸك اپپارات جۇمىسىنا جاڭا ەدٸستەردٸ ەنگٸزۋ قاجەت دەپ سانايدى.
– بارلىق جاڭالىقتىڭ ورتاق ماقساتى – حالىققا جاقىن بولۋ. شىن مەنٸندە, بٸز مەملەكەت قىزمەتٸنٸڭ سەرۆيستٸك مودەلٸ جايىندا ەڭگٸمە قوزعاپ وتىرمىز. قازاقستانعا قوعامنىڭ تالاپ-تٸلەگٸنە دۇرىس, تيٸمدٸ جەنە ەدٸلەتتٸ جاۋاپ بەرەتٸن مەملەكەتتٸك باسقارۋدىڭ جاڭا ٷلگٸسٸ كەرەك, – دەدٸ مەملەكەت باسشىسى.
قاسىم-جومارت توقاەۆ مەملەكەتتٸك باسقارۋدى رەفورمالاۋ جايىندا ايتا كەلٸپ, بيىلعى جىلدان باستاپ مەملەكەتتٸك قىزمەتشٸلەردٸڭ سانى بٸرتٸندەپ قىسقاراتىنىن, ٷنەمدەلگەن قاراجات تيٸمدٸ جۇمىس ٸستەيتٸن قىزمەتكەرلەردٸ ماتەريالدىق تۇرعىدان ىنتالاندىرۋعا جۇمسالاتىنىن اتاپ ٶتتٸ.
– قازاقستان حالقىنا ارنالعان جولداۋدا ايتقانىمداي, 2024 جىلعا قاراي مەملەكەتتٸك قىزمەتشٸلەردٸڭ, سونىمەن قاتار ۇلتتىق كومپانييالار قىزمەتكەرلەرٸنٸڭ سانىن 25 پايىزعا قىسقارتۋ كٶزدەلٸپ وتىر. ەرينە, بۇل بٸرجاقتى جاسالمايدى, ولاردىڭ اتقاراتىن قىزمەتٸن قايتا قاراپ, ياعني, مەملەكەتتٸك ورگانداردىڭ قىزمەتٸنە جاتپايتىن مٸندەتتەردٸ اۋتسورسينگ پەن ازاماتتىق قوعام ٶكٸلدەرٸنە جٷكتەي وتىرىپ قىسقارتامىز, – دەدٸ قازاقستان پرەزيدەنتٸ.
مەملەكەت باسشىسى ٶز بايانداماسىندا «حالىق ٷنٸنە قۇلاق اساتىن مەملەكەت» تۇجىرىمداماسىنىڭ نەگٸزگٸ ٷش قاعيداتىنا, اتاپ ايتقاندا, اشىقتىق, ينكليۋزيۆتٸلٸك جەنە ازاماتتاردىڭ سۇرانىستارىنا جەدەل جاۋاپ بەرۋ مەسەلەلەرٸنە ەرەكشە نازار اۋداردى.
– قازاقستان ازاماتتارى شەنەۋنٸكتەردٸ قوعامعا قاتىستى بارلىق شەشٸمدەردٸ بيلٸك دەلٸزدەرٸندە قابىلدايتىن قانداي دا بٸر تاڭداۋلى توپ رەتٸندە قاراماۋى كەرەك. شەنەۋنٸكتەر قولجەتٸمدٸ بولۋى قاجەت. مەملەكەتتٸك قىزمەتشٸ حالىقتىڭ ورتاسىندا حالىق ٷشٸن جۇمىس ٸستەيتٸن حالىقتىڭ بٸر بٶلٸگٸ دەۋدەن ەش جالىقپايمىن! – دەپ مەلٸمدەدٸ قاسىم-جومارت توقاەۆ.
مەملەكەت باسشىسى پرەزيدەنتتٸك كادر رەزەرۆٸنٸڭ ەربٸر مٷشەسٸنەن ەلدٸ دامىتۋعا تىڭ سەرپٸن بەرەتٸن جاڭا يدەيا مەن نەتيجەلٸ جۇمىس كٷتەتٸنٸن جەتكٸزدٸ.
– الداعى ۋاقىتتا سٸزدەردٸ مەملەكەتتٸك ورگاندار مەن ۇلتتىق كومپانييالارعا جاۋاپتى قىزمەتكە جٸبەرەمٸز. قازٸردٸڭ ٶزٸندە رەزەرۆكە ٶتكەن ەلۋ بەس ازامات جاڭا قىزمەتكە تاعايىندالدى, – دەدٸ پرەزيدەنت.
قاسىم-جومارت توقاەۆ بيىل رەزەرۆتەگٸ 100 ادامدى جاۋاپتى قىزمەتكە تاعايىنداۋدى, الداعى جىلداردا كادرلىق رەزەرۆتٸڭ ەلەۋەتٸن تولىق پايدالانۋدى جوسپارلاپ وتىرعانىن ايتتى.
قازاقستان پرەزيدەنتٸ ەلٸمٸزدە جٷرگٸزٸلەتٸن اۋقىمدى ترانسفورماتسييالار ناقتى سالالارداعى, ٶڭٸرلەردەگٸ, قالالار مەن اۋىلدارداعى كٸشكەنتاي ٶزگەرٸستەردەن باستالاتىنىن اتاپ ٶتٸپ, جاستاردى اتقاراتىن قىزمەتٸنە قاراماي مەملەكەتتٸ جاڭعىرتۋ پروتسەسٸنە ٶز ٷلەستەرٸن قوسۋعا شاقىردى.
– بٷگٸنگٸ جاس بۋىننىڭ, ونىڭ ٸشٸندە سٸزدەر دە بيلٸككە كەلەتٸن ۋاقىت الىس ەمەس. سٸزدەر مەملەكەتتٸ باسقارۋ تٸزگٸنٸن الۋعا دايىن بولىپ, تيٸستٸ بٸلٸم مەن بٸلٸكتٸ مەڭگەرۋلەرٸڭٸز قاجەت. جاستارىمىز ەل دامۋىنىڭ جاڭا تاريحي كەزەڭٸنە دايىن بولۋى كەرەك. بٸلٸم مەن بٸلٸك ٶرشٸلدٸكتەن بيٸك تۇرۋى تيٸس, – دەدٸ مەملەكەت باسشىسى.
قاسىم-جومارت توقاەۆ سٶزٸن ەلٸمٸزدٸڭ بارلىق جاستارىنا ارناي وتىرىپ, جاڭارۋ ٷدەرٸسٸ ٶزٸنٸڭ ٸشكٸ ساياساتتاعى باسىم باعىتتارىنىڭ بٸرٸ ەكەنٸن ايتتى.
– كادر رەزەرۆٸن جاساقتاۋ جۇمىستارى مۇنىمەن توقتاپ قالمايدى, جالعاسا بەرەدٸ. ونىڭ قاتارىنا ىنتالى جەنە لايىقتى جاستار كٸرەدٸ, – دەدٸ پرەزيدەنت.
كەزدەسۋ سوڭىندا مەملەكەت باسشىسى كادر رەزەرۆٸنە كٸرگەن جاستاردىڭ ٶزدەرٸنە جٷكتەلگەن مٸندەتتەردٸ لايىقتى اتقاراتىنىنا سەنٸمدٸ ەكەنٸن تاعى دا قايتالاپ ايتتى.
شارا بارىسىندا مەملەكەتتٸك قىزمەت ٸستەرٸ اگەنتتٸگٸنٸڭ تٶراعاسى انار جايىلعانوۆا, پرەزيدەنتتٸك جاستار كادر رەزەرۆٸنٸڭ مٷشەلەرٸ – «استانا» حالىقارالىق قارجى ورتالىعى بيرجاسىنىڭ قارجى ديرەكتورى رەنات بەكتۇروۆ, جاپونييانىڭ ۇلتتىق ساياسي زەرتتەۋلەر ينستيتۋتىنىڭ دوكتورانتى زٷلفييا سٷلەيمەنوۆا, «Eurasia Blockchain Fintech Group Limited» كومپانيياسىنىڭ باس ديرەكتورى تٸلەكتەس ادامبەكوۆ, «ٶسكەمەن قالالىق بٸلٸم بٶلٸمٸ» مەملەكەتتٸك مەكەمەسٸ قامقورشىلىق جەنە قورعانشىلىق ورگانى, بالالاردىڭ قۇقىقتارىن قورعاۋ سەكتورىنىڭ مەڭگەرۋشٸسٸ يۋلييا وۆەچكينا جەنە «BTS Digital» جشس بٸلٸم بەرۋ ورتالىعىنىڭ كونسۋلتانتى ولجاس سەكەنوۆ سٶز سٶيلەدٸ.
قاسىم-جومارت توقاەۆتىڭ سٶيلەگەن سٶزٸنٸڭ تولىق نۇسقاسىمەن مىنا سٸلتەمە ارقىلى تانىسا الاسىزدار.
