بٷگٸن ل.ن. گۋميلەۆ اتىنداعى ەۋرازييا ۇلتتىق ۋنيۆەرسيتەتٸ قر ۇعا اكادەميگٸ, زاڭ عىلىمدارىنىڭ دوكتورى, پروفەسسور سالىق زيمانوۆتىڭ 100 جىلدىعىنا ارنالعان «سالىق زيمانوۆ: ازامات, عالىم, مەملەكەت جەنە قوعام قايراتكەرٸ» اتتى رەسپۋبليكالىق عىلىمي-تەجٸريبەلٸك كونفەرەنتسييا ٶتٸپ جاتىر, دەپ حابارلايدى قازاقپارات.
ٸس-شارا ەل تەۋەلسٸزدٸگٸنٸڭ 30 جىلدىعى اياسىندا ۇيىمداستىرىلىپ وتىر. كونفەرەنتسييا مەملەكەت باسشىسى قاسىم-جومارت توقاەۆتىڭ قۇتتىقتاۋىمەن اشىلدى. قر پرەمەر-مينيسترٸنٸڭ ورىنباسارى ەرالى توعجانوۆ مەملەكەت باسشىسىنىڭ قۇتتىقتاۋ سٶزٸن وقىدى.
«قۇرمەتتٸ كونفەرەنتسيياعا قاتىسشىلار! بٷگٸن اسا كٶرنەكتٸ عالىم, اكادەميك سالىق زيمانوۆتىڭ تۋعانىنا 100 جىل تولدى. بٷگٸن زاڭ عىلىمى عانا ەمەس, بٷكٸل ەلٸمٸز ٷشٸن ايتۋلى كٷن. سالىق زيمانۇلى تەۋەلسٸز قازاقستاننىڭ قۇقىقتىق نەگٸزدەرٸن قالىپتاستىرۋعا وراسان زور ەڭبەك سٸڭٸردٸ. ول مەملەكەتتٸك, ەگەمەندٸك تۋرالى دەكلاراتسييانى, قازاقستان رەسپۋبليكاسىنىڭ مەملەكەتتٸك تەۋەلسٸزدٸگٸ تۋرالى كونستيتۋتسييالىق زاڭدى – العاشقى اتا زاڭىمىزدى ەزٸرلەۋگە ات سالىستى. سونداي-اق, قازاقستانداعى پارلامەنتاريزم ينستيتۋتىن دامىتۋعا بارىنشا ٷلەس قوستى. ەيگٸلٸ عالىم قۇقىق سالاسىنىڭ قىر-سىرىنا تەرەڭ بويلاپ, تاعىلىمدى ەڭبەكتەر جازىپ قالدىردى. ەسٸرەسە ەلٸمٸزدٸڭ ساياسي جەنە قۇقىقتىق دامۋ تاريحى, بيلەر ينستيتۋتى سيياقتى ٷلكەن تاقىرىپتاردى تەرەڭ زەرتتەدٸ. ونىڭ مول مۇراسى الداعى ۋاقىتتا دا ەل يگٸلٸگٸنە اينالا بەرەتٸنٸ انىق», - دەلٸنگەن مەملەكەت باسشىسىنىڭ قۇتتىقتاۋ سٶزٸندە.
پرەزيدەنتتٸڭ ايتۋىنشا, سالىق زيمانۇلى ۇلاعاتتى ۇستاز رەتٸندە كٶپتەگەن بٸلٸكتٸ زاڭگەرلەر تەربيەلەپ ٶسٸردٸ.
«ونىڭ شەكٸرتتەرٸ ەل ەكونوميكاسىنىڭ تٷرلٸ سالاسىندا تابىستى ەڭبەك ەتٸپ جٷر. ونىڭ مەرەيتويى تەۋەلسٸزدٸگٸمٸزدٸڭ 30 جىلدىعىمەن تۇسپا-تۇس كەلٸپ وتىر. مۇنىڭ سيمۆولدىق مەنٸ زور. تۋعان ەلٸنە قالتقىسىز قىزمەت ەتكەن سالىق زيمانوۆتىڭ عيبراتتى عۇمىرى جاس ۇرپاققا ەردايىم ٷلگٸ-ٶنەگە. كونفەرەنتسييا جۇمىسى تابىستى بولسىن, ەگەمەندٸ ەلٸمٸز ٶركەندەي بەرسٸن!», - دەيدٸ مەملەكەت باسشىسى.
ٸس-شارا اياسىندا ل.ن. گۋميلەۆ اتىنداعى ەۇۋ-دىڭ زاڭ فاكۋلتەتٸندە اكادەميك سالىق زيمانوۆ اتىنداعى اۋديتورييانىڭ اشىلۋى ٶتٸپ, عىلىمي ەڭبەكتەرٸ مەن ٶمٸربايانىنىڭ فوتوماتەريالدار كٶرمەسٸ ۇيىمداستىرىلادى.
