فوتو: اقوردا
پرەزيدەنت قاسىم-جومارت توقاەۆ پرەمەر-مينيستر ولجاس بەكتەنوۆتٸ قابىلداپ, بۇعان دەيٸن بەرٸلگەن ەكونوميكالىق رەفورمالاردى جٷزەگە اسىرۋ جەنە ازاماتتاردىڭ ەل-اۋقاتىن ارتتىرۋ جٶنٸندەگٸ تاپسىرمالاردىڭ ورىندالۋ بارىسى تۋرالى ەسەپ تىڭدادى, دەپ حابارلايدى Ult.kz.
ٷكٸمەت باسشىسى مەملەكەت باسشىسىنا ەلٸمٸزدٸڭ بيىلعى ەلەۋمەتتٸك-ەكونوميكالىق دامۋىنىڭ الدىن الا قورىتىندىلارىن باياندادى. پرەزيدەنتتٸڭ ەكونوميكانى ەرتاراپتاندىرۋ جٶنٸندەگٸ تاپسىرماسىن ورىنداۋ نەتيجەسٸندە ٸشكٸ جالپى ٶنٸم ٶسٸمٸنٸڭ 70 پايىزدان استامىن ٶنەركەسٸپ, ساۋدا جەنە كٶلٸك سالالارى قامتاماسىز ەتٸپ وتىر.
2025 جىلدىڭ قاڭتار–قاراشا ايلارى ارالىعىندا كٶلٸك قىزمەتٸ 20,3 پايىزعا, قۇرىلىس سالاسى 14,7 پايىزعا, ساۋدا 8,8 پايىزعا, اۋىل شارۋاشىلىعى 6,1 پايىزعا, ال ٶڭدەۋ ٶنەركەسٸبٸ 5,9 پايىزعا ٶسكەن. نەگٸزگٸ كاپيتالعا سالىنعان ينۆەستيتسييا كٶلەمٸ 18,5 ترلن تەڭگەگە جەتٸپ, جەكە ينۆەستيتسييالار 9,8 پايىزعا ارتقان.
سونداي-اق ولجاس بەكتەنوۆ ٷكٸمەت, ۇلتتىق بانك جەنە قارجى نارىعىن رەتتەۋ جەنە دامىتۋ اگەنتتٸگٸنٸڭ 2026–2028 جىلدارعا ارنالعان ماكروەكونوميكالىق تۇراقتاندىرۋ مەن حالىقتىڭ ەل-اۋقاتىن ارتتىرۋ بويىنشا بٸرلەسكەن ٸس-قيمىل باعدارلاماسىنىڭ جٷزەگە اسىرىلۋى جٶنٸندە ايتتى. بۇل رەتتە حالىقتىڭ ناقتى تابىسىن ٶسٸرۋ, تۇرمىس دەڭگەيٸن جاقسارتۋ ارقىلى ٸشكٸ جالپى ٶنٸمنٸڭ ٶسٸمٸن قامتاماسىز ەتۋ نەگٸزگٸ باسىمدىق رەتٸندە بەلگٸلەنگەن. ينفلياتسييا دەڭگەيٸن تٶمەندەتۋ شارالارى دا قاراستىرىلىپ جاتىر.
پرەمەر-مينيستر جەلتوقسان ايىندا شەكاراداعى بەس ٶتكٸزۋ بەكەتٸن جاڭعىرتۋ جۇمىستارىنىڭ اياقتالعانىن, قازاقستاندىق تاۋار ٶندٸرۋشٸلەر رەەسترٸنٸڭ ٸسكە قوسىلعانىن جەنە شاعىن بيزنەستٸ قولداۋعا ارنالعان «ٸسكەر ايماق» بٸرىڭعاي باعدارلاماسىنىڭ قابىلدانعانىن حابارلادى. سونىمەن قاتار جىلىتۋ ماۋسىمىنىڭ بارىسى جەنە 2026 جىلعى دالا جۇمىستارىن قارجىلاندىرۋدىڭ ەرتە باستالعانى جٶنٸندە مەلٸمەت بەردٸ. بۇل شارا ەگٸس القاپتارىنىڭ كٶلەمٸن ساقتاۋعا جەنە ۇلعايتۋعا, سونداي-اق اۋىل شارۋاشىلىعى ٶنٸمدەرٸن ٶڭدەۋ مەن ەكسپورتتى دامىتۋعا باعىتتالعان.
كەزدەسۋ قورىتىندىسىندا مەملەكەت باسشىسى ٷكٸمەت باسشىسىنا ازاماتتاردىڭ مٷددەسٸنە ساي ەلٸمٸزدٸڭ تۇراقتى دامۋىن قامتاماسىز ەتۋ بويىنشا جۇمىستى جالعاستىرۋدى تاپسىردى. سونداي-اق ينۆەستيتسييا تارتۋ, كەسٸپكەرلٸكتٸ قولداۋ, ينجەنەرلٸك جەنە كٶلٸك ينفراقۇرىلىمىن جاڭعىرتۋ باعىتىندا بٸرقاتار ناقتى مٸندەت جٷكتەدٸ.
