پرەزيدەنت قاسىم-جومارت توقاەۆ مەككەگە بارعاندا نە تٸلەگەنٸن ايتتى, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
"مەن قاسيەتتٸ مەككەگە بارعان كەزدە قاعبا تٶرٸندە جەنە وسى جولى كيەلٸ تٷركٸستاندا اتا-بابالارىمىزعا قۇران باعىشتاپ, حاندارىمىزدىڭ رۋحىنا تاعزىم ەتٸپ, اللادان بٸر-اق تٸلەك تٸلەدٸم. ول - ەلٸمٸزدٸڭ اماندىعى جەنە حالقىمىزدىڭ بٸرلٸگٸ", - دەدٸ ول.
مەملەكەت باسشىسى تٷركٸستان وبلىسىنىڭ ەلٸمٸزدەگٸ ماڭىزىن جەتكٸزٸپ, ٶڭٸردەگٸ باستامالاردى ايتتى.
"تٷركٸستان وبلىسى - ەلٸمٸزدەگٸ حالىق ەڭ تىعىز قونىستانعان ايماق. مۇندا 2 ميلليوننان استام ادام تۇرادى. ەلەۋمەتتٸك سالاداعى باستامالار ەر ازاماتتىڭ تۇرمىسىنا ٶزگەرٸس ەكەلەدٸ. وبلىستا اپاتتى جاعدايداعى جەنە ٷش اۋىسىممەن وقيتىن مەكتەپتەر ەلٸ دە بار. مەملەكەت بۇل مەسەلەنٸ شەشۋگە بارىنشا كٷش سالادى. كەيٸنگٸ جىلدارى 83 جاڭا مەكتەپ پايدالانۋعا بەرٸلدٸ. قازٸر 59 مەكتەپ سالىنىپ جاتىر. سەبەبٸ ەلٸمٸزدٸڭ ەربٸر 7-سەبيٸ وسى ٶڭٸردە دٷنيەگە كەلەدٸ. ولارعا ساپالى بٸلٸم وردالارىن سالىپ, جاعداي جاساۋ - ماڭىزدى مٸندەتتٸڭ بٸرٸ", - دەدٸ توقاەۆ.
پرەزيدەنت سارىاعاش اۋدانىن دامىتۋ جايى تۋرالى دا ايتتى.
"وڭتٷستٸكتەگٸ 6 اۋداندا 900 مىڭعا جۋىق ادام تۇرادى. دەموگرافييالىق ٶسٸم بويىنشا سارىاعاش اۋدانى كٶش باستاپ تۇر. سوندىقتان وسى اۋداندا پەرزەنتحاناسى بار مەديتسينالىق كەشەن سالۋدى تاپسىرامىن.
وعان قاجەت قارجىنى رەسپۋبليكالىق بيۋدجەتتەن بٶلۋ كەرەك. مۇنىڭ بەرٸ تۇرعىنداردىڭ دەنساۋلىعىن جاقسارتۋعا سەپتٸگٸن تيگٸزەرٸ سٶزسٸز", - دەدٸ مەملەكەت باسشىسى.
سونداي-اق, توقاەۆ جاستارعا قولداۋ كٶرسەتٸلەتٸنٸن, سونىڭ ٸشٸندە شاعىن نەسيە بەرٸلەتٸنٸن اتاپ ٶتتٸ.
"ەلٸمٸزدەگٸ كٶپ بالالى انالاردىڭ ٷشتەن بٸرٸ تٷركٸستان وبلىسىندا تۇراتىنى بەلگٸلٸ. سوندىقتان بۇل باستاما سٸزدەر ٷشٸن دە ٶتە ماڭىزدى.
بٸز جاستارعا جان-جاقتى قولداۋ كٶرسەتەمٸز. ولاردىڭ كەسٸپكەرلٸك باستامالارى ٷشٸن ٶسٸمٸ 2,5 پايىز بولاتىن شاعىن نەسيە بەرٸلەدٸ. جاستارىمىز وسىنداي مٷمكٸندٸكتەردٸ ۇتىمدى پايدالانىپ, ٶز كەسٸبٸن باستايدى دەپ سەنەمٸن.
بٸر سٶزبەن ايتقاندا, مەملەكەت زەينەتتەگٸ قارييالار مەن بەسٸك تەربەتكەن انالارعا قولداۋ كٶرسەتە بەرەدٸ. ال جالىندى جاستارعا ٶمٸردە ٶزٸنٸڭ لايىقتى ورنىن تابۋعا جاعداي جاسايمىز", - دەدٸ پرەزيدەنت.
