استانا LRT قۇرىلىسىنىڭ بٸرٸنشٸ كەزەڭٸن اياقتاۋدىڭ ناقتى مەرزٸمٸن ايقىنداۋ كەرەك. بۇل تۋرالى نۇر-سۇلتان قالاسىنىڭ ەكٸمدٸگٸندە ٶتٸپ جاتقان ەلوردانى ودان ارى دامىتۋ مەسەلەلەرٸ جٶنٸندەگٸ مەجٸلٸستە مەملەكەت باسشىسى قاسىم-جومارت توقاەۆ ايتتى, دەپ حابارلايدى قازاقپارات.
«لرت ۇزاقتىعى 22,5 شاقىرىمدى قۇرايدى, 18 ستانسا جوسپارلانعان. تىڭداڭىزدارشى, سٸزدەر مارافون جارىسىندا 22 شاقىرىمنان دا كٶپ جٷگٸرەسٸزدەر. 18 ستانسا, دەمەك جولدىڭ بٸر بٶلٸگٸ بٸر شاقىرىمنان سەل عانا اسادى. بٸز جاياۋ ودان دا كٶپ جٷرەمٸز», - دەدٸ مەملەكەت باسشىسى.
قازاقستان پرەزيدەنتٸ مۇنداي جوبانىڭ باستاپقى كەزدەن-اق ماقساتقا ساي بولماعاندىعىن اتاپ ٶتتٸ.
«مۇنداي جوبانى قالاي جٷزەگە اسىرۋعا رۇقسات بەرٸلگەندٸگٸن مٷلدەم تٷسٸنبەيمٸن. ٷكٸمەت پەن ەكٸمدٸككە لرت بٸرٸنشٸ كەزەڭٸن اياقتاۋدىڭ ناقتى مەرزٸمٸن, ەكٸنشٸ كەزەڭٸن اياقتاۋدىڭ كەستەسٸ مەن تەتٸكتەرٸن انىقتاۋدى تاپسىرامىن. امال جوق», - دەدٸ ق.توقاەۆ.
سونداي-اق, پرەزيدەنت LRT قۇرىلىسى ٸسٸن تەرگەۋدٸ جەدەلدەتۋدٸ تاپسىردى.
«سىبايلاس جەمقورلىققا قارسى ٸس-قيمىل اگەنتتٸگٸنە تەرگەۋدٸ جەدەلدەۋ تاپسىرماسىمەن جٷگٸنگٸم كەلەدٸ. بٸرەۋلەردٸڭ شەتەلگە قاشىپ كەتكەندٸگٸن ايتىپ, ٷستٸمەن جٷرۋگە بولمايدى. بۇل جوسپارلانعان قاشىپ كەتۋ ەكەندٸگٸ تٷسٸنٸكتٸ. ٶزگەلەردٸ, ونىڭ ٸشٸندە شەشٸم قابىلداعان ەكٸمدٸكتٸڭ باسشىلارىن قاپەردەن تىس قالدىرماۋ كەرەك», - دەدٸ مەملەكەت باسشىسى.
قازاقستان پرەزيدەنتٸ تٸپتٸ ول LRT كومپانيياسىنىڭ باسشىسى بولسا دا بٸر عانا ورىنداۋشىعا عانا نازار اۋدارىلاتىن پروبلەما ەمەستٸگٸن باسا ايتتى.
«مەسەلەن, شەشٸمدٸ ەكٸمدٸك قابىلدادى. تەرەڭٸرەك تەكسەرٸڭٸزدەر, بۇل - ٶتە داۋلى جوبا, ەكونوميكالىق تۇرعىدا تٷسٸنٸكسٸز. ەرينە, ٷكٸمەت پەن ەكٸمدٸكتٸڭ قول قولاۋىمەن ونى جٷزەگە اسىرۋعا تۋرا كەلەدٸ. سەبەبٸ حالىقارالىق مٸندەتتە بار. بۇل پروبلەمانىڭ مەن-جايىن انىقتايىق», - دەدٸ ق.توقاەۆ.
ەسكە سالساق, پرەزيدەنت LRT قۇرىلىسىن جەدەلدەتۋدٸ تاپسىردى. بۇعان دەيٸن LRT-نىڭ قۇرىلىسى ۋاقىتشا توقتاتىلعانى تۋرالى حابارلاعان بولاتىنبىز.
