مەملەكەت باسشىسى قىتاي كومپارتيياسىنىڭ چجەتسزيان پروۆينتسيياسىنداعى حاتشىسى چە تسزيۋنمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆ قوناقجايلىق كٶرسەتكەنٸ ٷشٸن چجەتسزيان پروۆينتسيياسىنىڭ باسشىسىنا ريزاشىلىق بٸلدٸرٸپ, قىتاي حالىق رەسپۋبليكاسىنىڭ قارقىندى دامىپ كەلە جاتقانىن ايتتى.
قازاقستان پرەزيدەنتٸ ەكٸ ەل اراسىنداعى قاتىناستار ستراتەگييالىق سەرٸكتەستٸكتٸڭ جاڭا دەڭگەيٸنە كٶتەرٸلگەنٸن اتاپ ٶتٸپ, وسى مەملەكەتتٸك ساپار بارىسىندا قول جەتكٸزٸلگەن ۋاعدالاستىقتار ٶزارا ەرٸپتەستٸككە تىڭ سەرپٸن بەرەتٸنٸن ايتتى.
– مەڭگٸلٸك ستراتەگييالىق سەرٸكتەستٸگٸمٸز, شىن مەنٸندە, ٶزارا ىنتىماقتاستىقتىڭ كٶپتەگەن سالالارىن قامتيدى. تۇڭعىش پرەزيدەنتٸمٸز نۇرسۇلتان نازارباەۆ پەن قىتاي باسشىلارى نەگٸزٸن قالاعان ٸستٸ جالعاستىرامىز. بٸز ەكونوميكا, ساياسات جەنە ٶڭٸرلٸك قاۋٸپسٸزدٸك, سونداي-اق مەدەني-گۋمانيتارلىق سالالاردا ىنتىماقتاستىق ورناتامىز, – دەدٸ قاسىم-جومارت توقاەۆ.
مەملەكەت باسشىسى قىتايدىڭ تسيفرلىق ەكونوميكانى دامىتۋ سالاسىندا وراسان زور جەتٸستٸككە جەتكەنٸنە توقتالىپ, وسى سالاداعى مەسەلەلەردٸ تالقىلاۋ ٷشٸن چجەتسزيان پروۆينتسيياسىنا ارنايى ات باسىن بۇرعانىن ايتتى.
– حانچجوۋ – قىتاي مەدەنيەتٸنٸڭ بەسٸگٸ. بۇل قالا ەلەمدەگٸ جوعارى تەحنولوگييالار ورتالىعى بولىپ تابىلادى. مۇندا وسى سالا بويىنشا ٸرٸ كومپانييالار جۇمىس ٸستەيدٸ. سونىمەن قاتار بۇل قالادا كەزٸندە قىتاي تٶراعاسى سي تسزينپين جۇمىس ٸستەپ, ٶزٸنٸڭ ەڭ تابىستى يدەيالارىن جٷزەگە اسىرعان. قالا كٶرٸكتٸ جەنە تابىستى ەرٸ قارقىندى دامۋدا, – دەدٸ مەملەكەت باسشىسى.
چە تسزيۋن قاسىم-جومارت توقاەۆقا ەكونوميكانىڭ تٷرلٸ سالالارى بويىنشا قازاقستانمەن تىعىز ىنتىماقتاستىق جەنە مەدەني ىقپالداستىق ورناتۋعا دايىن ەكەنٸن ايتتى.
