پرەزيدەنت قاسىم-جومارت توقاەۆ ٷكٸمەت مٷشەلەرٸ مەن ەكٸمدەرگە ازىق-تٷلٸك قاۋٸپسٸزدٸگٸ تۋرالى ەسكە سالدى, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
«كەلەسٸ – باعا بەلگٸلەۋ مەسەلەسٸ. بۇل مەسەلە بويىنشا بٸرنەشە تالقىلاۋ بولدى. ازىق-تٷلٸك باعاسىن ٶسٸرمەۋ ٷشٸن نەگٸزگٸ باعىتتار بويىنشا ناقتى جۇمىس جٷرگٸزۋ كەرەك. ٶنٸمنٸڭ ٶزٸندٸك قۇنىن تٶمەندەتۋ, قاجەتسٸز دەلدالدان ارىلۋ تۋرالى بٸز بٸرنەشە رەت ايتتىق. ساۋدا جەلٸلەرٸن قولجەتٸمدٸ ەتٸپ, اينالىمعا قارجى سالۋ ٷشٸن ارزان نەسيە بەرۋ تەسٸلٸن دە قولدانۋعا بولادى. بۇل باعىتتا العاشقى قادامدار جاسالدى. تاۋار ٶندٸرۋشٸدەن الدىن-الا تٸكەلەي ساتىپ الۋ ەرەجەسٸ قابىلداندى.
بيۋدجەتتەن قارجى بٶلٸنەتٸن بولدى. دەگەنمەن كٶپتەگەن شارۋانىڭ كٶكٶنٸس ساقتايتىن جەرٸ جوق. سول سەبەپتٸ ولار ٶنٸمدەرٸن ەگٸس باسىنان تٸكەلەي ساتۋعا مەجبٷر بولادى. ونىڭ سالدارى بەرٸمٸزگە بەلگٸلٸ. اۋىل تۇرعىندارى بٸراز تابىسىنان قاعىلادى. ازىق-تٷلٸكتٸڭ باعاسى جىل مەزگٸلٸنە قاراي قاتتى ٶزگەرەدٸ. كٷزدە سۋ تەگٸن نەرسە كٶكتەمدە شارىقتاپ شىعا كەلەدٸ.
مۇنىڭ شەشٸمٸ بٸرەۋ عانا – قويما ينفراقۇرىلىمىن جاساۋ كەرەك. بٸراق بۇل باعىتتاعى جۇمىس باياۋ جٷرٸپ جاتىر» - دەدٸ مەملەكەت باسشىسى.
پرەزيدەنتتٸڭ ايتۋىنشا, بىلتىر 83 مىڭ توننا ٶنٸم ساقتايتىن قويما سالۋ جوسپارلانعانمەن, ونىڭ 64 مىڭى عانا پايدالانۋعا بەرٸلگەن نەمەسە جوسپار 77 پايىزعا ورىندالعان.
«بيىل جۇمىس بٸرشاما جاندانا تٷستٸ. 98 مىڭ توننالىق قويما سالۋ جوسپارلانىپ, سونىڭ 87 مىڭ تونناسى قازٸردٸڭ ٶزٸندە ٸسكە قوسىلدى. دەگەنمەن بۇل باعىتتاعى شارۋانى ەلٸ دە شيراتا تٷسۋ كەرەك.
بٷگٸنگٸ تاڭدا ازىق-تٷلٸك قاۋٸپسٸزدٸگٸ ەلدٸ ٶركەندەتۋدٸڭ باستى شارتى ەكەنٸن تٷسٸنۋ قاجەت. اگروٶنەركەسٸپ كەشەنٸن, ەسٸرەسە اۋىل شارۋاشىلىعى ٶنٸمٸن ٶڭدەۋدٸ دامىتۋ ٷكٸمەت پەن ەكٸمدەر ٷشٸن باستى باسىمدىق بولۋعا تيٸس» - دەدٸ توقاەۆ.
