فوتو: akorda.kz
مەملەكەت باسشىسى قاسىم-جومارت توقاەۆ قازاقستان حالقىن رامازان ايىنىڭ باستالۋىمەن قۇتتىقتادى. بۇل تۋرالى اقوردانىڭ باسپاسٶز قىزمەتٸ حابارلادى.
قۇرمەتتٸ وتانداستار!
بارشاڭىزدى قاسيەتتٸ رامازان ايىنىڭ باستالۋىمەن قۇتتىقتايمىن!
بۇل – حالقىمىزدىڭ رۋحاني ٶمٸرٸندە ايرىقشا ماڭىزى بار كەزەڭ.
ورازا كەزٸندە سابىرلىلىق پەن قاناعاتشىلدىق, جاناشىرلىق پەن قامقورلىق سەكٸلدٸ ٸزگٸ قۇندىلىقتار ەرەكشە دەرٸپتەلەدٸ.
ازاماتتارىمىز مۇقتاج جاندارعا كٶمەك بەرٸپ, قايىرىمدىلىق جاساۋعا ۇمتىلادى. مۇنىڭ بەرٸ يسلام دٸنٸنٸڭ گۋمانيستٸك يدەيالارىنان باستاۋ الادى. حالقىمىز ٷشٸن دٸن مەن دەستٷر – بٸرٸن-بٸرٸ تولىقتىرىپ, ٶزارا ساباقتاسىپ جاتقان ەگٸز ۇعىم. اسىل دٸنٸمٸز دە, اتا دەستٷرٸمٸز دە جۇرتتى جاقسىلىق پەن جاسامپازدىققا ٷندەيدٸ.
بيىل رامازان ايى العىس ايتۋ كٷنٸمەن تۇسپا-تۇس كەلٸپ وتىر. مۇنىڭ زور سيمۆولدىق مەنٸ بار. مازمۇنى تەرەڭ, ماعىناسى ٷندەس قوس مەرەكە حالقىمىزدىڭ بەرەكەلٸ بٸرلٸگٸن ودان ەرٸ نىعايتا تٷسۋگە شاقىرادى.
ورازادان-ورازاعا امان-ەسەن جەتە بەرەيٸك!
بارشاڭىزعا باق-بەرەكە تٸلەيمٸن! نيەت قابىل بولسىن!
