اقوردا رەزيدەنتسيياسىندا پرەزيدەنت قاسىم-جومارت توقاەۆتىڭ تٶراعالىعىمەن قارجى-ەكونوميكا سالاسىنداعى مەيلٸنشە ٶزەكتٸ مەسەلەلەر جٶنٸندە كەڭەس ٶتتٸ, دەپ حابارلايدى اقوردانىڭ باسپاسٶز قىزمەتٸ.
مەملەكەت باسشىسى ەلەمدەگٸ گەوساياسي جاعدايدىڭ قۇبىلمالى بولۋى بٸزدٸڭ ەكونوميكامىزعا ايتارلىقتاي ەسەر ەتكەنٸن اتاپ ٶتٸپ, مەملەكەتتٸك ورگانداردىڭ ٷيلەسٸمدٸ ەرٸ تيٸمدٸ جۇمىس ٸستەۋٸ قاجەت ەكەنٸن ايتتى.
– جاعداي كٷن سايىن ٶزگەرۋدە, ٶتە قۇبىلمالى كەزەڭ. سوندىقتان بٸز بارلىق سىن-قاتەر مەن مٷمكٸندٸكتٸ ناقتى ەرٸ تەز انىقتاپ, ەر قادامىمىزدى نىق باسۋىمىز كەرەك. قابىلداناتىن شەشٸمدەر بارىنشا سالماقتى بولعانى جٶن. بٸراق, سوزبالاڭعا سالماي, شۇعىل شارالاردى قولعا الۋىمىز كەرەك. قاعازباستىلىققا جول بەرمەۋ قاجەت, – دەدٸ قاسىم-جومارت توقاەۆ.
جيىن بارىسىندا پرەمەر-مينيستر ەليحان سمايىلوۆ ەكونوميكانىڭ قازٸرگٸ جاعدايى مەن ونىڭ دامۋىنا قاتىستى بولجامدار تۋرالى باياندادى. ۇلتتىق بانك تٶراعاسى عالىمجان پٸرماتوۆ قازٸرگٸ ۋاقىتتا جٷرگٸزٸلٸپ جاتقان اقشا-كرەديت ساياساتى جٶنٸندە ەسەپ بەردٸ. پرەمەر-مينيستردٸڭ ورىنباسارى – قارجى مينيسترٸ ەرۇلان جاماۋباەۆ 2022 جىلعا ارنالعان رەسپۋبليكالىق بيۋدجەتتٸڭ ناقتى پارامەترلەرٸ جايىندا مەلٸمەت بەردٸ.
سونىمەن قاتار ٸس-شارادا بيۋدجەت شىعىندارىن وڭتايلاندىرۋ, كٶكتەمگٸ ەگٸس ناۋقانىنا دايىندىق بارىسى, ەكسپورت ساياساتىن دامىتۋ, ينۆەستيتسييا تارتۋ جەنە كٶلٸك لوگيستيكاسىن جەتٸلدٸرۋ, سونداي-اق حالىقتىڭ تابىسىن ارتتىرۋ باعدارلاماسىن جٷزەگە اسىرۋ مەسەلەلەرٸ تالقىلاندى.
كەڭەس قورىتىندىسى بويىنشا مەملەكەت باسشىسى ٷكٸمەت پەن پرەزيدەنت ەكٸمشٸلٸگٸنە ەلٸمٸزدٸڭ ەلەۋمەتتٸك-ەكونوميكالىق دامۋ مەسەلەلەرٸنە قاتىستى بٸرقاتار تاپسىرما بەردٸ.
