قاسىم-جومارت توقاەۆ باس پروكۋروردىڭ ەلٸمٸزدەگٸ زاڭ نورمالارىنىڭ ساقتالۋى جٶنٸندە ەسەبٸن تىڭدادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
پرەزيدەنتكە ەلدەگٸ قىلمىستىق احۋال, سونىڭ ٸشٸندە, الاياقتىق, بالالارعا قاتىستى زورلىق-زومبىلىق, زاڭسىز ەسٸرتكٸ اينالىمى جەنە باسقا دا قاۋٸپتٸ قۇقىق بۇزۋشىلىقتارعا قارسى كٷرەستٸ ٷيلەستٸرۋ شارالارى تۋرالى اقپارات بەرٸلدٸ.
عيزات نۇردەۋلەتوۆ قىلمىستىق ٸس جٷرگٸزۋدٸڭ ٷش بۋىندى مودەلٸنە ٶتۋدٸڭ العاشقى كەزەڭنٸڭ ٸسكە اسىرىلۋ بارىسى جەنە 2022 جىلدان باستاپ ەنگٸزٸلە باستايتىن ەكٸنشٸ كەزەڭگە دايىندىق جٶنٸندە ەسەپ بەردٸ.
مەملەكەت باسشىسىنا ەل ٸشٸندە رەزونانس تۋدىرعان قىلمىستىق ٸستەردٸ تەرگەۋ نەتيجەلەرٸ جەنە قوعامدىق مٷددەلەردٸ قورعاۋ جٶنٸندەگٸ جۇمىستاردىڭ قورىتىندىسى تۋرالى باياندالدى. باس پروكۋروردىڭ مەلٸمەتٸنە سەيكەس, پروكۋراتۋرا ورگاندارىنىڭ قابىلداعان شارالارىنىڭ نەتيجەسٸندە جىل باسىنان بەرٸ 5 مىڭعا جۋىق ازاماتتىڭ, 92 مىڭ كەسٸپكەردٸڭ قۇقىقتارى قورعالىپ, بيۋدجەتكە 17 ميلليارد تەڭگە قايتارىلعان. 11 مىڭنان استام تۇلعا تٷرلٸ جاۋاپكەرشٸلٸككە تارتىلعان.
سونداي-اق قىلمىستىق-قۇقىق سالاسىنداعى حالىقارالىق ىنتىماقتاستىق مەسەلەلەرٸ تالقىلاندى. اتاپ ايتقاندا, باس پروكۋرور ٶزگە ەلدەرمەن جاسالاتىن كەلٸسٸمدەر مەن الدا بولاتىن كٶپجاقتى ٸس-شارالارعا قاتىسۋ جوسپارلارىمەن بٶلٸستٸ.
قاسىم-جومارت توقاەۆ قوعامدىق ٶمٸردٸڭ بارلىق سالاسىندا زاڭ ٷستەمدٸگٸن قامتاماسىز ەتۋدٸڭ ماڭىزدىلىعىن اتاپ ٶتٸپ, عيزات نۇردەۋلەتوۆكە بٸرقاتار تاپسىرما بەردٸ.
