مەملەكەت باسشىسى اۋعانستان پرەزيدەنتٸ اشراف عانيمەن تەلەفون ارقىلى سٶيلەستٸ, دەپ حابارلايدى اقوردا.
اۋعان تاراپىنىڭ باستاماسىمەن قاسىم-جومارت توقاەۆ اشراف عانيمەن تەلەفون ارقىلى سٶيلەستٸ. قازاقستان مەن اۋعانستان باسشىلارى ەكٸجاقتى ىنتىماقتاستىقتىڭ قازٸرگٸ احۋالى مەن كەلەشەك پەرسپەكتيۆالارىن تالقىلادى.
اۋعانستان پرەزيدەنتٸ قازاقستاننىڭ اۋعان ٸشٸندەگٸ ديالوگتى تۇراقتى تٷردە قولداپ, ەلٸمٸزدٸڭ كەڭ كٶلەمدە ەكونوميكالىق كٶمەك كٶرسەتٸپ كەلە جاتقانى ٷشٸن العىس ايتتى.
قاسىم-جومارت توقاەۆ ەلٸمٸزدٸڭ اۋعانستانعا الداعى ۋاقىتتا دا جان-جاقتى قولداۋ كٶرسەتە بەرەتٸنٸن راستادى.
مەملەكەت باسشىسىنىڭ ايتۋىنشا, قازاقستان اۋعانستاننىڭ قاۋٸپسٸزدٸگٸن قامتاماسىز ەتۋ, ەكونوميكاسى مەن ەلەۋمەتتٸك ينفراقۇرىلىمىن قايتا قالپىنا كەلتٸرۋ جٶنٸندەگٸ حالىقارالىق جەنە ايماقتىق فورۋمداردىڭ جۇمىسىنا بەلسەندٸ تٷردە قاتىسادى.
قاسىم-جومارت توقاەۆ اۋعانستانمەن اراداعى جان-جاقتى بايلانىستاردى جانداندىرۋ ماقساتىندا ەرەكشە تاپسىرمالار بويىنشا ەلشٸ دەرەجەسٸندەگٸ ارنايى ٶكٸل ينستيتۋتى قۇرىلعانىن اتاپ ٶتتٸ.
وسى جىلدىڭ بٸرٸنشٸ جارتىسىندا قازاقستانعا ٷكٸمەتتٸك دەلەگاتسييا كەلەدٸ.
پرەزيدەنتتەر وسى كەزدەسۋ بارىسىندا ناقتى مەسەلەلەر مەن ىنتىماقتاستىقتىڭ باسقا دا باعىتتارى بويىنشا ديالوگتى ودان ەرٸ جالعاستىرۋ جٶنٸندە ۋاعدالاستى.
قاسىم-جومارت توقاەۆ اشراف عانيدٸ ٷكٸمەتتٸك دەلەگاتسييالار جاسايتىن كەلٸسسٶزدەردٸڭ نەتيجەلەرٸن بەكٸتۋ جەنە قازاقستان مەن اۋعانستان اراسىنداعى ٶزارا ٸس-قيمىلدىڭ كەلەشەگٸن تالقىلاۋ ٷشٸن ەلٸمٸزگە رەسمي ساپارمەن كەلۋگە شاقىردى.
