مەملەكەت باسشىسى اقتوعاي كەن بايىتۋ كەشەنٸنە باردى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
قاسىم-جومارت توقاەۆ «KAZ Minerals Aktogay» جشس-نە قاراستى اقتوعاي كەن بايىتۋ كەشەنٸنە بارىپ, ونداعى ەكٸنشٸ كەن بايىتۋ فابريكاسىن پايدالانۋعا بەرۋ رەسٸمٸنە قاتىستى. بۇل كەنٸشتٸڭ مىس ٶندٸرۋ جٶنٸنەن ەلەمدەگٸ ٸرٸ كەن ورىندارىنىڭ قاتارىنا قوسىلۋىنا مٷمكٸندٸك بەردٸ.
پرەزيدەنت كەشەندٸ ارالاپ كٶرۋ بارىسىندا «KAZ Minerals Aktogay» كومپانيياسى جۇمىسىنىڭ نەگٸزگٸ كٶرسەتكٸشتەرٸمەن تانىسىپ, كەن ٶندٸرۋ پروتسەسٸن كٶردٸ. سودان كەيٸن مەملەكەت باسشىسى جاڭا سۋلفيد فابريكاسىنىڭ جۇمىسىن باستاۋعا رەسمي تٷردە رۇقسات بەردٸ جەنە كەسٸپورىن قىزمەتكەرلەرٸنٸڭ الدىندا سٶز سٶيلەدٸ.
قاسىم-جومارت توقاەۆ جيىنعا قاتىسۋشىلاردى كەن بايىتۋ فابريكاسىنىڭ ٸسكە قوسىلۋىمەن قۇتتىقتاپ, ۇلتتىق يندۋسترييانى دامىتۋعا تىڭ سەرپٸن بەرەتٸن جوبانىڭ ستراتەگييالىق ماڭىزى بار ەكەنٸن ايتتى.
– مەن جولداۋىمدا بىلتىر يندۋسترييالاندىرۋدىڭ 10 جىلدىعىندا ٶڭدەۋ ٶنەركەسٸبٸنٸڭ ەكونوميكانى دامىتۋعا قوسقان ٷلەسٸ العاش رەت تاۋ-كەن ٶنەركەسٸبٸنٸڭ ٷلەسٸنەن اسىپ تٷسٸپ, 13 پايىزعا جەتكەنٸن ايتقان ەدٸم. بيىلعى 8 ايدىڭ قورىتىندىسى بويىنشا ٶڭدەۋ ٶنەركەسٸبٸنٸڭ ٶسۋ قارقىنى ساقتالىپ, شامامەن 6 پايىزعا جەتٸپ وتىر. يندۋسترييالاندىرۋ كارتاسى اياسىندا 12 مىڭ جاڭا جۇمىس ورنى اشىلىپ, 120-دان استام جاڭا ٶندٸرٸس ٸسكە قوسىلدى. جىل سوڭىنا دەيٸن «ٶنەركەسٸپ ساياساتى تۋرالى» زاڭ قابىلدانادى. جالپى بٸزدٸڭ مٸندەتٸمٸز – 2025 جىلعا قاراي ٶڭدەۋ ٶنەركەسٸبٸنٸڭ ەكسپورتىن 1,5 ەسە, ال ەڭبەك ٶنٸمدٸلٸگٸن 30 پايىزعا ارتتىرۋ. ول ٷشٸن بٸزگە يندۋسترييا 4.0 ەلەمەنتتەرٸ بار ەرٸ ٶنٸمدەرٸن ەكسپورتتايتىن زاماناۋي كەسٸپورىندار قاجەت. جاڭا كەن بايىتۋ فابريكاسى وسىنداي تالاپتارعا ساي كەلەدٸ, – دەدٸ پرەزيدەنت.
سونىمەن قاتار پرەزيدەنت ٶز سٶزٸندە كەسٸپورىن قىزمەتكەرلەرٸنٸڭ ەل ەكونوميكاسىن دامىتۋعا زور ٷلەس قوسىپ وتىرعانىن اتاپ ٶتتٸ. مەملەكەت باسشىسى جاڭا فابريكانى ٸسكە قوسۋدىڭ ەلەۋمەتتٸك-ەكونوميكالىق تۇرعىدان تيٸمدٸ تۇستارىن ايتتى.
– ٶڭدەلگەن ٶنٸمنٸڭ ەكسپورتى ارتادى. 700 جاڭا جۇمىس ورنى اشىلىپ, سالىقتان بيۋدجەتكە قوسىمشا 80 ميلليون دوللار كٸرٸس كٸرەدٸ. كومبينات شىعىس قازاقستان وبلىسىنداعى جاڭا ەلەۋمەتتٸك نىسانداردىڭ قۇرىلىسىنا, بٸلٸم بەرۋ جەنە ەمدەۋ مەكەمەلەرٸنٸڭ جابدىقتالۋىن جاقسارتۋعا بەلسەندٸ اتسالىسادى. بۇل – بيزنەستٸڭ ەلەۋمەتتٸك جاۋاپكەرشٸلٸگٸنٸڭ لايىقتى ٷلگٸسٸ, – دەدٸ قاسىم-جومارت توقاەۆ.
مەملەكەت باسشىسى كەسٸپورىننىڭ بٸرەگەيلٸگٸن اتاپ ٶتٸپ, كەشەن باسشىلىعىنىڭ ەلەۋمەتتٸك جاۋاپكەرشٸلٸگٸن جوعارى باعالادى.
– قازاقستاننىڭ تۇڭعىش پرەزيدەنتٸ – ەلباسى نۇرسۇلتان ەبٸشۇلى نازارباەۆتىڭ كٷش-جٸگەرٸنٸڭ ارقاسىندا ەلٸمٸزدە يندۋسترييا سالاسىندا وسىنداي ٸرٸ نىساندار بوي كٶتەرۋدە. مۇنداي نىساندار ٶنەركەسٸپتٸڭ مەنٸن تٷسٸنەتٸن ەلەمدٸك جەنە يندۋسترييالىق قوعامداستىقتاردىڭ جٸتٸ نازارىندا. بۇل – بيزنەستٸڭ ەلەۋمەتتٸك جاۋاپكەرشٸلٸكتٸ سەزٸنۋٸنٸڭ ايقىن دەلەلٸ. كومبينات باسشىلىعىنا ەلەۋمەتتٸك جەنە تۇرمىستىق مەسەلەلەرگە باسا مەن بەرگەنٸ ٷشٸن العىس بٸلدٸرەمٸز, – دەدٸ پرەزيدەنت.
پرەزيدەنت فابريكانى قىسقا مەرزٸم ٸشٸندە سالىپ بٸتٸرگەن قۇرىلىسشىلارعا ريزاشىلىعىن بٸلدٸردٸ.
– بۇل تەۋەلسٸزدٸكتٸڭ 30 جىلدىعىنا لايىقتى تارتۋ بولدى. مەن بۇعان دەيٸن وسىنداي ناقتى جوبالاردى جٷزەگە اسىرۋعا مەن بەرۋ قاجەتتٸگٸن ايتقان ەدٸم. جاڭا كەسٸپورىن – سونىڭ ايقىن دەلەلٸ, – دەدٸ مەملەكەت باسشىسى.
سونىمەن قاتار فابريكانى ٸسكە قوسۋ رەسٸمٸندە «KAZ Minerals» ديرەكتورلار كەڭەسٸنٸڭ تٶراعاسى ولەگ نوۆاچۋك جەنە كەسٸپورىننىڭ جاس ماماندارى سٶز سٶيلەپ, قازاقستان پرەزيدەنتٸنە جان-جاقتى قولداۋ كٶرسەتكەنٸ ٷشٸن العىس ايتتى.
«KAZ Minerals» كومپانييالار توبى يندۋسترييالىق-يننوۆاتسييالىق دامۋ مەملەكەتتٸك باعدارلاماسىن جٷزەگە اسىرۋ اياسىندا 2017 جىلى اقتوعاي كەن بايىتۋ كەشەنٸنٸڭ ٶندٸرٸستٸك قۋاتىن كەڭەيتۋ جوباسىن قولعا الدى. كومبيناتتىڭ ەكٸنشٸ فابريكاسىنىڭ ٸسكە قوسىلۋى كەن ٶڭدەۋ كٶلەمٸن جىلىنا 25-تەن 50 ميلليون تونناعا دەيٸن ارتتىرۋعا مٷمكٸندٸك بەرەدٸ. جالپى, اقتوعاي I جەنە اقتوعاي II جوبالارىن قوسا العاندا كەن ورنىن يگەرۋگە تارتىلعان ينۆەستيتسييانىڭ مٶلشەرٸ 3,2 ميلليارد دوللارعا جەتتٸ.
2022 جىلدان باستاپ كەن ورنىندا 190 مىڭ توننا مىس, ونىڭ ٸشٸندە 20 مىڭ توننا كاتودتى مىس ٶندٸرٸلەدٸ دەپ جوسپارلانىپ وتىر. كەشەندە جالپى 3 مىڭنان استام ادام جۇمىس ٸستەيدٸ. كەسٸپورىندا وزىق تەحنولوگييالار, سونىڭ ٸشٸندە جاساندى ينتەللەكتٸگە نەگٸزدەلگەن باعدارلامالار كەڭٸنەن قولدانىلادى.
