بٷگٸن قر پرەزيدەنتٸ قاسىم-جومارت توقاەۆ بۇقارالىق اقپارات قۇرالدارى قىزمەتكەرلەرٸنٸڭ كٷنٸمەن قۇتتىقتادى. وندا مەملەكەت باسشىسى 1 قازاندى راديو قىزمەتكەرلەرٸ كٷنٸ دەپ رەسمي بەكٸتۋدٸ ۇسىندى.
قۇتتىقتاۋدا پرەزيدەنت اقپارات سالاسىن دامىتۋعا مەملەكەت تاراپىنان قاشاندا ەرەكشە كٶڭٸل بٶلٸنەتٸنٸن, ٶز كەسٸبٸنٸڭ مايتالمانى بولعان قارىمدى جۋرناليستەرگە قولداۋ كٶرسەتٸلەتٸنٸن اتاپ ٶتكەن. سونداي-اق, مەملەكەت باسشىسى بيىل دەستٷرلٸ پرەزيدەنت سىيلىعى وسىمەن جيىرما بەسٸنشٸ رەت تابىستالىپ وتىرعانىن ايتىپ: «بۇل سىيلىققا قاستەرلٸ تەۋەلسٸزدٸگٸمٸزدٸڭ 30 جىلدىعى قارساڭىندا يە بولۋدىڭ دا سيمۆولدىق مەنٸ بار. سٸزدەر ەگەمەندٸك جىلدارىندا ۇرپاقتىڭ بويىنا ازاتتىق رۋحىن سٸڭٸرۋگە زور ٷلەس قوستىڭىزدار. مەن مەملەكەت پەن قوعامنىڭ ورتاسىندا التىن كٶپٸر بولىپ جٷرگەن جۋرناليستەردٸڭ ەڭبەگٸن جوعارى باعالايمىن» دەيدٸ.
«سوڭعى كەزدە راديو قىزمەتكەرلەرٸنٸڭ كەسٸبي مەرەكەسٸ جوق ەكەنٸ جيٸ ايتىلىپ جٷر. مەن قازاق راديوسىنىڭ 100 جىلدىعى اياسىندا 1 قازاندى راديو قىزمەتكەرلەرٸ كٷنٸ دەپ رەسمي تٷردە بەكٸتكەن جٶن دەپ سانايمىن. ەلٸمٸز بەرەكەلٸ بٸرلٸك پەن ىرىستى ىنتىماقتىڭ ارقاسىندا ٶسٸپ-ٶركەندەي تٷسسٸن! جۋرناليستەر جاعىمدى جاڭالىعىمەن جۇرتشىلىقتى قۋانتا بەرسٸن! بارشاڭىزعا شىعارماشىلىق شابىت, تولاعاي تابىس تٸلەيمٸن!», - دەپ تٷيٸندەيدٸ قر پرەزيدەنتٸ.
