پرەزيدەنت تاپسىرماسىنا سەيكەس 2021 جىلدان باستاپ شەنەۋنٸكتەر مەن مەملەكەتتٸك قىزمەتشٸلەردٸ كەزەڭ-كەزەڭٸمەن قىسقارتۋ جۇمىسى قولعا الىنادى. وسى ورايدا جۇمىسسىزدىق مەسەلەسٸ تۋىنداۋى مٷمكٸن بە دەگەن سۇراققا قر پرەزيدەنتٸنٸڭ جانىنداعى مەملەكەتتٸك باسقارۋ اكادەميياسىنىڭ ۆيتسە-رەكتورى, پروفەسسور ەركٸن دٷسٸپوۆ جاۋاپ بەردٸ, دەپ حابارلايدى قازاقپارات.
«مەملەكەتتٸك قىزمەتشٸلەردٸ قىسقارتۋ جاپپاي جۇمىسسىزدىققا الىپ كەلەدٸ دەپ ايتا المايمىن. سەبەبٸ بۇل ساياساتتى باياعىدان جٷرگٸزٸپ كەلە جاتىرمىز. بٷگٸندە ەلٸمٸزدە 90 مىڭنان استام مەملەكەتتٸك قىزمەتشٸ بار. قىسقارتقان جاعدايدا بٸز بٸردەن جۇمىستان شىق دەمەيمٸز, بارلىعى زاڭ اياسىندا جٷزەگە اسىرىلادى. قىسقارتۋعا ۇشىراعان مامانعا مەملەكەتتٸك ەمەس نەمەسە كۆازيمەملەكەتتٸك ۇيىمداردان جۇمىس تابىلۋى مٷمكٸن. جالپى مەملەكەتتٸك باسقارۋ سالاسىندا وسى سەكٸلدٸ رەفورمالار جٷرگٸزۋ ول زامان تالابى جەنە پرەزيدەنت تاپسىرماسى», - دەدٸ ەركٸن دٷسٸپوۆ ەلورداداعى «ANTIKOR ORTALYGY» -دا ٶتكەن تٸكەلەي ەفير بارىسىندا.
سپيكەردٸڭ ايتۋىنشا, مەملەكەتتٸك قىزمەتشٸلەردٸ قىسقارتۋ جۇمىسى پيلوتتىق جوبا رەتٸندە ەلٸمٸزدٸڭ بٸرنەشە ٶڭٸرٸ مەن ورگاندارىندا ٸسكە اسىرىلۋدا.
«مەملەكەتتٸك قىزمەتشٸلەردٸڭ سانىن ازايتۋ پيلوتتىق جوبا رەتٸندە نۇر-سۇلتان, الماتى قالاسى جەنە ماڭعىستاۋ وبلىسى ەكٸمدٸگٸندە جٷرگٸزٸلۋدە. ودان بٶلەك, ەدٸلەت مينيسترلٸگٸ جەنە بۇرىنعى مەملەكەتتٸك قىزمەت پەن سىبايلاس جەمقورلىققا قارسى اگەنتتٸك بٸر ورگان بولىپ تۇرعان كەزدە ٸسكە اسىرىلدى. قازٸرگٸ ۋاقىتتا بارلىق سانى 8 مەملەكەتتٸك ورگاندا مەملەكەتتٸك قىزمەتشٸنٸڭ سانىن ازايتۋ جوباسى اتقارىلۋدا», - دەدٸ ول.
