"بەيبٸتشٸلٸك سالاسىنداعى نوبەل سىيلىعى شيەلەنٸس پەن سوعىسقا ەكەلگەن ساياساتكەرلەرگە بەرٸلٸپ, سىيلىقتىڭ بەدەلٸ كەتتٸ. ونى قالپىنا كەلتٸرۋ ٷشٸن سىيلىقتى قايتارىپ الۋ پروتسەدۋراسىن ەنگٸزۋ كەرەك" دەدٸ رەسەي مەملەكەتتٸك دۋماسىنىڭ تٶراعاسى ۆياچەسلاۆ ۆولودين Telegram-كانالىندا.
"ٸرگەلٸ عىلىم سالالارىنداعى نوبەل سىيلىعىنا سۇراق جوق. ول شىنايى جەتٸستٸكتەرگە بەرٸلەدٸ. بٸراق بەيبٸتشٸلٸك سالاسىنداعى سىيلىققا كەلگەندە مۇنداي ناقتىلىق جوق, باعالاۋ كريتەرييلەرٸ جوق. الفرەد نوبەل ٶسيەتٸندە قور قاراجاتى حالىقتاردى بٸرٸكتٸرۋگە, تۇراقتى ەسكەردٸ تاراتۋعا نە قىسقارتۋعا نەمەسە بەيبٸتشٸلٸك باستامالارىن دامىتۋعا ٷلەس قوسقان ادامعا بەرٸلسٸن" دەيدٸ ۆولودين.
ۆولودين بەيبٸتشٸلٸك سالاسىنداعى نوبەل سىيلىعىنىڭ سسسر پرەزيدەنتٸ ميحايل گورباچەۆكە, ميانما ساياساتكەرٸ اۋن سان سۋ چجيگە, اقش-تىڭ بۇرىنعى پرەزيدەنتٸ باراك وباماعا بەرٸلگەنٸن ەسكە سالدى. دۋما باسشىسى گورباچەۆتىڭ "بيلٸگٸ حالىقتاردىڭ بىتىراۋىنا, 20-عاسىرداعى ەڭ ٸرٸ گەوساياسي اپات – سسسر-دٸڭ ىدىراۋىنا ەكەلدٸ دەيدٸ. ول سونداي-اق اۋن سان سۋ چجيدٸڭ نوبەل سىيلىعىن العاننان كەيٸن روحينجا مۇسىلماندارىنا گەنوتسيد جاسادى دەپ ايىپتالعانىن اتاپ ٶتتٸ. ونىمەن شەكتەلمەي وبامانى "اراب كٶكتەمٸ" مەن سيريياداعى شيەلەنٸسكە جاۋاپتى ەتتٸ.
"مۇنداي شەشٸمدەردٸڭ بەيبٸتشٸلٸك سالاسىنداعى نوبەل سىيلىعىنىڭ بەدەلٸن تٷسٸرگەنٸ انىق. وعان دەگەن سەنٸمدٸ قىلمىس, ادام قۇقىعى مەن ەركٸندٸكتەرٸن بۇزۋ فاكتٸلەرٸ انىقتالعان جاعدايلار ٷشٸن سىيلىقتى قايتارىپ الۋ پروتسەدۋراسى عانا قايتارا الادادى" دەپ جازدى ۆولودين.
مەملەكەتتٸك دۋما باسشىسىنىڭ بۇل سٶزٸ بەيبٸتشٸلٸك سالاسىنداعى نوبەل سىيلىعى رەسەيلٸك جۋرناليست دميتريي مۋراتوۆقا بەرٸلگەن تۇستا ايتىلىپ وتىر. حالىقارالىق جۋرناليستەر, قۇقىق قورعاۋشىلار نوبەل سىيلىعىنىڭ "نوۆايا گازەتا" سايتىنىڭ باس رەداكتورىنا بەرٸلۋٸ رەسەيدەگٸ تەۋەلسٸز جۋرناليستيكاعا قولداۋ دەپ باعالاعان.
كەيٸنگٸ جىلدارى كرەمل سٶز ەركٸندٸگٸن شەكتەپ, تەۋەلسٸز باسپاسٶزدٸ قۋدالاۋمەن كٶزگە تٷسٸپ وتىر. وسى جىلى بيلٸككە تەۋەلسٸز باسىلىمداردىڭ كٶبٸن "شەتەل اگەنتٸ" دەپ تانىپ, ولاردى ەر حابارىنىڭ الدىندا وسى تۋرالى ەسكەرتٸپ وتىرۋعا مٸندەتتەدٸ.
كرەملگە جاقىن ادامدار مۋراتوۆتىڭ سىيلىق الۋىن نە ەلەمەي, نە جاعىمسىز سيپاتتا كٶرسەتۋگە تىرىستى. ال رەسەي پرەزيدەنتٸ ۆلاديمير پۋتين مۋراتوۆقا قاراتا "نوبەل سىيلىعىن قالقان قىلىپ جاسىرىنباي-اق قويسىن" دەدٸ.
