مەملەكەتتٸك باعدارلامالاردى جٷزەگە اسىرۋ اياسىندا تاۋارلاردى جەتكٸزۋ جۇمىستارى مەن قىزمەتتەردٸ اتقارۋدا وتاندىق كەسٸپورىندارعا باسىمدىق بەرٸلەدٸ.
بۇل تۋرالى بٷگٸن ٷكٸمەت وتىرىسىندا قر يندۋسترييا جەنە ينفراقۇرىلىمدىق دامۋ بٸرٸنشٸ ۆيتسە-مينيسترٸ قايىربەك ٶسكەنباەۆ ايتتى, دەپ حابارلايدى "ۇلت اقپارات".
«قازٸرگٸ ۋاقىتتا سىرتقى ەكونوميكالىق جاعدايدىڭ ٶزگەرۋٸن ەسكەرە وتىرىپ, ٶنەركەسٸپتەگٸ احۋالدى تۇراقتاندىرۋ ماقساتىندا ٷكٸمەت جەدەل شارالاردى قولعا الدى. بۇل شارالار جۇمىس ورىندارىن ساقتاپ قالۋدى, ٸشكٸ نارىققا باعىتتالعان جاڭا ٶندٸرٸستەردٸ دامىتۋدى, سونىمەن قاتار قازٸرگٸ ساۋدا اعىمدارىن ساقتاۋ ٷشٸن بالامالى ٶتكٸزۋ نارىقتارىن ٸزدەۋدٸ كٶزدەيدٸ. «نۇرلى جول» جەنە «نۇرلى جەر» مەملەكەتتٸك باعدارلامالارىن جٷزەگە اسىرۋ اياسىندا تاۋارلاردى جەتكٸزۋ جۇمىستارى مەن قىزمەتتەردٸ اتقارۋدا وتاندىق كەسٸپورىندارعا باسىمدىق بەرٸلەدٸ», - دەدٸ قايىربەك ٶسكەنباەۆ.
ونىڭ اتاپ ٶتۋٸنشە, بۇل شارا قۇرىلىس ماتەريالدارى, مەتاللۋرگييا, حيمييا جەنە باسقا ارالاس سەكتورلارداعى كەسٸپورىنداردىڭ جٷكتەمەسٸن قامتاماسىز ەتۋگە مٷمكٸندٸك بەرەدٸ.
«ناقتىراق ايتساق, 2020 جىلى مەملەكەتتٸك باعدارلاما اياسىندا 15 ميلليون شارشى مەتر تۇرعىن ٷيدٸ پايدالانۋعا بەرۋ, 2,6 مىڭ شاقىرىم رەسپۋبليكالىق, 4,3 مىڭ شاقىرىم جەرگٸلٸكتٸ ماڭىزى بار جولداردى سالۋ جەنە جٶندەۋ كٶزدەلگەن. وسى ٸس-شارالاردى ٸسكە اسىرۋ ەسەبٸنەن وتاندىق جەتكٸزٸلٸمدەردٸڭ ٷلەسٸن 95 پايىزعا دەيٸن ۇلعايتۋ جوسپارلانعان», - دەدٸ بٸرٸنشٸ ۆيتسە-مينيستر.
