«تابيعات» ەكولوگييالىق قاۋىمداستىقتار مەن كەسٸپورىندار وداعىنىڭ تٶراعاسى مەلس ەلەۋسٸزوۆ تابيعات جاناشىرى رەتٸندەگٸ جۇمىسىن جانداندىرۋعا نيەتتٸ, دەپ حابارلايدى قازاقپارات.
«بۇل ٸسپەن اينالىسقانىما 35 جىل بولدى. پارتييا پروبلەمالاردى پارلامەنت تٶرٸندە ايتۋ ٷشٸن قاجەت. ال پارلامەنت كٶپشٸلٸكتٸڭ باسىمدىعى قاعيداتى بويىنشا جۇمىس ٸستەيدٸ. قازٸر پارتييا قۇراتىن سەت كەلٸپ تۇر. ماعان پرەزيدەنتتٸڭ كٶپپارتييالىق تۋرالى ايتىپ جٷرگەنٸ ۇنايدى. بٸراق پارتييانى ەۋەلٸ قۇرۋ كەرەك. بۇل ٸستە ەڭ ماڭىزدى مەسەلە – ادامداردىڭ قىزىعۋشىلىعى. قازٸر ساياسات تۋرالى ايتۋشىلار كٶپ. مەن ەكولوگييالىق پارتييا قۇرۋ تۋرالى ۇسىنىس كٶتەردٸم. بٸراق ول ٷشٸن كٶپ ادام قاجەت. قازٸر ەلدٸڭ ٸشٸندە بۇل مەسەلەدە تٷسٸنٸستٸك بار. ەكولوگيياعا قاتىسى جوق سالا نەمەسە ادام بولمايدى. بەرٸمٸزدٸڭ قاتىسىمىز بار. قازاقستان ٷشٸن بۇل - ەرەكشە مەسەلە. ەكولوگييا – ٶمٸردٸڭ نەگٸزٸ. ەكولوگييالىق پارتييا قۇرۋ جۇمىسىن قايتا جانداندىرۋدى ۇسىنامىن. بۇل پارتييا ەكولوگييا پروبلەمالارىمەن عانا اينالىسپاۋى كەرەك. ٶيتكەنٸ ادام جٷرگەن جەردە ەكولوگييا مەسەلەسٸ قوسا جٷرەدٸ», - دەدٸ ەكولوگ.
ونىڭ پايىمىنشا, پارتييا قۇرۋ – مەملەكەتكە قاجەت شارۋا.
«ساياسي باعىت دۇرىس تاڭدالسا جەتٸستٸك تە بولادى. بارشا جۇرتتى ەكولوگييا مەسەلەسٸمەن ساياسي دەڭگەيدە اينالىسۋعا شاقىرامىن. حالىقتىڭ ەكولوگييالىق ساناسى جەتٸلگەن بولۋى كەرەك. بۇل – بولاشاقتىڭ قامى. بٸز قۇراتىن پارتييانى حالىقتىڭ قولداعانى كەرەك», - دەيدٸ مەلس ەلەۋسٸزوۆ.
سونداي-اق, ول كٷن تەرتٸبٸندە تۇرعان ٶزەكتٸ ەكولوگييالىق پروبلەمالار تٶڭٸرەگٸندە وي قوزعادى.
«اعاشتى اياۋسىز كەسۋ تىيىلار ەمەس. الماتىدا جايدان-جاي تالاي اعاش وتالدى. بۇل الماتىنىڭ ٶمٸرٸنە قاۋٸپتٸ. ەكولوگييا مەسەلەسٸ تىم اۋقىمدى. سوندىقتان ەشكٸم ەشتەڭەنٸ شەشە الماي وتىر. كەز كەلگەن مەسەلەنٸ ەكولوگييا تۇرعىسىنان قاراۋعا بولادى. ياعني, شەشٸم قابىلداعان كەزدە ەكولوگييالىق تۇرعىدان كەلسەك, نەتيجە بولادى. قازٸر كليماتتىڭ جىلىنۋى بەلەڭ الىپ تۇر. تابيعي رەسۋرستار سارقىلىپ جاتىر. تٸپتٸ ٶتە از قالدى. ەكولوگييا مينيسترلٸگٸنٸڭ گەولوگييالىق بارلاۋعا مەن بەرۋٸ تەگٸن ەمەس. قازٸر شارا قولدانباساق, قاپى قالامىز. قازٸردٸڭ ٶزٸندە تەرريتورييامىزدىڭ 4% سۋعا اينالىپ كەتتٸ. مۇزدىقتاردىڭ 44% ەرٸپ جوعالدى. بۇلاي كەتە بەرسە, سۋسىز قالامىز. بۇل ٸسكە ساۋاتتى كەلۋ كەرەك», - دەيدٸ تابيعات جاناشىرى.
قازٸر بٷكٸل ەلدٸڭ اۋزىندا جٷرگەن سوربۇلاقتىڭ مەسەلەسٸمەن ول 35 جىلدان بەرٸ الىسىپ كەلە جاتقانىن ايتتى.
«مەنٸڭ بۇعان دەيٸن ايتقاندارىمنىڭ بەرٸ شىنعا اينالىپ وتىر. قازٸر احۋال قيىن. سوربۇلاق بٷلٸنسە, بالقاش اۋدانى, ٸلە اۋدانىنىڭ جارتىسى قاۋٸپ استىندا قالادى. بەرٸ بۇل مەسەلەنٸ جىلى جاۋىپ قويعىسى كەلەدٸ. بٸراق پروبلەمادان قاشقانمەن قۇتىلمايسىڭ. «تابيعات – ساليقالى ۇيىم. بٸز پروبلەمانى كٶرسەتٸپ قاناي قويماي, شەشۋ جولىن ۇسىنامىز. سوربۇلاق مەسەلەسٸ بويىنشا بٸزدەن باسقا ەشكٸم ناقتى شەشٸم ۇسىنعان دا جوق», - دەيدٸ «تابيعات» ەكولوگييالىق قاۋىمداستىقتار مەن كەسٸپورىندار وداعىنىڭ تٶراعاسى.
