فوتو: primeminister.kz
پرەمەر-مينيستر ەليحان سمايىلوۆ ٷكٸمەت وتىرىسى بارىسىندا مەكتەپتەردە قاۋٸپسٸزدٸكتٸ ارتتىرۋ شارالارىن پىسىقتاۋدى تاپسىردى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ٸشكٸ ٸستەر مينيسترٸنٸڭ بٸرٸنشٸ ورىنباسارى مارات قوجاەۆتىڭ ايتۋىنشا, 13 اقپاندا تاڭەرتەڭ پەتروپاۆل قالاسىنىڭ پوليتسييا باسقارماسىنا №4 ورتا مەكتەپتٸڭ وقۋشىلارىنا دەنە جاراقاتىن كەلتٸرۋ تۋرالى حابارلاما تٷسكەن. وقيعا بولعان ورىنعا جەدەل-تەرگەۋ توبى اتتانعان.
تەكسەرۋ بارىسىندا كٷدٸكتٸ (9 سىنىپ وقۋشىسى) 2-شٸ قاباتتا ورنالاسقان ەجەتحانادا ماسكاسىن كيٸپ, بالتامەن دەلٸزگە جٷگٸرٸپ شىعىپ, ٷش وقۋشىعا شابۋىلداعان. شابۋىل جاساعان وقۋشىنى جوعارى سىنىپ وقۋشىلارى مەن مۇعالٸمدەر ۇستاعان.
قازٸرگٸ كەزدە 2 جەبٸرلەنۋشٸ قالالىق ەمحانانىڭ ستاتسيونارىندا جاتىر, جاعدايلارى بٸرقالىپتى. بٸر وقۋشى مەديتسينالىق كٶمەك كٶرسەتٸلگەننەن كەيٸن ٷيٸنە قايتارىلعان.
اتالعان فاكتٸ بويىنشا قىلمىستىق كودەكستٸڭ 24-بابى 3-بٶلٸگٸ, 99-بابى 2-بٶلٸگٸ بويىنشا قىلمىستىق ٸس قوزعالىپ, كٷدٸكتٸ ۋاقىتشا ۇستاۋ يزولياتورىنا قامالدى.
ەسەپتٸ تىڭداعان ەليحان سمايىلوۆ پەتروپاۆلدا ورىن العان وقىس جاعداي حالىق اراسىندا ٷلكەن الاڭداۋشىلىق تۋدىرعانىن اتاپ ٶتتٸ.
«بالالارىنىڭ قاۋٸپسٸزدٸگٸنە الاڭدامايتىن وتباسى جوق. مەكتەپتٸڭ ٸشٸندە دە قاۋٸپتٸڭ بارىن كٶرٸپ وتىرمىز. سوندىقتان بۇل مەسەلەنٸ قايتا قاراپ, وقۋ ورىندارىنا تەكسەرۋ جٷرگٸزۋ قاجەت. بەينەكامەرالاردىڭ سانىن كٶبەيتٸپ, مەكتەپكە كٸرەبەرٸس جەرلەردە باقىلاۋدى كٷشەيتۋ مەسەلەسٸن قاراۋ كەرەك», — دەدٸ پرەمەر-مينيستر.
بۇل رەتتە ٷكٸمەت باسشىسى ٸشكٸ ٸستەر مينيسترلٸگٸنە بالالاردىڭ قاۋٸپسٸزدٸگٸن ارتتىرۋ بويىنشا كەلٸسٸلگەن ۇسىنىستار ەنگٸزۋدٸ, دەنساۋلىق ساقتاۋ مينيسترلٸگٸنە زارداپ شەككەن بالالاردى ەمدەۋدٸ ەرەكشە باقىلاۋعا الۋدى, وقۋ-اعارتۋ مينيسترلٸگٸنە ٸشكٸ ٸستەر جەنە تٶتەنشە جاعدايلار مينيسترلٸكتەرٸمەن بٸرلەسٸپ, قاۋٸپسٸزدٸك ساباقتارىن ەزٸرلەۋدٸ تاپسىردى.
