فوتو: Polisia.kz
قوستانايدا قالالىق مەكتەپتەردٸڭ بٸرٸن تەرروريستەر باسىپ الدى دەپ حابار بەرگەن بەسٸنشٸ سىنىپ وقۋشىسىنىڭ اتا-اناسى جازالاناتىن بولدى, دەپ حابارلايدى Ult.kz.
4 ناۋرىزدا وقۋشى پوليتسيياعا حابارلاسىپ, مەكتەپتٸ تەرروريستەر باسىپ العانىن ايتقان. وقيعا ورنىنا ەر تٷرلٸ قىزمەتتەردٸڭ ٶكٸلدەرٸ: پوليتسييا, قۇتقارۋشىلار, ۇقك قىزمەتكەرلەرٸ دەرەۋ بارىپ, اۋماقتى مۇقييات تەكسەرگەن. الايدا قاۋٸپ راستالمادى, سونداي,اق جارىلعىش زاتتار مەن كٷدٸكتٸ ادامدار تابىلمادى.
پوليتسەيلەر دەرەۋ قوڭىراۋ شالۋشىنىڭ جەكە باسىن انىقتادى. ول سول مەكتەپتٸڭ 5-سىنىپ وقۋشىسى بولىپ شىقتى. ٷرەي تۋدىرعان ەزٸل ونىڭ وتباسى ٷشٸن اۋىر زارداپتارعا ەكەلدٸ. قازٸرگٸ ۋاقىتتا پوليتسييانىڭ كٶرٸنەۋ جالعان حابارلاۋ فاكتٸسٸ بويىنشا سوتقا دەيٸنگٸ تەرگەۋ باستالدى. پروتسەسسۋالدىق شەشٸم قابىلدانعاننان كەيٸن اتا-اناسى جاۋاپكەرشٸلٸككە تارتىلادى.
"تەرروريزم اكتٸسٸ تۋرالى كٶرٸنەۋ جالعان حابارلاعانى ٷشٸن بەس مىڭ ايلىق ەسەپتٸك كٶرسەتكٸشكە دەيٸنگٸ مٶلشەردە ايىپپۇل (بٷگٸنگٸ كٷنٸ – 19,6 ملن.تەڭگە) نە سول مٶلشەردە تٷزەۋ جۇمىستارىمەن, سونداي-اق بەس جىلعا دەيٸنگٸ مەرزٸمگە شەكتەۋ نەمەسە باس بوستاندىعىنان ايىرۋ تٷرٸندە جازا كٶزدەلگەن", - دەيدٸ پوليتسەيلەر.
بۇل قىلمىس ٷشٸن 14 جاسقا تولعان ادامدار قىلمىستىق جاۋاپكەرشٸلٸككە تارتىلادى, سوندىقتان ونى مەكتەپ وقۋشىلارى دا ەستە ۇستاۋى كەرەك.
سونىمەن قاتار سوت شەشٸمٸ نەگٸزٸندە شىعىندار مەن وسىنداي حابارلامادان كەلتٸرٸلگەن بارلىق زالال ٶتەلۋ قاجەت. ەگەر مۇنداي ەرەكەتتەردٸ كەمەلەتكە تولماعاندار جاساعان جاعدايدا, زالالدى ٶتەۋ ولاردىڭ اتا-انالارىنا نەمەسە زاڭدى ٶكٸلدەرٸنە جٷكتەلەدٸ.
