مەكتەپتەرگە كەيبٸر پەندەردٸ قاشىقتىق فورماتتا ٶتكٸزۋگە رۇقسات بەرٸلەدٸ. بۇل تۋرالى قر بٸلٸم جەنە عىلىم ۆيتسە-مينيسترٸ شولپان كارينوۆا مەلٸم ەتتٸ, دەپ حابارلايدى قازاقپارات.
«جاڭا وقۋ جىلىن قاتاڭ سانيتارلىق-ەپيدەميولوگييالىق تالاپتاردى ساقتاي وتىرىپ, شتاتتىق فورماتتا باستاۋ جوسپارلانۋدا. بٷگٸنگٸ كٷنٸ مەكتەپكە دەيٸنگٸ ۇيىمدار شتاتتىق جۇمىس رەجيمٸنە ورالدى. وسى وقۋ جىلىندا 7 مىڭنان استام مەكتەپ شامامەن 3,6 ملن وقۋشىنى, ونىڭ ٸشٸندە 380 مىڭعا جۋىق بٸرٸنشٸ سىنىپ وقۋشىسىن قابىلدايدى. شتاتتىق رەجيمدە وقۋدى باستاۋ ٷشٸن بٸلٸم جەنە عىلىم مينيسترلٸگٸ مەكتەپتەر جٷكتەمەسٸنە ٷلكەن تالداۋ جٷرگٸزدٸ. ۇلتتىق بٸلٸم بەرۋ دەرەكتەر قورىنىڭ دەرەكتەرٸ بويىنشا مەكتەپتەردٸڭ 95 پايىزىنىڭ جوبالىق قۋاتى مەن وقۋشىلار سانى بارلىق سانيتارييالىق تالاپتاردى ساقتاي وتىرىپ, وقۋدى تولىق شتاتتىق فورماتتا باستاۋعا مٷمكٸندٸك بەرەدٸ. مۇنداي مەكتەپتەردە وقۋشىلاردىڭ 81 پايىزى بٸلٸم الادى», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
سونىمەن قاتار ۆيتسە-مينيستردٸڭ اتاپ ٶتۋٸنشە, مەكتەپتەرگە كەيبٸر پەندەردٸ قاشىقتىق فورماتتا ٶتكٸزۋگە رۇقسات بەرٸلەدٸ.
«وقۋشى ورىندارىنىڭ تاپشىلىعى, 3 اۋىسىمدىلىعى بار 300-دەن اسا مەكتەپ بار. بۇل جالپى مەكتەپتەردٸڭ 5 پايىزىن قۇرايدى. مۇنداي مەكتەپتەردە وقۋشىلاردىڭ 19 پايىزى بٸلٸم الادى دەپ جوسپارلانىپ وتىر. وسى مەكتەپتەر قوسىمشا ٸس-شارالار ارقىلى, ونىڭ ٸشٸندە كەيبٸر پەندەردٸ قاشىقتان وقىتا وتىرىپ, وقۋ يكەمدٸ كەستە بويىنشا شتاتتىق تٷردە جٷرگٸزٸلەدٸ. اۋىسىمدار مەن كٸشٸ اۋىسىمدار ۇيىمداستىرىلادى. نەگٸزگٸ پەندەر بۇل مەكتەپتەردە شتاتتىق فورماتتا وقىتىلادى. بٷگٸنگٸ كٷنٸ باس مەملەكەتتٸك سانيتار دەرٸگەردٸڭ قاۋلىسى قابىلداندى. بايلانىستا بولعان بالالار ٷشٸن وقشاۋلاۋ كەزەڭٸنە سينحروندى قاشىقتان وقىتۋ ۇيىمداستىرىلادى. اتا-انالاردىڭ ٶتٸنٸشتەرٸ نەگٸزٸندە سوزىلمالى ناۋقاستارى بار بالالارعا مەديتسينالىق ۇيىم انىقتامالارى نەگٸزٸندە اسينحروندى قاشىقتىقتان وقىتۋ ۇسىنىلادى. بۇل وقۋشىلار وقۋلىقتارمەن, وقىتۋ كونتەنتٸ بار اقپاراتتىق جٷيەمەن, ەلەكتروندىق جۋرنالمەن قامتىلادى. جيىنتىق باقىلاۋ جۇمىستارىن ولار مەكتەپتە تاپسىرادى. ساباقتاردىڭ ۇزاقتىعى 45 مينۋتتى قۇرايدى», - دەدٸ شولپان كارينوۆا.
