قر بعم بالالاردىڭ قۇقىقتارىن قورعاۋ كوميتەتٸ بالالار جىلى اياسىندا «Bala Qorgau» ينتەرنەت-رەسۋرسىن ٸسكە قوستى. ەندٸ مەكتەپتەردە QR-كودى جەنە «Bala Qorgau» سايتىنىڭ مەكەنجايى جازىلعان ارنايى تاقتايشالار ورناتىلىپ جاتىر, دەپ حابارلايدى "ۇلت اقپارات".
QR-كودتى سكانەرلەۋ ارقىلى وقۋشىلار «Bala Qorgau» سايتىنا ٶتٸپ, ٶز سۇراقتارىن قويا الادى. وقۋشىلار مەن اتا-انالار دا جاسىرىن تٷردە كٶمەك سۇراپ, بٸلٸم بەرۋ ۇيىمدارىنداعى زاڭسىز ەرەكەتتەر تۋرالى حابارلاي الادى. ٶتٸنٸش بەرۋشٸلەردٸڭ انونيم بولىپ قالاتىنىنا كەپٸلدٸك بەرٸلەدٸ.
بٷگٸنگٸ كٷنگە دەيٸن نۇر-سۇلتان مەن الماتىنىڭ بٸرنەشە مەكتەبٸندە QR-تاقتايشالار ورناتىلدى. الداعى ۋاقىتتا ولار باسقا دا بٸلٸم بەرۋ ۇيىمدارىندا ورناتىلادى. قازٸردٸڭ ٶزٸندە 100-دەن استام ٶتٸنٸش تٷستٸ, ولار نەگٸزٸنەن بالالار مەن اتا-انالار اراسىنداعى قارىم-قاتىناس مەسەلەلەرٸنە قاتىستى.
«Bala Qorgau» سايتى وقۋشىلار ەردايىم قاجەتتٸ قولداۋ مەن كٶمەك سۇراپ, ٶزدەرٸن قاۋٸپسٸز سەزٸنۋلەرٸ ٷشٸن جاسالعان. ەرتٷرلٸ جاعدايلارعا تاپ بولعان بالالار كٶبٸنەسە ٶزٸن قالاي ۇستاۋ جەنە كٸمنەن كٶمەك سۇراۋ كەرەگٸن بٸلمەيدٸ. ولار ٶزدەرٸنە نەمەسە قۇرداستارىنا قاتىستى بۋللينگ فاكتٸلەرٸن كٸمگە حابارلاۋ كەرەگٸن بٸلمەيدٸ. ەندٸ وقۋشىلار QR-كودتى سكانەرلەپ, بٸزبەن بايلانىسا الادى, سٶيتٸپ ولارعا قاجەتتٸ كونسۋلتاتسييا, پسيحولوگييالىق كٶمەك كٶرسەتٸلەدٸ. ۆەب-سايت وقۋشىلاردى تولعاندىراتىن ٶزەكتٸ مەسەلەلەردٸ, سونداي-اق بالالار قۇقىقتارىن بۇزۋ فاكتٸلەرٸن تەز ارادا انىقتاۋعا كٶمەكتەسەدٸ. بۇل رەسۋرس وقۋشىلاردىڭ جەنە ولاردىڭ اتا-انالارىنىڭ قۇقىقتىق ساۋاتتىلىعىن ارتتىرۋعا سەپتٸگٸن تيگٸزەدٸ», - دەدٸ قر بعم بالالاردىڭ قۇقىقتارىن قورعاۋ كوميتەتٸ تٶراعاسىنىڭ ورىنباسارى ەلينا پاۋلي.
سايتتا وقۋشىلار مەن اتا-انالار بەلگٸلٸ بٸر جاعدايعا تاپ بولعاندا ٶزٸن قالاي ۇستاۋ كەرەگٸ تۋرالى كەڭەستەر تابا الادى. مىسالى, جاڭا دوستار تابۋعا, جامان ورتاعا تاپ بولماۋعا جەنە ت.ب. تۋرالى اقپارات بار. بالالار سۇراقتى اشىق تا, جاسىرىن دا قويا الادى. ول ٷشٸن ۆەب-سايتتا ٶتٸنٸش قالدىرۋ كەرەك, كەيٸن كەڭەسشٸلەر كەرٸ بايلانىس جاساپ, بالالار مەن اتا-انالاردى مازالايتىن سۇراقتارعا جاۋاپ بەرەدٸ.
