2020-2021 وقۋ جىلىنا دايىندىق اياسىندا مەكتەپتەر اتا-انالار جينالىسىن ٶتكٸزدٸ, دەپ حابارلايدى قر بٸلٸم جەنە عىلىم مينيسترلٸگٸ.
مەكتەپ ەكٸمشٸلٸگٸ مەن سىنىپ جەتەكشٸلەرٸ اتا-انالارعا وقۋ جىلىنىڭ بالاسى وقيتىن مەكتەپتە قالاي باستالاتىنىن ەگجەي-تەگجەيلٸ تٷسٸندٸرٸپ, سۇراقتارعا جاۋاپ بەردٸ.
«ونلاين جيىن بارىسىندا سىنىپ جەتەكشٸلەر وقۋشىلارىنىڭ اتا-انالارىنا قازٸرگٸ ەپيدەميولوگييالىق جاعدايدا مەكتەپتٸڭ قانداي وقىتۋ فورماتىن تاڭداعانىن تٷسٸندٸردٸ. جاڭا وقۋ جىلى قاشىقتان بٸلٸم بەرۋ فورماتىندا باستالادى. اتا-انالاردىڭ تٸلەكتەرٸ مەن ٶتٸنٸشتەرٸ بويىنشا باستاۋىش سىنىپ وقۋشىلارى مەكتەپكە بارىپ وقي الادى. بۇل رەتتە بٸلٸم الۋشىلار مەن پەداگوگتەردٸڭ دەنە قىزۋى كٷن سايىن ٶلشەنەتٸن بولادى. كەزەكشٸ سىنىپتا سوزىلمالى اۋرۋلارى جوق بالالار عانا بٸلٸم الا الادى (ٶتٸنٸشتە كٶرسەتٸلەدٸ).
بٸر سىنىپتا وقۋشى سانى 15-تەن اسپايتىن بولادى. ٶتٸنٸشتەردٸ سىنىپ جەتەكشٸلەرٸ قولجەتٸمدٸ بايلانىس قۇرالدارى ارقىلى قابىلدايدى. «كەزەكشٸ سىنىپقا» قابىلداۋ 25 تامىزدا باستالادى», دەلٸنگەن حابارلامادا.
بۇدان بٶلەك, سانيتارلىق-ەپيدەميولوگييالىق جاعدايى قولايلى اۋىلدىق ەلدٸ مەكەندەردە وقۋ پروتسەسٸ سانيتارلىق قاۋٸپسٸزدٸك شارالارىن ساقتاي وتىرىپ, دەستٷرلٸ فورماتتا جٷرگٸزٸلەتٸن بولادى.
«اتا-انالار بالالاردى مەكتەپكە الىپ كەلٸپ, ٷيٸنە ٶزٸ الىپ كەتۋٸ كەرەك. كەزەكشٸ سىنىپتاردا ساباقتىڭ ۇزاقتىعى 40 مينۋت. ساباق اراسىنداعى ٷزٸلٸستە ەر سىنىپقا ەر تٷرلٸ ۋاقىتتا بەرٸلەدٸ. ەربٸر ەكٸنشٸ ساباقتان كەيٸن كابينەتتەردە جەنە ەر ٷزٸلٸستەن كەيٸن, اۋىسىمدار اراسىندا, دەلٸزدەردە, حولداردا ىلعالدى تازارتۋ جۇمىسى جٷرگٸزٸلەدٸ. مەكتەپ اسحاناسى مەن بۋفەتتٸڭ قىزمەتٸ ۋاقىتشا توقتاتىلدى. بٸلٸم بەرۋ ۇيىمدارى زالالسىزداندىرۋعا ارنالعان قۇرالدارمەن, اياق كيٸمدٸ زارارسىزداندىرۋعا ارنالعان كٸلەمشەلەرمەن, سانيتايزەرلارمەن قامتاماسىز ەتٸلەدٸ», دەلٸنگەن حابارلامادا.
مەكتەپ فورماسىنا قويىلاتىن تالاپتار جويىلمايدى, بٸراق تيٸستٸ بۇيرىققا ۋاقىتشا ٶزگەرتٸلدٸ. ياعني اتا-انا جاڭا وقۋ جىلىندا (1 قىركٷيەكتەن باستاپ 25 مامىرعا دەيٸن) بالاسىن مەكتەپكە مەكتەپ فورماسىمەن نەمەسە باسقا ىڭعايلى كيٸممەن جٸبەرۋگە قاتىستى شەشٸمدٸ ٶزٸ قابىلدايدى.
شاعىن جيناقتى مەكتەپتەردە وقيتىن وقۋشىلاردىڭ اتا-انالارىنا دا سانيتارلىق شارالاردى ساقتاۋ قاجەتتٸلٸگٸ تۋرالى ايتىلدى.
سونداي-اق بٷگٸن بالالارى قاشىقتان وقيتىن اتا-انالار ٷشٸن بٸلٸم بەرۋ پلاتفورمالارىنىڭ مٷمكٸندٸكتەرٸ كٶرسەتٸلدٸ. ايتا كەتەيٸك, بٸلٸم جەنە عىلىم مينيسترلٸگٸ قانداي دا بٸر بٸلٸم بەرۋ ينتەرنەت پلاتفورماسىن تاڭداۋعا قاتىستى شەشٸم قابىلدامايدى. ەربٸر مەكتەپ قاشىقتان وقىتۋدى ۇيىمداستىرۋعا نەگٸز بولاتىن ينتەرنەت پلاتفورمانى ٶزٸ تاڭدايدى.
ٶتكەن وقۋ جىلىنىڭ تٶرتٸنشٸ توقسانىنداعىداي, دٷيسەنبٸدەن جۇماعا دەيٸن «بالاپان» جەنە «ەل-ارنا» رەسپۋبليكالىق تەلەارنالارىندا قوسىمشا بٸلٸم بەرۋ رەسۋرسى رەتٸندە پايدالانۋ ٷشٸن تەلەساباقتار كٶرسەتٸلەدٸ.
سونىمەن قاتار كارانتيندٸك جەنە شەكتەۋ شارالارى جاعدايىندا 1-11(12) سىنىپتاردا وقۋ جەتٸستٸكتەرٸن باعالاۋ جٷيەسٸنە قاتىستى ۋاقىتشا ٶزگەرٸستەر ەنگٸزٸلدٸ. جاڭا وقۋ جىلىندا توقسان سايىن بٶلٸم ٷشٸن 1 جيىنتىق جۇمىس جەنە توقسان ٷشٸن 1 جيىنتىق جۇمىس جٷرگٸزٸلەدٸ. توقساندىق باعالاۋ كٷندەلٸكتٸ باعالاۋ, بجب جەنە تجب كٶرسەتكٸشتەرٸ نەگٸزٸندە شىعارىلاتىن بولادى.
