قر بٸلٸم جەنە عىلىم ۆيتسە-مينيسترٸ شولپان كارينوۆا مەكتەپ تٷلەكتەرٸنٸڭ قورىتىندى اتتەستاتتاۋىنا قاتىستى تٷسٸنٸك بەردٸ, دەپ حابارلايدى قازاقپارات.
«9 جەنە 11 سىنىپ وقۋشىلارىندا بيىل قورىتىندى اتتەستاتتاۋ جٷرگٸزٸلەدٸ. قورىتىندى اتتەستاتتاۋ سانى قىسقارتىلدى, ياعني توعىزىنشى سىنىپتا 3 پەن بويىنشا جەنە 11-سىنىپتا 4 پەن بويىنشا ەسكەرٸلگەن. قورىتىندى اتتەستاتتاۋدىڭ نەگٸزٸندە 9-سىنىپتا نەگٸزگٸ بٸلٸم الۋ جٶنٸندەگٸ اتتەستات جەنە 11- سىنىپتا ورتا بٸلٸم الۋ جٶنٸندەگٸ اتتەستات الادى», - دەدٸ ش. كارينوۆا مينيسترلٸكتٸڭ اپپارات جينالىسىندا.
ونىڭ ايتۋىنشا, توعىزىنشى سىنىپ ٷشٸن بٸرٸنشٸ ەمتيحان وقىتۋ تٸلٸنە بايلانىستى 28 مامىر كٷنٸ ٶتكٸزٸلەدٸ. بۇل تۇرعىدا جاڭارتىلعان بٸلٸم بەرۋ مازمۇنىنا قاتىستى ەنگٸزٸلگەن ٶزگەرٸستەرگە سەيكەس, توعىزىنشى سىنىپ وقۋشىلارى ەسسە جازادى. ونى ٶتكٸزۋگە ەكٸ ساعات ۋاقىت بەرٸلەدٸ.
ەكٸنشٸ ەمتيحان 3 ماۋسىم كٷنٸ (الگەبرا) ۇيىمداستىرىلادى. وسى ورايدا 10 تەستٸ سۇراعى مەن 5 تاپسىرمانى ورىنداۋ جٷكتەلەدٸ. ٷش ساعات ۋاقىتتا وقۋشىلار ەمتيحاندى جازباشا تٷردە تاپسىرادى.
كەلەسٸ ەمتيحان (5 ماۋسىمدا) ەكٸنشٸ وقىتۋ تٸلٸنە بايلانىستى جٷرگٸزٸلەدٸ. بۇل جەردە ۇسىنىلاتىن تاپسىرماعا ەكٸ ساعات بٶلٸنەدٸ.
«11-سىنىپ وقۋشىلارىنا توقتالساق, ولار تٶرت ەمتيحان تاپسىرادى. 1 ماۋسىم كٷنٸ وقىتۋ تٸلٸنە بايلانىستى ەمتيحان جازباشا تٷردە جٷرگٸزٸلەدٸ. وسى ورايدا ەسسە تاقىرىپتارى ۇلتتىق بٸرىڭعاي تەستٸلەۋ ورتالىعىندا كٶرسەتٸلگەن. بۇل جۇمىسقا ەر وقۋشىعا 3 ساعات بەرٸلەدٸ. بۇدان بٶلەك, 4 ماۋسىمدا الگەبرا پەنٸ بويىنشا جازباشا ەمتيحان جٷرگٸزٸلەدٸ. وعان 5 ساعات ۋاقىت بٶلٸنەدٸ», - دەدٸ ۆيتسە-مينيستر.
مۇنىمەن قوسا, 7 ماۋسىمدا 11-سىنىپ ٷشٸن قازاقستان تاريحىنان تەستٸلەۋ ەسكەرٸلگەن. ال 10 ماۋسىمدا ەكٸنشٸ وقىتۋ تٸلٸنە بايلانىستى ەمتيحان بولادى.
بۇدان بۇرىن حابارلانعانداي, 2020-2021 وقۋ جىلىن 3,4 ملن استام وقۋشى اياقتاپ جاتىر. ولاردىڭ ٸشٸندە 150 مىڭعا جۋىعى — 11 (12) سىنىپ تٷلەكتەرٸ, 270 مىڭعا جۋىعى — 9 سىنىپ وقۋشىلارى.
