استانا قالاسىنداعى №114 مەكتەپتە «مەكتەپ كٷرەس ليگاسى» جوباسى اياسىندا كٷرەس سپورتىنا ارنالعان ارنايى جابدىقتاردى تاپسىرۋ رەسٸمٸ ٶتتٸ. جوبا مەكتەپ سپورتىن دامىتۋ ماقساتىندا تۋريزم جەنە سپورت مينيسترلٸگٸ, وقۋ-اعارتۋ مينيسترلٸگٸ جەنە قازاقستان كٷرەس فەدەراتسيياسىنىڭ بٸرلەسكەن باستاماسىمەن جٷزەگە اسىرىلىپ جاتىر, دەپ حابارلايدى ult.kz.
ٸس-شاراعا تۋريزم جەنە سپورت مينيسترٸ ەربول مىرزابوسىنوۆ, وقۋ-اعارتۋ مينيسترٸ جۇلدىز سٷلەيمەنوۆا, قازاقستان كٷرەس فەدەراتسيياسىنىڭ پرەزيدەنتٸ ەركٸن وقاسوۆ جەنە سپورت سالاسىنىڭ ٶكٸلدەرٸ قاتىستى.
مەكتەپتەردٸڭ سپورت زالدارىن كٷرەسكە قاجەتتٸ ارنايى جابدىقتارمەن قامتاماسىز ەتۋ ەلدەگٸ كٷرەس سپورتىن دامىتۋعا, سونداي-اق جاسٶسپٸرٸمدەردٸڭ سپورتپەن تۇراقتى تٷردە اينالىسۋىنا مٷمكٸندٸك بەرەدٸ. سونىمەن قاتار جوبا بٸلٸم بەرۋ ۇيىمدارىندا كٷرەسپەن شۇعىلدانۋعا قولايلى ورتا قالىپتاستىرۋعا باعىتتالعان. وسى باستاما اياسىندا №114 مەكتەپكە ستاتسيونارلىق كٷرەس كٸلەمٸ تابىستالدى.
«مەملەكەت باسشىسى بۇقارالىق سپورتتى دامىتۋعا, بالالار مەن جاسٶسپٸرٸمدەردٸڭ سپورتپەن جٷيەلٸ تٷردە اينالىسۋىنا ەرەكشە كٶڭٸل بٶلٸپ كەلەدٸ. وسى مٸندەتتەردٸ ٸسكە اسىرۋ اياسىندا بٸلٸم بەرۋ ۇيىمدارىندا ۇلتتىق جەنە وليمپيادالىق سپورت تٷرلەرٸن كەڭٸنەن ناسيحاتتاۋ جۇمىستارى جٷرگٸزٸلۋدە. كٷرەس – حالقىمىزدىڭ رۋحىمەن بٸتە قايناسقان, باتىلدىق پەن تاباندىلىققا تەربيەلەيتٸن سپورت تٷرٸ. بٷگٸن مەكتەپكە تابىستالىپ وتىرعان كٷرەس كٸلەمٸ وقۋشىلاردىڭ سپورتپەن تۇراقتى اينالىسۋىنا, شەبەرلٸكتەرٸن شىڭداۋىنا جەنە بولاشاق چەمپيونداردىڭ قالىپتاسۋىنا ٶز ٷلەسٸن قوسادى دەپ سەنەمٸن», – دەپ اتاپ ٶتتٸ ەربول مىرزابوسىنوۆ.
سونداي-اق ٸس-شارا بارىسىندا ٷشجاقتى ىنتىماقتاستىق تۋرالى مەموراندۋمعا قول قويىلدى.
مەموراندۋم اياسىندا بٸرٸككەن كٷرەس ەلەمٸ (United World Wrestling) ۇيىمىنىڭ قولداۋىمەن «وليمپيادالىق ىنتىماقتاستىق» باعدارلاماسىن ٸسكە اسىرۋ, ەرەكشە بٸلٸم بەرۋ قاجەتتٸلٸگٸ بار بالالار اراسىندا گرەك-ريم, ەركٸن جەنە ەيەلدەر كٷرەسٸن دامىتۋ, سونداي-اق سەمينارلار مەن بٸلٸكتٸلٸكتٸ ارتتىرۋ كۋرستارىن ۇيىمداستىرۋ كٶزدەلگەن.
جوبانىڭ نەگٸزگٸ ماقساتى – وقۋشىلار اراسىندا بۇقارالىق سپورتتى دامىتۋ, كٷرەس تٷرلەرٸن بارىنشا قولجەتٸمدٸ ەتۋ جەنە بولاشاق جاس سپورتشىلاردى دايارلاۋعا قولايلى جاعداي قالىپتاستىرۋ.
