بٸلٸم جەنە عىلىم ۆيتسە-مينيسترٸ شولپان كارينوۆا مەكتەپ, كوللەدج جەنە بالاباقشا ديرەكتورلارىنا نەلٸكتەن جاڭا تالاپتار قويىلىپ جاتقانىن تٷسٸندٸردٸ, دەپ حابارلايدى قازاقپارات.
«بۇيرىققا ٶزگەرٸس ەنگٸزۋدەگٸ نەگٸزگٸ ماقسات – مەكتەپ پەن كوللەدج, بالاباقشا, قوسىمشا بٸلٸم بەرۋ مەكەمەلەرٸنٸڭ باسشىلارىن نەعۇرلىم ساپالى دەڭگەيدە دايىنداۋ. سوندىقتان ٷمٸتكەرلەرگە الداعى ۋاقىتتا جوعارى تالاپ قويىلادى. وسى مەكەمەلەردٸڭ باسشىسى بولامىن دەگەن ادامدارعا قويىلاتىن تالاپتار بويىنشا تيٸستٸ قۇجات بەكٸتٸلەدٸ. باستىسى – بٸلٸم ساپاسى. بٸلٸم ساپاسىنا ەسەر ەتەتٸن ەرٸ جاقسارتاتىن بٸردەن-بٸر ادام – باسشى. سوندىقتان, ارى قاراي دا كەلەسٸ نورماتيۆتٸ قۇجاتتا بٸز وسى بٸلٸم بەرۋ مەكەمەلەرٸنٸڭ باسشىلارىن تاعايىنداۋمەن قاتار, ولاردىڭ اتتتەستاتتاۋ تەرتٸبٸن دە ٶزگەرتەتٸن بولامىز», - دەدٸ شولپان كارينوۆا ۆەدومستۆونىڭ وتىرىسىندا.
ۆيتسە-مينيستردٸڭ ايتۋىنا قاراعاندا بالاباقشا, مەكتەپ نەمەسە كوللەدج بولسىن – بارلىعىنىڭ ديرەكتورىنىڭ ەڭبەكاقىسى اتتەستاتتاۋ نەتيجەسٸنە بايلانىستى بولادى.
«بٷگٸنگٸ كٷنٸ ولار نەتيجە بويىنشا بٸرٸنشٸ, ەكٸنشٸ جەنە ٷشٸنشٸ دەرەجەلٸ باسشىلار بولىپ بەكٸتٸلگەن. ولاردىڭ ەرقايسىسىنىڭ بٸلٸكتٸلٸك تالاپتارى ايقىندالعان. وسى تالاپتارعا ساي كەلگەن جاعدايدا جەنە تيٸستٸ ۇلتتىق ساناق تەستٸلەۋٸنەن ٶتكەن كەزدە, ەكٸنشٸ كەزەڭٸندە مەكتەپ, كوللەدجدٸڭ دامۋ جوسپارىن بەكٸتٸپ, ٸسكە اسىرىلۋىنىڭ نەتيجەسٸن كٶرسەتە بٸلگەن جاعدايدا – اتتەستاتتاۋ قورىتىندىسى بويىنشا شەشٸم قابىلدانادى. مۇنىڭ بارلىعى – بٷگٸنگٸ كٷنٸ بٸلٸم سالاسىنىڭ الدىنا قويىلىپ وتىرعان تالاپتاردىڭ ٶتە جوعارى ەكەنٸن كٶرسەتەدٸ», - دەدٸ ول.
ەسكە سالا كەتسەك, ۆيتسە-مينيستر مۇنىڭ الدىندا بٸلٸم مەكەمەسٸنٸڭ ديرەكتورىن تاڭداۋدا پرەزيدەنت كادر رەزەرۆٸ مەن «بولاشاق» باعدارلاماسىنىڭ قاتىسۋشىلارىنا باسىمدىق بەرٸلەتٸنٸن ايتقان ەدٸ.
