قازاقستاندا جاڭا وقۋ جىلىنا مەكتەپتەردٸڭ دايىندىعىن تەكسەرۋ بارىسىندا مىڭداعان كەمشٸلٸك انىقتالدى. سانيتارييالىق تالاپتاردىڭ ساقتالۋىنا جٷرگٸزٸلگەن مونيتورينگ نەتيجەسٸندە ولاردى جويۋ جٶنٸندە 8,4 مىڭ نۇسقاما بەرٸلگەن, دەپ حابارلايدى ult.kz.
بۇل تۋرالى ٷكٸمەت وتىرىسىندا دەنساۋلىق ساقتاۋ مينيسترٸ اقمارال ەلنازاروۆا مەلٸمدەدٸ.
مينيستردٸڭ ايتۋىنشا, ماۋسىم ايىندا جٷرگٸزٸلگەن مونيتورينگكە مەكتەپتەردٸڭ 99 پايىزى, ياعني 7 121 نىسان قامتىلعان. سونىمەن قاتار مەكتەپتەردەگٸ مەديتسينالىق پۋنكتتەردٸڭ 96 پايىزى نەمەسە 6 256 نىسان, سونداي-اق مەكتەپ-ينتەرناتتاردىڭ 99,2 پايىزى, ياعني 262 مەكەمە تەكسەرٸلگەن.
تەكسەرۋ نەتيجەسٸندە جەدەل دەن قويۋدىڭ 287 شاراسى قابىلداندى. ونىڭ ٸشٸندە 247 نىساننىڭ قىزمەتٸنە تىيىم سالىندى. بۇل نىسانداردىڭ 240-ىندا سانيتارييالىق-ەپيدەميولوگييالىق قورىتىندى بولماعان. ال تاعى 7 مەكتەپ اپاتتى جاعدايداعى عيماراتتاردا ورنالاسقانى انىقتالدى.
بۇدان بٶلەك, 40 نىساننىڭ قىزمەتٸن ۋاقىتشا توقتاتۋ تۋرالى شەشٸم قابىلدانعان. بۇعان عيماراتتاردىڭ سانيتارييالىق-تەحنيكالىق جاعدايىنىڭ تالاپقا سەيكەس كەلمەۋٸ, ينجەنەرلٸك كوممۋنيكاتسييالاردىڭ اقاۋى جەنە نىسانداردى قاۋٸپسٸز پايدالانۋعا قاجەتتٸ جاعدايلاردىڭ جاسالماۋى سەبەپ بولعان.
2026 جىلعى 13 تامىزداعى جاعداي بويىنشا بەرٸلگەن نۇسقامالاردىڭ 82,8 پايىزى, ياعني 6 961 نىسان بويىنشا تالاپتار ورىندالعان.
مەكتەپ اسحانالارى دا نازاردان تىس قالعان جوق. مونيتورينگ بارىسىندا تاماقتانۋ نىساندارىنىڭ 95 پايىزى نەمەسە 6 338 اسحانا قامتىلدى.
دەنساۋلىق ساقتاۋ مينيسترٸ جاڭا وقۋ جىلىندا مەكتەپ اسحانالارىندا بالالاردىڭ تاماقتانۋ قاۋٸپسٸزدٸگٸنە قويىلاتىن تالاپتار قاتاڭ ساقتالۋى تيٸس ەكەنٸن اتاپ ٶتتٸ.
ايتا كەتەيٸك, 2026 جىلعى 1 اقپاننان باستاپ مەملەكەتتٸك بيۋدجەت ەسەبٸنەن قارجىلاندىرىلاتىن بالالار نىساندارىندا مەملەكەتتٸك باقىلاۋدىڭ ەرەكشە تەرتٸبٸ ەنگٸزٸلگەن. بۇل تالاپتاردىڭ ورىندالۋىن نىسانعا بارىپ باقىلاۋعا جەنە قاجەت بولعان جاعدايدا جوسپاردان تىس تەكسەرۋ جٷرگٸزۋگە مٷمكٸندٸك بەرەدٸ.
