شەكەرٸم مەن ابايدىڭ فيلوسوفييالىق ليريكاسى قايتادان اشىلۋى كەرەك. اباي قۇنانبايۇلىنىڭ 174 جىلدىعىنا وراي ەلوردادا ٶتكەن راحۋني-تاعىلىمدىق ٸس-شارادا بەلگٸلٸ ابايتانۋشى, پروفەسسور مەكەمتاس مىرزاحمەتوۆ وسىلاي دەدٸ, دەپ حابارلايدى قازاقپارات.
«ابايدى ەر كەزدە ۇلىقتاپ جاتامىز. ۇلىقتاۋ – دۇرىس. بٸراق, مەنٸنە جەتٸپ ۇلىقتاۋىمىز كەرەك. ابايدىڭ رۋحاني ەلەمٸ مەن پەلساپالىق ليريكاسىنا ەۋروپا دا, شىعىس تا جەتە الماعان. شەكەرٸم مەن ابايدىڭ فيلوسوفييالىق ليريكاسى قايتادان اشىلۋى كەرەك. بۇل – بٸر. زامان ٶزگەردٸ. دٷنيەتانىم ٶزگەردٸ. بٸز ەندٸ ۇلى ساناعا قاراي جول تارتتىق. ەندٸگٸ تانىم ۇلى ساناعا قاراي كەتەدٸ. ونى بۇرىنعى بابالارىمىز ەلدەقاشان بٸلگەن, كەيٸنگٸ ٶمٸر وپان-توپان بولعان كەزدە ولاردى شايىپ كەتتٸ دە, قايتادان وسى جولعا ورالۋعا مەجبٷر بولىپ وتىرمىز. ابايدان قالعان بٸر مۇرا بار: ابايدا «تولىق ادام» ٸلٸمٸ دەگەن بار. «تولىق ادام» ٸلٸمٸن مەڭگەرگەن ادام ٶزٸن-ٶزٸ رۋحاني تازالايدى. قازٸر وسى ٸلٸم قازاقستانداعى 8 ۋنيۆەرسيتەتتە وقىتىلىپ جاتىر. سونىڭ مونوگرافيياسىن جازىپ بٸتٸردٸم. ول تولىق جارييالاندى. ەندٸ بٷكٸل قازاق جاستارىن ابايدىڭ ەلەمٸمەن تازارتۋ مەسەلەسٸ الدىمىزعا قويىلىپ وتىر. ونىڭ وقۋلىعى دايار بولدى», - دەدٸ ول.
ەسكە سالا كەتسەك, بٷگٸن اباي قۇنانبايۇلىنىڭ دٷنيەگە كەلگەنٸنە 174 جىل تولۋىنا وراي ەلوردادا «اباي ەلەمٸ» اتتى رۋحاني-تاعىلىمدىق ٸس-شارا ٶتكەن بولاتىن. وندا ەلٸمٸزگە بەلگٸلٸ زييالى قاۋىم ٶكٸلدەرٸ, ابايتانۋشىلار مەن قالا ەكٸمدٸگٸنٸڭ ٶكٸلدەرٸ باس قوستى.
