مەديتسينا مەسەلەلەرٸنە قاتىستى سۇراقتاردى قابىلدايتىن Qoldau-24/7 موبيلدٸ قوسىمشاسى ٸسكە قوسىلعان بولاتىن. وسى ۋاقىت ٸشٸندە تۇرعىنداردان 598 ٶتٸنٸش كەلٸپ تٷسكەن. ونىڭ 19-ى ەمدەۋ مەكەمەلەرٸنٸڭ قىزمەتٸنە قاتىستى شاعىمدانعان. بۇل تۋرالى «ەلەۋمەتتٸك مەديتسينالىق ساقتاندىرۋ قورى» كەاق الماتى قالالىق فيليالى ديرەكتورى تٸلەۋحان ەبٸلداەۆ ايتتى, دەپ حابارلايدى قازاقپارات.
ونىڭ ايتۋىنشا, قور اتالعان قوسىمشانى ازاماتتاردىڭ مٸندەتتٸ ەلەۋمەتتٸك مەديتسينالىق ساقتاندىرۋ مەسەلەلەرٸنە بايلانىستى سۇراقتارىن قابىلداۋ ماقساتىندا ٸسكە قوسقان. قازٸر Qoldau-24/7 قوسىمشاسى تولىققاندى جۇمىس ٸستەپ تۇر.
«مسق ازاماتتاردىڭ مەديتسيناعا قاتىستى ساۋالدارىنان حاباردار بولىپ, ولاردى شەشۋگە سەپتٸگٸن تيگٸزەتٸن بايلانىس كانالدارىن دامىتۋعا كٷش سالىپ جاتىر. كەرٸ بايلانىستىڭ بۇل تٷرٸ قازٸر ٶتە ىڭعايلى. ٶيتكەنٸ, تۇرعىنداردىڭ كٶبٸ بايلانىس ورتالىعىنا حابارلاسىپ, تۋىنداعان مەسەلەنٸ وپەراتورعا تٷسٸندٸرٸپ جاتقانشا, ەلەكتروندى قوسىمشاعا جازىپ قالدىرعاندى دۇرىس كٶرەدٸ. تۇرعىنداردىڭ ٶتٸنٸشتەرٸ ارنايى نٶمٸرمەن تٸركەلٸپ, مەسەلەنٸڭ جاۋابى بەلگٸلەنگەن ۋاقىتتا شاعىمدانۋشىنىڭ قوسىمشاداعى اككاۋنتىنا جٸبەرٸلەدٸ», – دەدٸ فيليال باسشىسى.
قوسىمشانى ۇيالى تەلەفونداعى App Store جەنە Google play ارقىلى جٷكتەۋگە بولادى. ٶتٸنٸش نەمەسە شاعىم قالدىرۋ ٷشٸن مٸندەتتٸ تٷردە تٸركەلۋ قاجەت. تٸركەلگەن شاعىمداردى قور ماماندارى ٶڭدەيدٸ, تيٸستٸ مەديتسينا ۇيىمدارىمەن بٸرلەسٸپ شەشەدٸ. ساراپتاما قاجەت بولعان جاعدايدا مونيتورينگ جٷرگٸزٸلەدٸ.
سونىمەن قاتار, قوسىمشادا جيٸ كەزدەسەتٸن سۇراقتارعا ارنالعان بٶلٸم بار. ازاماتتار كٶپشٸلٸكتٸ مازالايتىن ساۋالداردىڭ جاۋابىن سول جەردەن تابا الادى.
ەستەرٸڭٸزگە سالا كەتسەك, 2019 جىلدىڭ قىركٷيەك ايىندا مسق 1406 بٸرىڭعاي بايلانىس ورتالىعىن ٸسكە قوسقان بولاتىن. ورتالىق وپەراتورلارى مەمس جٷيەسٸنە قاتىستى سۇراقتارعا جاۋاپ بەرٸپ, مەديتسينالىق قىزمەت ساپاسىنا قاتىستى شاعىمداردى تٸركەۋمەن اينالىسادى.
