قر دسم رەسپۋبليكالىق دەنساۋلىق ساقتاۋدى دامىتۋ ورتالىعىنىڭ باس ديرەكتورى قانات تٶسەكباەۆ مەديتسينا تٷلەكتەرٸن جۇمىسقا ورنالاستىرۋ كٶرسەتكٸشتەرٸن باياندادى, دەپ حابارلايدى قازاقپارات.
«مەديتسينالىق جوو, عزي, عو بويىنشا 2020 جىلى 7 910 مامان داريالاندى. اۋىلدىق كۆوتانى قوسا العاندا, 5 551 تٷلەك مەملەكەتتٸك گرانت بويىنشا وقۋدى اياقتادى. سونىمەن بٸرگە قر «بٸلٸم تۋرالى» زاڭىنا سەيكەس, 3 156 ادام مٸندەتتٸ جۇمىسپەن ٶتەۋدەن بوساتىلدى. ونىڭ ٸشٸندە 1 735 مامان رەزيدەنتۋرادا, ماگيستراتۋرادا, دوكتورانتۋرادا وقۋىن جالعاستىردى, 1 421 مامان جٷكتٸلٸك, 3 جاسقا دەيٸنگٸ بالا كٷتٸمٸ, مٷگەدەكتٸك بويىنشا بوساتىلدى. ەسكەري قىزمەت ٷشٸن 3 تٷلەكتٸڭ وقۋى كەيٸنگە قالدىرىلدى. ال 272 جاس مامان جۇمىسقا جٸبەرٸلگەن ورنىنا كەلگەن جوق. مەملەكەتتٸك مەديتسينالىق ۇيىمدارداعى ەڭبەكپەن ٶتەۋ مٸندەتتەمەلەرٸنٸڭ ورىندالۋىن بٸلٸم جەنە عىلىم مينيسترلٸگٸنٸڭ «قارجى ورتالىعى» اق جٷزەگە قاداعالايدى», - دەدٸ ق. تٶسەكباەۆ ورتالىق كوممۋنيكاتسييالار ورتالىعىندا ٶتكەن ونلاين بريفينگتە.
وسىلايشا 2020 جىلى وقۋ بٸتٸرگەن 2 054 مامان جۇمىسقا ورنالاسقان.
«تٷلەكتەردٸ جۇمىسقا ورنالاستىرۋ بويىنشا ەڭ جوعارى كٶرسەتكٸش اقتٶبە وبلىسىندا تٸركەلدٸ, ايماققا بٶلٸنگەن جاس مامانداردىڭ 90% كەلگەن. جۇمىسپەن ٶتەۋدەن بوساتىلعان تٷلەكتەردٸ ەسكەرە وتىرىپ, اقتٶبە وبلىسىنا 111 ادام جٸبەرٸلسە, 100 جاس مامان جۇمىسقا ورنالاسقان. سونداي-اق, شىعىس قازاقستان وبلىسىندا 158 جاس ماماننىڭ 138-ٸ (87%), پاۆلودار وبلىسىندا – 80 تٷلەكتٸڭ 68-ٸ (85%) جۇمىسقا ورنالاسىپ, جوعارى كٶرسەتكٸشكە جەتكەن. ال ەڭ تٶمەن كٶرسەتكٸش اقمولا وبلىسىندا (52%), وندا جٸبەرٸلگەن 88 بولاشاق مەديتسينا قىزمەتكەرٸنٸڭ 46-سى عانا بارعان», - دەپ تٷسٸندٸردٸ سپيكەر.
جالپى پراكتيكا دەرٸگەرلەرٸ ەڭ سۇرانىسقا يە ماماندار بولىپ قالا بەرەدٸ, ولارعا رەسپۋبليكا بويىنشا 652 شتاتتىق ورىن تاپشىلىعى بار. انەستەزيولوگ-رەانيماتولوگتار دا ەڭبەك نارىعىندا سۇرانىسقا يە, بۇل ماماندار ٷشٸن 360,5 شتاتتىق ورىن بوس تۇر.
«جالپى دەرٸگەرلٸك پراكتيكا» ماماندىعىنىڭ تٷلەكتەرٸ بيىلعى تاپشىلىقتى 60%-عا قامتۋى تيٸس, ال تەراپەۆتتەر مەن پەدياترلارعا قاجەتتٸلٸك تولىق قاناعاتتانۋى تيٸس.
«بٸراق انەستەزيولوگ-رەانيماتولوگتاردىڭ تاپشىلىعى جوعارى بولىپ قالادى, ٶيتكەنٸ تٷلەكتەردٸ جۇمىسقا ورنالاستىرعاننان كەيٸن دە شامامەن 80% كادر جەتٸسپەۋشٸلٸگٸ بولادى», - دەدٸ ق. تٶسەكباەۆ.
ايتا كەتەيٸك, قازاقستاندا 4122 شتاتتىق ورىنعا دەرٸگەرلەر قاجەت. ەسٸرەسە, انەستەزيولوگ-رەانيماتولوگ, تەراپەۆت, جالپى پراكتيكالىق دەرٸگەر, زەرتحاناشى دەرٸگەر, اكۋشەر-گينەكولوگ, ينفەكتسييالىق دەرٸگەرلەر جەتٸسپەي جاتىر. ورتاشا مەديتسينالىق قىزمەتكەرلەر اراسىندا 8583 بوس شتاتتىق ورىن بار.
بٸر جىلدا ەلٸمٸزدە 31 مىڭ مامانى جۇمىستان شىعىپ, 1200 مامان شەتەلگە كەتكەن.
