قر ۇلتتىق وليمپيادا كوميتەتٸ سپورت ديرەكتسيياسىنىڭ ديرەكتورى ەلسييار قاناعاتوۆ قىسقى وليمپياداعا قاتىسىپ جاتقان قازاقستاندىق سپورتشىلاردىڭ نەتيجەسٸ تۋرالى پٸكٸر بٸلدٸردٸ, دەپ حابارلايدى قازاقپارات.
«ەلٸ دە الدا جارىستار بار, قالاشىقتا سپورتشىلارعا بار جاعداي جاسالعان. بٸز دە ٶز كٶمەگٸمٸز بەن قولداۋىمىزدى كٶرسەتۋگە تىرىسىپ جاتىرمىز. سوندىقتان, جانكٷيەرلەرگە راحمەت, سپورتشىلاردى جٸگەرلەندٸرٸپ وتىرساڭىزدار, باسقا ەشتەڭە قاجەت ەمەس», - دەدٸ ەلسييار قاناعاتوۆ ZOOM الاڭىندا ٶتكەن باسپاسٶز مەسليحاتىندا.
سپيكەردٸڭ ايتۋىنشا, سپورتشىلاردىڭ نەتيجەسٸنە بولجام جاساۋ قيىن.
«تەۋەلسٸزدٸك العالى قىسقى وليمپيادا ويىندارىندا بار بولعانى 8 مەدال جەڭٸپ العانبىز, ونىڭ تٶرتەۋٸن جالعىز ۆلاديمير سميرنوۆ العان. مەدال يەلەنۋ وڭاي شارۋا ەمەس. فريستايل-موگۋل بويىنشا كٶپتەگەن ەلدەردە بٸرنەشە سپورتشى عانا بٸلٸكتٸلٸك الادى. ال بٸزدٸڭ ەلدەن تٶرت سپورتشى ويىن كٶرسەتتٸ. مەنٸڭشە, بۇل دا جاقسى جەتٸستٸك. ەرينە, الدا ەلٸ تالاي ويىن بار. بٸز ٷزدٸك وندىققا ەنۋگە تيٸس سپورتشىلاردىڭ ەسٸمدەرٸن بٸرنەشە رەت اتادىق. بٸز سٸزدەردٸ قۋانتۋعا دايىنبىز. بۇل سالانىڭ ماماندارى قىسقى سپورت تٷرلەرٸنٸڭ دەڭگەيٸ تۋرالى جاقسى بٸلەدٸ. ەلوردادا كونكيمەن جٷگٸرۋ سپورتى بويىنشا تەك «الاۋ» مۇز سارايى عانا جۇمىس ٸستەيدٸ. وسىعان قاراماستان, بٸزدٸڭ سپورتشىمىز ەلەم چەمپيوناتىندا ەكٸنشٸ ورىن الدى», - دەدٸ قاناعاتوۆ.
