پارلامەنت مەجٸلٸسٸنٸڭ جالپى وتىرىسىندا جۇلدىز سٷلەيمەنوۆا جاڭا مەكتەپتەر قۇرىلىسىنا كەدەرگٸ بولاتىن تٷيٸندٸ مەسەلەلەردٸ كٶتەردٸ. وسى ورايدا دەپۋتات قر پرەمەر-مينيسترٸنٸڭ بٸرٸنشٸ ورىنباسارى ەليحان سمايىلوۆتىڭ اتىنا ساۋال جولدادى, دەپ حابارلايدى قازاقپارات.
«مەملەكەت باسشىسىنىڭ جولداۋىندا جاڭا مەكتەپتەر سانىن 800-دەن 1000-عا دەيٸن ارتتىرۋ تاپسىرىلدى. الايدا, ونى تٷپكٸلٸكتٸ شەشۋدە ەلٸ دە تٷيٸندٸ مەسەلەلەر بار. ەڭ باستى مەسەلە, مەملەكەتتٸك بيۋدجەت قاراجاتىنىڭ دۇرىس جوسپارلانباۋى. ورتا بٸلٸم بەرۋ وبەكتٸلەرٸنٸڭ قۇرىلىسى بيۋدجەت قاراجاتى ەسەبٸنەن ٷنەمٸ جەتكٸلٸكسٸز قارجىلاندىرىلۋدا. اتاپ ايتقاندا, قازٸر مەكتەپتەر قۇرىلىسىنا جان باسىنا شاققانداعى نورماتيۆتٸ ەسەپتەۋ ەدٸستەمەسٸ 6 ايلىق ەسەپتٸك كٶرسەتكٸش بازالىق تاريفٸنە نەگٸزدەلگەن. الايدا, 2019 جىلى رەسپۋبليكالىق بيۋدجەت كوميسسيياسىنىڭ شەشٸمٸمەن قر ٷكٸمەتٸنٸڭ قاۋلىسىنا سەيكەس, ٷش اۋىسىمدى, اپاتتى مەكتەپتەردٸ جەنە وقۋشى ورىندارىنىڭ تاپشىلىعىن جويۋ ماقساتىندا مەكتەپتەر سالۋعا ارنالعان بازالىق نورماتيۆ 6 ايلىق ەسەپتٸك كٶرسەتكٸشتەن 9 ايلىق ەسەپتٸك كٶرسەتكٸشكە دەيٸن كٶتەرٸلگەن. ياعني, 6 ايلىق ەسەپتٸك كٶرسەتكٸش بازالىق تاريفٸ مەكتەپ قۇرىلىسىن سالۋعا جەتكٸلٸكسٸز ەكەندٸگٸ 2019 جىلدىڭ ٶزٸندە بەلگٸلٸ بولعان», - دەدٸ ج. سٷلەيمەنوۆا.
ونىڭ ايتۋىنشا, وسى كەزگە دەيٸنگٸ ەسەپتەۋلەر ەسكٸ نورماتيۆتەرمەن جٷرگٸزٸلٸپ كەلەدٸ. بيىل جالپى سيپاتتاعى ترانسفەرتتەردەن 200 مەكتەپتٸڭ قۇرىلىسىنا 95,7 ملرد تەڭگە كٶزدەلگەن. قوسىمشا قاراجات 53 ملرد تەڭگە جۇمىسپەن قامتۋدىڭ جول كارتاسىنان بٶلٸنگەن. اتالعان قاراجاتتىڭ ايماقتارعا دەر كەزٸندە جەتپەۋٸنەن بٷگٸندە 13 مەكتەپ مەرزٸمٸنەن كەش بەرٸلمەك. بيۋدجەتتٸڭ دۇرىس جوسپارلانباۋى سالدارىنان جەرگٸلٸكتٸ اتقارۋشى بيلٸك ورگاندارى بٸلٸم بەرۋ وبەكتٸلەرٸن ۋاقىتىلى ەكسپلۋاتاتسيياعا ەنگٸزۋدە قوسىمشا قاراجات ٸزدەۋگە مەجبٸر.
«ەڭ ٶكٸنٸشتٸسٸ, جاڭا بيۋدجەتتٸڭ جوباسىندا وسى جاعداي قايتالانىپ وتىر. مەسەلەن, كەلەسٸ جىلعا 200 مەكتەپتٸڭ قۇرىلىسىنا جالپى سيپاتتاعى ترانسفەرتتەردەن 104 ملرد تەڭگە كٶزدەلگەن, بۇل ٶتكەن جىلمەن سالىستىرعاندا 44 ملرد تەڭگەگە از. تەك قۇرىلىس ماتەريالدارى باعاسىنىڭ 30%-عا ٶسكەنٸن ەسكەرسەك, بٷگٸنگٸ كٷننٸڭ ٶزٸندە بۇل قاراجاتتٸڭ جەتكٸلٸكسٸز ەكەنٸ ايتپاسا دا تٷسٸنٸكتٸ. قاراجات تاپشىلىعى كەم دەگەندە 50 ملرد تەڭگەنٸ قۇرايدى», - دەدٸ دەپۋتات.
وسى ورايدا «Nur Otan» پارتيياسى فراكتسيياسى مٷشەلەرٸ كەلەسٸ ۇسىنىستاردى ەنگٸزدٸ:
- قازاقستان رەسپۋبليكاسىنىڭ ٷكٸمەتٸنە 1000 مەكتەپتٸ سالۋ جٶنٸندەگٸ كەشەندٸ ٸس-شارالار جوسپارىن قابىلداۋ;
- كەلەسٸ جىلدان باستاپ مەكتەپتەر قۇرىلىسىنا 9 ايلىق ەسەپتٸك كٶرسەتكٸش بازالىق تاريفٸن قولدانۋ;
- مەكتەپتەر قۇرىلىسىن ستاندارتىن ٶزگەرتۋ ەسكەرٸلگەن.
