سولتٷستٸك وبلىستاردى گازداندىرۋ جٶنٸندەگٸ نورماتيۆتٸك ەرەجەلەرگە تيٸستٸ ٶزگەرٸستەر ەنگٸزۋ كەرەك. بۇل تۋرالى مەجٸلٸستٸڭ جالپى وتىرىسىندا دەپۋتات جامبىل احمەتبەكوۆ مەلٸم ەتتٸ, دەپ حابارلايدى "ۇلت اقپارات".
«سوڭعى جىلدارى ەلٸمٸز بويىنشا قارقىندى تٷردە جٷرگٸزٸلٸپ جاتقان گازداندىرۋ مەسەلەسٸ, حالىقتىڭ ەلەۋمەتتٸك جاعدايىن كٶتەرۋگە ەسەر ەتەتٸن ٷلكەن دە ماڭىزدى شارا بولىپ وتىر. مەجٸلٸستەگٸ قحپ فراكتسيياسىنا بەلگٸلٸ ساراپشى-عالىمداردان كەلٸپ تٷسكەن ۇسىنىستاردا كەيبٸر نورماتيۆتٸك قۇجاتتارداعى گازداندىرۋعا كەدەرگٸ كەلتٸرٸپ وتىرعان قايشىلىقتاردى اشىپ بەردٸ. عالىمداردىڭ پٸكٸرٸنشە, قازاقستان رەسپۋبليكاسىنىڭ ٷكٸمەتٸنٸڭ 2020 جىلعى 24 قاراشاداعى شەشٸمٸنە «سارى-ارقا» ماگيسترالدىق گاز قۇبىرىمەن گاز جەتكٸزۋ, سولتٷستٸك وبلىستاردى گازداندىرۋ جٶنٸندەگٸ نورماتيۆتٸك ەرەجەلەرگە تيٸستٸ ٶزگەرٸستەر ەنگٸزۋ قاجەتتٸلٸگٸ تۋىنداپ وتىر», - دەدٸ دەپۋتات يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆقا جولداعان ساۋالىندا.
ونىڭ ايتۋىنشا, ەلٸمٸزدٸڭ سولتٷستٸك وبلىستارى مەن نۇر-سۇلتان قالاسىندا اياز –40 گرادۋسقا, كەيدە -50-گە جەتەدٸ. ال بۇل جاعداي قولدانىستاعى نورمالار مەن ەرەجەلەردە ەسكەرٸلمەگەن. تەجٸريبە كٶرسەتٸپ وتىرعانداي, قىسىمدى رەتتەگٸشتەردٸ, گازدى ەسەپكە الۋ قۇرالدارىن ابونەنتكە 2 ساتىلى سحەما بويىنشا اشىق جەردە ورناتىپ بەرۋ وڭتٷستٸك وبلىستاردىڭ كليماتتىق جاعدايلارىندا عانا قولدانۋعا بولادى.
«بۇل قۇجاتتارداعى ٶنٸمدەر, گاز قىسىمىن رەتتەگٸشتەر مەن گاز ەسەپتەۋٸشتەر 2 ساتىلى سحەمالىق ورناتۋعا سولتٷستٸك ٶڭٸرلەردٸڭ ايازىنا شىدامايدى. سەبەبٸ مۇنداعى نەگٸزگٸ كومپونەنتتەر ەۋروپالىق ستاندارتتار بويىنشا جاسالادى, ولار –25°c-عا دەيٸن سىناقتان ٶتە الادى. سوندىقتان وسى ٶنٸمدەردٸ يمپورتپەن ەكەلەتٸن ٶندٸرۋشٸلەر, بۇل ٶنٸمدەردٸڭ قاتتى ايازدا جۇمىس ٸستەي الاتىندىعىنا كەپٸلدٸك بەرمەيدٸ. ەگەر –35 جەنە –40 گرادۋس اياز بولسا, بۇل ٶنٸمدەر ٸستەن شىعادى. قولدانىستاعى نورماتيۆتٸك قۇجاتقا ٶزگەرٸستەر ەنگٸزۋ قاجەتتٸلٸگٸنٸڭ ماڭىزدى بٸر فاكتورى ەكونوميكالىق قاجەتتٸلٸكتەن تۋىنداپ وتىر. 2 جەنە 3 ساتىلى سحەمالىق گاز تاراتۋ جٷيەسٸنٸڭ ەرتٷرلٸ نۇسقالارىنا تالداۋ جٷرگٸزٸلگەن كەزدە, قالالار مەن ٸرٸ ەلدٸ مەكەندەر ٷشٸن 3 ساتىلى سحەماسى نەعۇرلىم تيٸمدٸ ەكەندٸگٸن كٶرٸپ وتىرمىز. ياعني, ول گازدى ابونەنتتەرگە ٷيگە كٸرگٸزٸپ مونتاجداۋ دەگەن سٶز. ٶكٸنٸشكە قاراي, وسى سحەمالارىن تاڭداۋدى رەتتەيتٸن قولدانىستاعى نورماتيۆتٸك قۇجاتتاردا بٸر-بٸرٸنە قاراما-قايشى كەلەتٸن تۇستارى بار», - دەپ توقتالدى ج. احمەتبەكوۆ.
وسى ايتىلعانداردى ەسكەرە وتىرىپ, نورماتيۆتٸك قۇجاتتارعا ەنگٸزۋگە مىنالار ۇسىنىلدى:
1. جەكە تۇلعالاردى گاز قۇبىرلارىنا قوسۋعا ارنالعان تەحنيكالىق شارتتاردى جاساسۋ كەزٸندە, بۇل قىزمەتتٸڭ قۇنىن جوبادا الدىن الا ەسكەرۋ جەنە ونى بارىنشا وڭتايلاندىرۋ;
2. «اقىلدى ەسەپتەگٸشتەردٸ» ساتىپ الۋدى, مونتاجداۋدى جوبالىق شەشٸمدەرگە ەنگٸزۋدٸ «تسيفرلىق قازاقستان» مەملەكەتتٸك باعدارلاماسىنىڭ اۋقىمىنا ەنگٸزۋ جەنە ولاردىڭ قۇنىنىڭ سيپاتتامالارىن بٸرٸزدەندٸرۋ;
3. حالىققا تٷسەتٸن قارجىلىق جٷكتەمەنٸ ازايتۋ ٷشٸن «اقىلدى ەسەپتەگٸشتەردٸ» ساتىپ الۋعا جەنە ورناتۋعا ارنالعان شىعىنداردى تاپسىرىس بەرۋشٸنٸڭ قاراجاتى ەسەبٸنە جاتقىزۋ.
