مەجٸلٸس «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە جەر قاتىناستارى مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قر زاڭ جوباسىنا قر پارلامەنتٸنٸڭ سەناتى ەنگٸزگەن ٶزگەرٸستەرمەن جەنە تولىقتىرۋلارمەن كەلٸستٸ, دەپ حابارلايدى "ۇلت اقپارات".
پارلامەنت جەردٸ شەتەلدٸكتەرگە ساتپاۋدى كٶزدەيتٸن زاڭ جوباسىن قابىلدادى.
«اگرارلىق مەسەلەلەر كوميتەتٸ «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە جەر قاتىناستارى مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قر زاڭ جوباسىنا قر پارلامەنتٸ سەناتى ەنگٸزگەن ٶزگەرٸس پەن تولىقتىرۋدى قاراپ شىقتى. سەنات ۇسىنعان ٶزگەرٸستەر مەن تولىقتىرۋلار شەتەلدٸك جەر پايدالانۋشىلاردىڭ جەنە شەتەلدٸك قاتىسۋى بار زاڭدى تۇلعالاردىڭ, سونداي-اق اۋىل شارۋاشىلىعى ماقساتىنداعى جەر ۋچاسكەلەرٸن جەكە مەنشٸك جەنە جەر پايدالانۋ قۇقىعىمەن كانداستاردىڭ يەلەنۋٸنە تىيىم سالۋدى ەنگٸزۋدٸ كٶزدەيتٸن زاڭ جوباسىنىڭ مەجٸلٸس ماقۇلداعان تۇجىرىمداماسىن بۇزبايدى جەنە ونىڭ مازمۇنىن ناشارلاتپايدى. باياندالعاندى ەسكەرە وتىرىپ, اگرارلىق مەسەلەلەر كوميتەتٸ اتالعان زاڭ جوباسىنا قر پارلامەنتٸ سەناتى ەنگٸزگەن ٶزگەرٸسپەن جەنە تولىقتىرۋمەن كەلٸسۋدٸ ۇسىنادى», - دەدٸ اگرارلىق مەسەلەلەر كوميتەتٸنٸڭ حاتشىسى بەرٸك وسپانوۆ مەجٸلٸستٸڭ جالپى وتىرىسىندا.
29 سەۋٸر كٷنٸ سەنات «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە جەر قاتىناستارى مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن مەجٸلٸسكە قايتارعان ەدٸ.
ۇسىنىلعان زاڭ جوباسىندا اۋىل شارۋاشىلىعى جەرلەرٸن شەتەلدٸكتەرگە جەنە شەتەلدٸك كومپانييالارعا, شەتەلدٸك ٷلەسٸ بار قازاقستاندىق كومپانييالارعا, ازاماتتىعى جوق ادامدارعا, حالىقارالىق قاتىسۋ ٷلەسٸ بار عىلىمي ورتالىقتارعا, سونداي-اق قانداستارعا بەرۋگە تولىقتاي تىيىم سالۋ كٶزدەلگەن.
ودان بٶلەك, زاڭ جوباسىندا بۇدان بۇرىن شەتەلدٸكتەر جەنە شەتەلدٸك ٷلەسٸ بار قازاقستاندىق كومپانييالار جالعا العان اۋىل شارۋاشىلىعى جەرلەرٸن پايدالانۋ مەرزٸمٸ ۇزارتىلمايتىنى جەنە ولار پايدالانۋ مەرزٸمٸ اياقتالعانعا دەيٸن عانا يەلٸكتە بولاتىنى كٶزدەلگەن.
