فوتو: Sputnik / ميحايل مورداسوۆ
مەجٸلٸس دەپۋتاتى ارداق نازاروۆ تٷركٸستان قالاسىندا اراق-شاراپ ساتۋعا تىيىم سالۋدى ۇسىندى, دەپ حابارلايدى Ult.kz Sputnik قازاقستانعا سٸلتەمە جاساپ.
بٷگٸن پارلامەنتتٸڭ تٶمەنگٸ پالاتاسىندا تٷركٸستاننىڭ ەرەكشە مەرتەبەسٸ تۋرالى زاڭ جوباسى قارالدى. دەپۋتات ارداق نازاروۆ وسى زاڭ اياسىندا قالادا اراق ساتۋعا دا, ٸشۋگە دە تىيىم سالۋدى ۇسىندى.
"ٶيتكەنٸ تٷركٸستاندى رۋحاني استانا دەپ وتىرمىز. بٷكٸل قازاق وسى جەردەن رۋح الۋى كەرەك, ول جەردە بابالارىمىز, ەۋليە, باتىر بيلەرٸمٸز جاتىر. ەرتەڭ شەتەلدەن كٶپ قوناق كەلەدٸ. سول كەزدە بٸزدٸڭ ازاماتتارىمىز اراق ٸشٸپ, الدىنان شىعاتىن بولسا, ۇيات قوي. سوندىقتان وسى زاڭ اياسىندا اراقسىز قالا, رۋحاني قالا دەپ, اراققا تىيىم سالۋعا بولا ما?", - دەدٸ نازاروۆ.
تٷركٸستان وبلىسى ەكٸمٸنٸڭ ورىنباسارى بەيسەنباي تەجٸباەۆتىڭ ايتۋىنشا, وبلىستا "ٸشٸمدٸكسٸز اۋىل" جوباسى قولداۋ تاپتى. وعان بٸر جىلدىڭ ٸشٸندە 30 اۋىل قوسىلدى.
"بۇل باستاما تٷركٸستان قالاسىندا دا جەرگٸلٸكتٸ زييالى قاۋىممەن, اقساقالدارمەن, قوعام بەلسەندٸلەرٸمەن تالقىلاندى. دەگەنمەن تٷركٸستاننىڭ نەگٸزگٸ رۋحاني-مەدەني باعىتىمەن قاتار تۋريستٸك باسىمدىق دا بار. سول سەبەپتٸ بيزنەس ٶكٸلدەرٸنٸڭ تاراپىنان ول مەسەلەگە دە تٷرلٸ كٶزقاراس قالىپتاسىپ وتىر. اتالعان مەسەلە ورىندى. الداعى ۋاقىتتا زاڭ جوباسىن قابىلداپ جاتقاننان كەيٸن بۇل مەسەلەنٸ دە تيٸستٸ زاڭ نورمالارى اياسىندا قاراستىرۋ قاجەت دەپ سانايمىز", - دەدٸ تەجٸباەۆ.
