پارلامەنت مەجٸلٸسٸنٸڭ جالپى وتىرىسىندا «وتباسىلىق-تۇرمىستىق زورلىق-زومبىلىققا قارسى ٸس-قيمىل تۋرالى» زاڭ جوباسى بٸرٸنشٸ وقىلىمدا ماقۇلداندى, دەپ حابارلايدى "ۇلت اقپارات".
زاڭ جوباسى وتباسىلىق-تۇرمىستىق زورلىق-زومبىلىققا قارسى ٸس-قيمىل جٶنٸندەگٸ مەملەكەتتٸك ساياساتتىڭ قۇقىقتىق, ەلەۋمەتتٸك, ينستيتۋتسيونالدىق جەنە ۇيىمداستىرۋشىلىق نەگٸزدەرٸن جەتٸلدٸرۋ ماقساتىندا ەزٸرلەندٸ.
زاڭ جوباسى ارقىلى: وتباسىلىق-تۇرمىستىق زورلىق-زومبىلىققا قارسى ٸس-قيمىل سالاسىنداعى مەملەكەتتٸك ساياساتتى ٸسكە اسىرۋدىڭ قۇقىقتىق تەتٸكتەرٸن رەتكە كەلتٸرۋ; ۇعىمدىق اپپاراتتى كەڭەيتۋ; قۇقىق بۇزۋشىلاردىڭ زورلىق-زومبىلىق جەنە اگرەسسييالىق مٸنەز-قۇلقىن ٶزگەرتۋ ٷشٸن پسيحولوگييالىق جاعىنان تٷزەتۋ باعدارلاماسىنان ٶتۋ ارقىلى قۇقىق بۇزۋشىلاردى قايتا ەلەۋمەتتەندٸرۋ جٶنٸندە شارالار ەنگٸزۋ; قۇقىق بۇزۋشىلارعا قاتىستى قورعاۋ نۇسقاماسىن شىعارۋ كەزٸندە پوليتسييانىڭ ولاردى باقىلاۋ جٶنٸندەگٸ قۇزىرەتٸن كٷشەيتە وتىرىپ, ۋەكٸلەتتٸ مەملەكەتتٸك ورگانداردىڭ قۇزىرەتتەرٸن ناقتىلاۋ ەسكەرٸلگەن.
سونىمەن قاتار, قۇجاتتا زارداپ شەككەندەردٸڭ قۇقىقتارى مەن قاۋٸپسٸزدٸك كەپٸلدٸكتەرٸن بەكٸتۋ, وسى سالاداعى زاڭنامانىڭ ساقتالۋىن قوعامدىق باقىلاۋ مەسەلەلەرٸن رەتتەۋ, وتباسىلىق-تۇرمىستىق زورلىق-زومبىلىققا قارسى ٸس-قيمىل سالاسىنداعى اقپاراتتى, ستاتيستيكالىق دەرەكتەردٸ جيناۋدى, ٶڭدەۋدٸ جەنە تالداۋدى كٶزدەيتٸن ستاتيستيكالىق مونيتورينگ ەنگٸزۋ, زارداپ شەككەندەردٸڭ قورعالۋعا, ەلەۋمەتتٸك كٶمەككە جەنە باسقالارعا قۇقىقتارىن بەكٸتۋ ۇسىنىلادى.
زاڭ جوباسىمەن جۇمىس ٸستەۋ بارىسىندا دەپۋتاتتار قۇجاتتىڭ جەكەلەگەن نورمالارىن ناقتىلايتىن جەنە مازمۇنىن جاقسارتاتىن تٷزەتۋلەر ەنگٸزدٸ.
جۇمىس توبىنىڭ 13 وتىرىسى جەنە كوميتەتتٸڭ كەڭەيتٸلگەن وتىرىسى ٶتكٸزٸلدٸ. جۇمىس توبى اياسىندا 2020 جىلعى 16 سەۋٸردە زاڭ جوباسىنىڭ تانىستىرىلىمى بولدى. زاڭ جوباسى بويىنشا سالىستىرمالى كەستەگە شامامەن 200 تٷزەتۋ كەلٸپ تٷستٸ, ولاردىڭ ٸشٸندە 126 تٷزەتۋ قابىلداندى.
