بٷگٸن مەجٸلٸستٸڭ جالپى وتىرىسىندا «قازاقستان رەسپۋبليكاسى مەن ٶزبەكستان رەسپۋبليكاسى اراسىنداعى وداقتاستىق قاتىناستار تۋرالى شارتتى راتيفيكاتسييالاۋ تۋرالى» زاڭ جوباسى قابىلداندى.
اتالعان قۇجاتقا 2022 جىلعى 22 جەلتوقساندا تاشكەنتتە قول قويىلدى.
شارتتىڭ ماقساتى - قازاق-ٶزبەك قاتىناستارىن ٶزارا ٸس-قيمىل مەن ەكٸجاقتى ىنتىماقتاستىقتىڭ جاڭا دەڭگەيٸنە كٶتەرۋ, سونداي-اق ەكٸ مەملەكەتتٸڭ تەۋەلسٸزدٸگٸن, ەگەمەندٸگٸن, اۋماقتىق تۇتاستىعىن جەنە تۇراقتى ەكونوميكالىق دامۋىن ودان ەرٸ نىعايتۋعا جەردەمدەسۋ.
«شارتتىڭ 1-بابىنا سەيكەس قازاقستان رەسپۋبليكاسى مەن ٶزبەكستان رەسپۋبليكاسى جان-جاقتى ىنتىماقتاستىق, سەنٸم, تەڭدٸك جەنە ۇلتتىق مٷددەلەردٸ ٶزارا ەسكەرۋ, تەۋەلسٸزدٸكتٸ, ەگەمەندٸكتٸ, اۋماقتىق تۇتاستىقتى جەنە مەملەكەتتٸك شەكارالاردىڭ مىزعىماستىعىن ٶزارا قۇرمەتتەۋ, سونداي-اق ٶزارا مٸندەتتەمەلەردٸ ادال ورىنداۋ نەگٸزٸندە ۇزاق مەرزٸمدٸ وداقتاستىق قاتىناستاردى قۇرادى جەنە دامىتادى. قۇجاتتىڭ نەگٸزٸندە تاراپتار قانداي دا بٸر بلوكتارعا نەمەسە وداقتارعا قاتىسپاۋ مٸندەتتەمەسٸن راستايدى جەنە باسقا تاراپقا باعىتتالعان قانداي دا بٸر ٸس-ەرەكەتتەرگە قاتىسۋدان تارتىنادى», - دەلٸنگەن مەجٸلٸستٸڭ حالىقارالىق ٸستەر, قورعانىس جەنە قاۋٸپسٸزدٸك كوميتەتٸنٸڭ مەلٸمەتٸندە.
شارتتىڭ 4-بابىنا سەيكەس قازاقستان-ٶزبەكستان كٶپقىرلى ىنتىماقتاستىعىن باۋىرلاستىق, وداقتاستىق جەنە ستراتەگييالىق ەرٸپتەستٸك رۋحىندا ودان ەرٸ نىعايتۋ ماقساتىندا تاراپتار مەملەكەت باسشىلارى باسقاراتىن جوعارى مەملەكەتارالىق كەڭەستٸ قۇردى, ول وداقتاستىق قاتىناستاردى دامىتۋدىڭ ستراتەگييالىق باعىتتارىن ايقىندايدى جەنە تاراپتاردىڭ ورتاق مٷددەلەرٸنە بايلانىستى بارىنشا ماڭىزدى مەسەلەلەردٸ قارايدى.
تاراپتار قۇجات اياسىندا ەكٸ مەملەكەتتٸڭ پارلامەنتتەرٸ, ساياسي پارتييالارى مەن قوعامدىق ۇيىمدارى اراسىنداعى بايلانىستاردى نىعايتۋعا, ٶڭٸرلٸك قاقتىعىستاردى بەيبٸت جولمەن جەنە حالىقارالىق قۇقىقتىڭ جالپىعا بٸردەي تانىلعان نورمالارى جەنە ەڭ الدىمەن ەگەمەندٸكتٸ, اۋماقتىق تۇتاستىقتى جەنە مەملەكەت شەكارالارىنىڭ مىزعىماستىعىن قامتاماسىز ەتۋ جەنە ساقتاۋ نەگٸزٸندە كەلٸسسٶزدەر جٷرگٸزۋ جولىمەن رەتتەۋگە, سونداي-اق بٸرٸككەن ۇلتتار ۇيىمىنىڭ باستى رٶلٸن نىعايتۋعا جەردەمدەسەدٸ.
شارت شەڭبەرٸندە تاراپتار ٶزارا ەكونوميكالىق كووپەراتسييانى تەرەڭدەتۋ, ساۋدا اينالىمىن, ينۆەستيتسييالىق قىزمەتتٸ, كەسٸپكەرلٸك جەنە ٶزگە دە شارۋاشىلىق قىزمەتتٸ نىعايتۋ جەنە ۇلعايتۋ, ٶزارا بايلانىستى كٶلٸك جٷيەسٸن دامىتۋ, ەكٸ ەل حالىقتارىنىڭ رۋحاني جەنە مەدەني جاقىندىعىن ساقتاۋ, عىلىم, بٸلٸم, مەديتسينا, سپورت, مەدەنيەت, تۋريزم, اقپارات الماسۋ سالاسىنداعى ٶزارا بايلانىستاردى تەرەڭدەتۋ ٷشٸن قولايلى جاعدايلار جاسايدى.
وسى قۇجات بويىنشا تاراپتار ەكولوگييا جەنە ازىق-تٷلٸك قاۋٸپسٸزدٸگٸن قامتاماسىز ەتۋ ماقساتىندا ەنەرگەتيكا سالاسىندا, سونداي-اق ٶز اۋماعىندا ەكٸنشٸ تاراپتىڭ زاڭدى جەنە جەكە تۇلعالارىنىڭ مەنشٸك قۇقىعى مەن مٷلكٸن قورعاۋ مەسەلەسٸندە تەڭ قۇقىقتىلىق پەن ٶزارا تيٸمدٸ قاتىناستار نەگٸزٸندە ىنتىماقتاستىقتى جالعاستىرادى. سونىمەن قاتار, شارتتا تاراپتار ترانسشەكارالىق سۋ رەسۋرستارىن ۇتىمدى پايدالانۋ جەنە سۋ شارۋاشىلىعى قۇرىلىستارىن پايدالانۋ, سۋ ٷنەمدەۋ تەحنولوگييالارىن ەنگٸزۋ جٶنٸندە شارالار قابىلدايتىن ەرەجەلەر كٶزدەلگەن.
شارتتىڭ 23-بابىنا سەيكەس تاراپتار اراسىندا تۋىندايتىن كەلٸسپەۋشٸلٸكتەر كەلٸسسٶزدەر مەن كونسۋلتاتسييالار ارقىلى شەشٸلەدٸ.
