قر پرالامەنتٸ مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە بەسەكەلەستٸكتٸ دامىتۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بٸرٸنشٸ وقىلىمدا ماقۇلداندى, دەپ حابارلايدى قازاقپارات تٸلشٸسٸ.
دەپۋتاتتار قۇجات جوباسىن بٸراۋىزدان ماقۇلداپ داۋىس بەردٸ. مەجٸلٸس تٶراعاسى نۇرلان نىعماتۋلين اتالعان زاڭ جوباسىنداعى ەلەكتر ەنەرگيياسىن ورتالىقتاندىرىلعان ساۋدا-ساتتىق ارقىلى ساتۋ حالىقتىڭ قالتاسىنا قالاي ەسەر ەتەتٸنٸن سۇرادى.
سەرٸك جۇمانعاريننٸڭ ايتۋىنشا, بۇل شارا كەرٸسٸنشە, ەلەكتر باعاسىن مەملەكەت تاراپىنان رەتتەۋگە مٷمكٸندٸك بەرمەك.
«سەرٸك ماقاشۇلى, بۇل جەردە وسى نورمانىڭ جۇمىس ٸستەيتٸنٸن قاراپايىم حالىق اراداعى دەلدالداردى الىپ تاستاعان سەتتەن باستاپ كٶرۋٸ قاجەت. بۇل جەردە سحەما قاراپايىم بولۋ كەرەكتٸگٸ تٷسٸنٸكتٸ. ٶنٸم باعاسى تٷسۋٸ قاجەت. ورتالىقتاندىرىلعان بيرجالىق ساۋدا-ساتتىق ارقىلى باعا قىمباتتاپ كەتٸپ جٷرمەسٸن. حالىق وندا دەلدالداردى نەگە الىپ تاستادىڭىزدار دەپ سۇرايدى. «ەلەكتروندى ساۋدانى زاڭداستىرىپ ەدٸڭدەر, باعا شارىقتاپ كەتتٸ» دەپ جٷرمەسٸن. تٷسٸنەمٸن, بۇل – ٶتە نەزٸك مەسەلە. بٸراق وسى جەردە اگەنتتٸك ناقتى رەتتەۋ كەرەك», - دەدٸ نۇرلان نىعماتۋلين.
