پارلامەنت مەجٸلٸسٸنٸڭ دەپۋتاتتارى ەكولوگييالىق كودەكس جوباسىن بٸرٸنشٸ وقىلىمدا ماقۇلدادى, دەپ حابارلايدى قازاقپارات.
«قر كەيبٸر زاڭنامالىق اكتٸلەرٸنە ەكولوگييا مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى زاڭ جوباسى جاڭا ەكولوگييالىق كودەكس جوباسىنىڭ نورمالارىن ٸسكە اسىرۋ ماقساتىندا ەزٸرلەندٸ. زاڭ جوباسىندا 9 كودەكس پەن 9 زاڭعا ٶزگەرٸستەر مەن تولىقتىرۋلار ەنگٸزۋ كٶزدەلگەن. الايدا زاڭ جوباسىن قاراۋ بارىسىندا ەكٸمشٸلٸك قۇقىق بۇزۋشىلىق تۋرالى كودەكسكە جەنە سالىق زاڭناماسىنا ٶزگەرٸستەر مەن تولىقتىرۋلار ەنگٸزۋدٸ شەكتەۋ جەنە وڭتايلاندىرۋ بٶلٸگٸ قارالدى. وسىلايشا قولدانىستاعى زاڭنامانىڭ تالاپتارىن ساقتاۋ ماقساتىندا زاڭ جوباسىنان ەكٸمشٸلٸك كودەكسكە, سالىق كودەكسٸنە ەنگٸزۋگە ۇسىنىلعان تٷزەتۋلەر الىنىپ تاستالدى», - دەدٸ زاڭ جوباسى تۋرالى دەپۋتات مانسۇرحان ماحامبەتوۆ.
ونىڭ ايتۋىنشا, زاڭ جوباسىندا ەكولوگييالىق كودەكس جوباسىمەن ۇسىنىلىپ وتىرعان تابيعات پايدالانۋشىلاردى ەڭ ٷزدٸك قولجەتٸمدٸ تەحنولوگييالاردى پايدالانۋعا ىنتالاندىرۋ, ەكولوگييالىق قۇقىق بۇزۋشىلىقتار ٷشٸن جاۋاپتىلىقتى ارتتىرۋ جوسپارلانعان. سونداي-اق «جاسىل» تاريفتەردٸ ەنگٸزۋ ارقىلى قالدىقتاردى قايتا ٶڭدەۋ سەگمەنتٸن دامىتۋدى ىنتالاندىرۋ, ەكولوگييالىق رەتتەۋ مەن باقىلاۋداعى جاڭا تەسٸلدەر سيياقتى جاڭالىقتاردى ٸسكە اسىرۋ ٷشٸن قۇقىقتىق نەگٸزدەر قۇرۋ ماقساتىندا قولدانىستاعى زاڭناماعا ٶزگەرٸستەر ەنگٸزۋ كٶزدەلٸپ وتىر.
«جۇمىس توبى شەڭبەرٸندە كەلٸپ تٷسكەن ۇسىنىستار مەن تٷزەتۋلەر قارالدى. ولار مٸندەتتٸ ەكولوگييالىق ساقتاندىرۋعا بايلانىستى مەسەلەلەردٸ رەتتەۋدٸ, رۇقسات قۇجاتتارىن الۋ بٶلٸگٸندە ورمان جەنە سۋ كودەكستەرٸنە ٶزگەرٸستەر ەنگٸزۋدٸ, مەديتسينالىق قالدىقتارمەن جۇمىس ٸستەۋ جٶنٸندەگٸ قىزمەتتٸ رەتتەۋدٸ قورشاعان ورتانى قورعاۋ سالاسىنداعى ۋەكٸلەتتٸ ورگاننىڭ قاراماعىنا بەرۋدٸ كٶزدەيدٸ. 300-دەن استام ۇسىنىس قارالىپ, تالقىلاندى, ولاردىڭ كٶپشٸلٸگٸ بويىنشا شەشٸم قابىلداندى. ال بٸر بٶلٸگٸ ٷكٸمەتكە قورىتىندى الۋعا جٸبەرٸلدٸ. تۇتاستاي العاندا زاڭ جوباسى بويىنشا جۇمىس توبىنىڭ 4 وتىرىسى, كوميتەتتٸڭ كەڭەيتٸلگەن وتىرىسى, سونداي-اق ەرتٷرلٸ الاڭداردا كوميتەتتٸڭ 2 كٶشپەلٸ جەنە 2 كەڭەيتٸلگەن وتىرىسى ٶتكٸزٸلدٸ. بارلىق كوميتەت زاڭ جوباسى بويىنشا وڭ قورىتىندىلارىن بەردٸ», - دەدٸ ول.
