مەجٸلٸس دەپۋتاتى سەرٸك ەرۋباەۆ «اق جول» پارتيياسى پارلامەنتتٸك فراكتسيياسىنىڭ دەپۋتاتتىق ساۋالىن ٷكٸمەت باسشىسىنىڭ ورىنباسارى رومان سكليارعا جولداپ, ديزەل مەن گاز جەنە كٶمٸر باعالارىنىڭ مەسەلەسٸن كٶتەردٸ, دەپ حابارلايدى قازاقپارات.
«پارتييامىزعا ەلٸمٸزدٸڭ تٷكپٸر-تٷكپٸرٸنەن كەلٸپ جەتكەن اۆتوگاز وتىنىڭ تاپشىلىعى جەنە ونىڭ باعاسىنىڭ كٷرت ٶسۋٸ جٶنٸندەگٸ شاعىمدارى وسى دەپۋتاتتىق ساۋالعا نەگٸز بولدى. بۇعان دەيٸن 50-60 تەڭگە تۇراتىن گاز, سوڭعى كەزدە 120-150 تەڭگەگە دەيٸن ۇلعايدى. تٸپتٸ, قويناۋى مۇناي مەن گازعا تولى اتىراۋدىڭ ٶزٸندە, گازدىڭ باعاسى بٸر تٷندە 95 تەڭگەدەن 110 تەڭگەگە دەيٸن ٶستٸ. بۇنىڭ بەرٸ گاز قوجايىندارىنىڭ قولدان ٸستەپ وتىرعان ٸسٸ دەگەن سٶز ەل اۋزىندا. بيىلعى قازان ايىندا ديزەل وتىنىڭ تاپشىلىعىنا جەنە باعاسىنىڭ ٶسۋٸنە كۋە بولدىق. وسى جاعدايعا بايلانىستى, جٷرگٸزۋشٸلەر ٶڭٸرلەردە ەرەۋٸلگە دە شىعىپ جاتتى», - دەدٸ سەرٸك ەرۋباەۆ مەجٸلٸستٸڭ جالپى وتىرىسىندا.
سونىمەن قاتار ول قازان ايىنىڭ سوڭىندا اۆياكەروسين تاپشىلىعى بولعانىن ەسكە سالدى. كٶرشٸلەس ەلدٸڭ ەنەرگەتيكا مينيسترلٸگٸنٸڭ كٶمەگٸمەن ديزەل وتىنى مەن كەروسيننٸڭ مەسەلەسٸ ۋاقىتشا جابىلعان.
«بٸراق, دەل وسى جەردە «ۋاقىتشا» دەگەن سٶزدٸ ەستەن شىعارماۋىمىز كەرەك! جۋىردا, مەملەكەت باسشىسى, مۇناي ٶنٸمدەرٸمەن قامتاماسىز ەتۋ مەسەلەسٸ بويىنشا ٷكٸمەتتٸڭ جۇمىسىن قاتاڭ سىنعا الىپ, ديزەل وتىنىنىڭ تاپشىلىعى جاساندى ەكەندٸگٸن باسا ايتتى. 2017 جىلى ەلباسى قولدانىستاعى ٷش مۇناي ٶڭدەۋ زاۋىتىن جاڭعىرتۋمەن قاتار, تٶرتٸنشٸ زاۋىت سالۋ قاجەتتٸگٸن اتاپ ٶتكەن بولاتىن. الايدا, بۇل باستاماعا مينيسترلٸك تاراپىنان جاڭا زاۋىت قاجەت ەمەس دەگەن تۇجىرىم, بٷگٸنگٸ جاعدايدا ەل ەكونوميكاسىنىڭ تيٸمدٸلٸگٸنە كٷمەندٸ بولىپ وتىر. ەلٸمٸزدەگٸ اتىراۋ, پاۆلودار, شىمكەنت مۇناي ٶڭدەۋ زاۋىتتارىن جاڭعىرتۋعا ەكٸ تريلليون تەڭگە جۇمسالدى. ەندەشە, اتالعان زاۋىتتاردىڭ جىل سايىن جٶندەۋگە توقتاتىلۋىن نەمەن تٷسٸندٸرەدٸ?
بٸراق, مينيسترلٸكتٸڭ جاۋابى ەرقاشان دايىن, ەگەر, ديزەل وتىنى تاپشى بولسا وعان كٶرشٸلەس ەلدەردٸڭ اۋىر جٷك كٶلٸكتەرٸ كٸنەلٸ, ال اۆتوگاز جەتپەسە, وعان گازبەن جٷرەتٸن كٶلٸكتەر سانىنىڭ كٶبەيۋٸ تۋرالى سىلتاۋ ايتىلادى», - دەدٸ دەپۋتات.
سونىمەن قاتار ول كٶمٸردٸڭ دە تاپشىلىعىنا قاتىستى سىن ايتتى.
«مىسالى, «شۇباركٶل» كەنٸندەگٸ كٶمٸردٸڭ تونناسى 5800 تەڭگە بولسا, كارەردەن ساتىپ الۋشىعا بارار جولدا كٶمٸردٸڭ باعاسى 16 مىڭعا دەيٸن جەتەدٸ. بۇنداي جاعدايدا دا دەفيتسيت جاساندى بولىپ, باعالىق سٶز بايلاسۋ فاكتٸلەرٸ راستالسا, قۇقىق قورعاۋ ورگاندارى دا سىرتتا قالماۋى كەرەك. جانار-جاعارمايدىڭ قىمباتتاۋى ترانسپورتتىق كومپانييالارعا قوسا, كٷندەلٸكتٸ تاۋارلاردىڭ دا باعاسىنىڭ ٶسۋٸنە ەكەلٸپ سوقتىرادى. مەملەكەت ٶز تاراپىنان داعدارىس كەزٸندە ادال كەسٸپكەرلەردەن باعانى كٶتەرمەۋدٸ ەردايىم تالاپ ەتۋدٸ ەرەجەگە اينالدىرىپ العانداي. قالىپتاسىپ وتىرعان جاعدايدا, كەسٸپكەرلەردٸڭ دە مەملەكەتتەن مۇناي ٶنٸمدەرٸ مەن كٶمٸردٸڭ باعاسىن رەتتەۋدٸ تالاپ ەتۋ ورىنى بار دەپ ەسەپتەيمٸز. جوعارىدا ايتىلعاندى قورىتا كەلە, «اق جول» فراكتسيياسىنىڭ ۇسىنىستارىن جٷزەگە اسىرۋ مٷمكٸندٸگٸن قاراۋدى سۇرايمىز», - دەدٸ سەرٸك ەرۋباەۆ.
