ورتالىق سايلاۋ كوميسسيياسىنىڭ مٷشەسٸ اسىلبەك سماعۇلوۆتىڭ ايتۋىنشا, مەجٸلٸس دەپۋتاتى بەكبولات تٸلەۋحان مٸندەتتەرٸن اتقارۋدان ٶز ەركٸمەن بوساتۋ تۋرالى ٶتٸنٸش بەرگەن.

«وسىعان وراي قر ورتالىق سايلاۋ كوميسسيياسى سٸزدەردٸڭ نازارلارىڭىزعا زاڭناماعا سەيكەس, پارلامەنت مەجٸلٸسٸنٸڭ دەپۋتاتى بەكبولات تٸلەۋحاننىڭ ٶتٸنٸش بەرۋٸنە بايلانىستى ونىڭ ٶكٸلەتتٸگٸن مەرزٸمٸنەن بۇرىن توقتاتۋ تۋرالى مەسەلەنٸ شەشۋ ٷشٸن ۇسىنىم ەنگٸزٸپ وتىر», - دەدٸ سماعۇلوۆ.

پالاتا دەپۋتاتتارى بۇل ۇسىنىمعا قولداۋ بٸلدٸردٸ.

مەجٸلٸس تٶراعاسى نۇرلان نىعماتۋلين تٸلەۋحاننىڭ جاڭا قىزمەتٸندەگٸ جۇمىسىنا تابىس تٸلەدٸ.

«بەكبولات قانايۇلىن بارشاڭىز جاقسى بٸلەسٸزدەر, ەلٸمٸزدە تانىمال تۇلعا. بەكبولات تٸلەۋحاندى بٸلمەيتٸن قازاق جوق دەسەك ارتىق بولمايدى. ول ساياساتتا بولسىن, ٶنەر سالاسىندا بولسىن, قوعامدىق جۇمىستاردا بولسىن ٷلكەن ٷلەس قوسىپ كەلە جاتقان ابىرويلى ازاماتتارىمىزدىڭ بٸرٸ. بٸرنەشە شاقىرىلىم مەجٸلٸس دەپۋتاتى بولدى, حالىققا قاجەتتٸ زاڭدار قابىلداۋعا ىقپال ەتتٸ. ەسٸرەسە, ەلٸمٸزدٸڭ ەلەۋمەتتٸك-مەدەني جولىندا بەكبولات قانايۇلىنىڭ رٶلٸ ٶتە زور. ەندٸ بٷكٸلەلەمدٸك ەتنوسپورت كونفەدەراتسيياسىنىڭ بٸرٸنشٸ ۆيتسە-پرەزيدەنتٸ بولىپ تاعايىندالدى, سوندىقتان ەرٸپتەسٸمٸزگە بٸرلەسكەن جۇمىسى ٷشٸن العىس بٸلدٸرە وتىرىپ, الداعى ۋاقىتتا دا زور دەنساۋلىق, جاڭا قىزمەتتە تابىس تٸلەيمٸز», - دەدٸ نىعماتۋلين.

جالپى وتىرىستا بەكبولات قانايۇلىنا مەجٸلٸس اتىنان «العىس حات» تابىستالدى.

بەكبولات تٸلەۋحاننىڭ ٶمٸربايانى

بەكبولات قانايۇلى تٸلەۋحان 1966 جىلى 7 تامىزدا قاراعاندى وبلىسىنىڭ جاڭاارقا اۋدانىنداعى اتاسۋ كەنتٸندە تۋعان. ەنشٸ, جىرشى, پەداگوگ, قوعام قايراتكەرٸ, قازاقستاننىڭ ەڭبەك سٸڭٸرگەن ەرتٸسٸ (1996), قازاقستان مەملەكەتتٸك سىيلىعىنىڭ لاۋرەاتى, دارىن جاستار سىيلىعىنىڭ يەگەرٸ. 

بٸلٸمٸ – جوعارى, 1993 جىلى قۇرمانعازى اتىنداعى الماتى مەملەكەتتٸك كونسەرۆاتوريياسىن "كونتسەرت ورىنداۋشى" ماماندىعى بويىنشا, ال 1998 جىلى ق.سەتباەۆ اتىنداعى قازاق مەملەكەتتٸك تەحنيكالىق ۋنيۆەرسيتەتٸن "ينجەنەر-مەتاللۋرگ" ماماندىعى بويىنشا بٸتٸردٸ.

1996 جىلدان 2001 جىلعا دەيٸن قازاقستان پرەزيدەنتٸ وركەستٸرٸنٸڭ كٶركەمدٸك جەتەكشٸسٸ قىزمەتٸن اتقارعان.

2000 جىلداردىڭ باسىندا ەلٸمٸزدٸڭ مەدەنيەت سالاسىندا بٸرقاتار لاۋازىمدى قىزمەت اتقاردى. 2002-2004 جىلدار ارالىعىندا مەدەنيەت, اقپارات جەنە قوعامدىق كەلٸسٸم ۆيتسە-مينيسترٸ, مەدەنيەت ۆيتسە-مينيسترٸ قىزمەتٸن اتقاردى.

2004 جىلدان باستاپ "نۇر وتان" پارتيياسىنا مٷشە.

2016-2021 جىلدارى Vٸ شاقىرىلىمداعى مەجٸلٸس دەپۋتاتى بولدى.  2021 جىلدىڭ 15 قاڭتارىنان باستاپ بٷگٸنگٸ كٷنگە دەيٸن - Vٸٸ شاقىرىلعان قازاقستان رەسپۋبليكاسى پارلامەنتٸ مەجٸلٸسٸنٸڭ دەپۋتاتى.

بەكبولات تٸلەۋحان بۇعان دەيٸن مەجٸلٸستٸڭ ٸٸٸ جەنە ٸV شاقىرىلىمىندا دەپۋتات بولعان. 

1996 جىلى مەملەكەت باسشىسى نۇرسۇلتان نازارباەۆتىڭ جارلىعىمەن "قازاقستاننىڭ ەڭبەك سٸڭٸرگەن ەرتٸسٸ" قۇرمەتتٸ اتاعى بەرٸلدٸ. "پاراسات وردەنٸمەن", "قازاقستان كونستيتۋتتسيياسىنا 10 جىل", "قازاقستان پارلامەنتٸنە 10 جىل", "استاناعا 10 جىل", "قازاقستان تەۋەلسٸزدٸگٸنە 20 جىل" مەدالدەرٸمەن ماراپاتتالعان.

جۋىردا قازاقستان تەۋەلسٸزدٸگٸنٸڭ 30 جىلدىعىنا وراي بەكبولات تٸلەۋحان IٸI دەرەجەلٸ "بارىس" وردەنٸمەن ماراپاتتالدى.