مەجٸلٸس تٶراعاسىنىڭ ورىنباسارى گٷلميرا يسيمباەۆا بٷكٸلقىتايلىق حالىق ٶكٸلدەرٸ جينالىسى تۇراقتى كوميتەتٸ تٶراعاسىنىڭ ورىنباسارى ۆان چەنمەن ونلاين-كەزدەسۋ ٶتكٸزدٸ, دەپ حابارلايدى قازاقپارات تٶمەنگٸ پالاتانىڭ باسپاسٶز قىزمەتٸنە سٸلتەمە جاساپ.
تاراپتار ەڭگٸمەلەسۋ بارىسىندا ەكٸجاقتى ىنتىماقتاستىقتىڭ, حالىقارالىق ۇيىمدارداعى ٶزارا ٸس-قيمىلدىڭ جەنە ٶڭٸردەگٸ قازٸرگٸ احۋالدىڭ كەڭ اۋقىمدى مەسەلەلەرٸ بويىنشا پٸكٸر الماستى. سونداي-اق 2022 جىلى 30 جىلدىعى اتاپ ٶتٸلەتٸن ەكٸجاقتى قارىم-قاتىناستاردىڭ قارقىندى جەنە ٷدەمەلٸ دامۋى تۋرالى ايتتى.
مەجٸلٸس تٶراعاسىنىڭ ورىنباسارى نۇر-سۇلتان مەن بەيجٸڭ اراسىندا ديپلوماتييالىق قارىم-قاتىناس ورناعان 28 جىل ٸشٸندە قارقىندى ساياسي ديالوگ پەن تەرەڭ ەكونوميكالىق بايلانىستار ورناپ, جان-جاقتى ٶزارا ٸس-قيمىل سەرپٸندٸ دامىپ كەلە جاتقانىنا توقتالدى.
گٷلميرا يسيمباەۆا ەڭگٸمەلەسۋ بارىسىندا بۇل ەكٸ ەل كەشباسشىلارىنىڭ ەڭبەگٸ ەكەنٸن, قازاقستان-قىتاي قارىم-قاتىناستارىنىڭ قالىپتاسۋى مەن نىعايۋىندا قازاقستاننىڭ تۇڭعىش پرەزيدەنتٸ, ەلباسى نۇرسۇلتان نازارباەۆتىڭ ەرەكشە رٶلٸن اتاپ ٶتتٸ. ال مەملەكەت باسشىسى قاسىم-جومارت توقاەۆتىڭ ساپارى جەنە سول رەسمي ساپار بارىسىندا بٸرلەسكەن مەلٸمدەمەگە قول قويىلۋى قازاقستان-قىتاي قاتىناستارىنىڭ جاڭا دەۋٸرٸنٸڭ باستالۋى ەكەنٸنە نازار اۋداردى.
ٶز كەزەگٸندە قىتاي پارلامەنتٸنٸڭ ٶكٸلٸ قازاقستانمەن ەكٸجاقتى ىنتىماقتاستىقتى ودان ەرٸ نىعايتۋعا ٷلكەن قىزىعۋشىلىق تانىتىپ, ولاردى «قازٸرگٸ زامانعى حالىقارالىق قاتىناستارداعى دوستىق پەن تاتۋ كٶرشٸلٸكتٸڭ ەتالونى» دەپ اتادى.
ەكونوميكالىق ٶزارا ٸس-قيمىل تۋرالى ەڭگٸمە بارىسىندا تاراپتار قحر-نىڭ «بٸر بەلدەۋ – بٸر جول» باستاماسىنا جەنە قازاقستان رەسپۋبليكاسىنىڭ تۇڭعىش پرەزيدەنتٸ نۇرسۇلتان نازارباەۆتىڭ «نۇرلى جول» باعدارلاماسىنا ٷلكەن كٶڭٸل بٶلٸنەتٸنٸن مەلٸمدەدٸ.
بۇدان باسقا وتىرىستا كوروناۆيرۋستىق ينفەكتسييا پاندەميياسىنىڭ تەرٸس سالدارىن ازايتۋ بويىنشا تەجٸريبە الماسۋ ٷشٸن ەكٸ ەلدٸڭ كٷش-جٸگەرٸن ٷيلەستٸرۋدٸڭ ماڭىزدىلىعى اتاپ ٶتٸلدٸ.
وسىعان بايلانىستى قىتاي ۆيتسە-سپيكەرٸ قازاقستاننىڭ ەلدەگٸ ەپيدەمييالىق جاعدايدىڭ شيەلەنٸسۋٸ كەزەڭٸندە كٶرسەتكەن كٶمەگٸ ٷشٸن العىس ايتىپ, COVID-19 ٸندەتٸنە قارسى جاڭا ەكپە ەزٸرلەپ, ونى سىنامادان ٶتكٸزگەنٸ تۋرالى حابارلادى.
ٶز كەزەگٸندە گٷلميرا يسيمباەۆا قىتاي دەرٸگەرلەرٸنە كونسۋلتاتيۆتٸك جەنە تەجٸريبەلٸك كٶمەك كٶرسەتكەنٸ ٷشٸن ريزاشىلىعىن بٸلدٸردٸ.
سونىمەن قاتار, تاراپتار ەكونوميكانى تسيفرلاندىرۋ, جاساندى ينتەللەكت, اۋىل شارۋاشىلىعى, دەنساۋلىق ساقتاۋ, كٶلٸك جەنە باسقا دا سالالارداعى ىنتىماقتاستىقتى ودان ەرٸ كەڭەيتۋ قاجەتتٸگٸن اتاپ ٶتتٸ.
ەڭگٸمەلەسۋ بارىسىندا ەكٸ ەلدٸڭ زاڭ شىعارۋشى ورگاندارىنىڭ سىندارلى جەنە سەرپٸندٸ ديالوگ ٸسٸندەگٸ ماڭىزدى رٶلٸ اتاپ ٶتٸلدٸ.
كەزدەسۋگە مەجٸلٸس دەپۋتاتتارى مۇحتار ەرمان مەن قۋانىش سۇلتانوۆ قاتىستى.
