پارلامەنت مەجٸلٸسٸنٸڭ جالپى وتىرىسىندا «قر ٷكٸمەتٸ مەن رف ٷكٸمەتٸ اراسىنداعى پوليار ماڭىنداعى وربيتالارعا سولتٷستٸك باعىتتا عارىش اپپاراتتارىن ۇشىرۋ ٷشٸن «بايقوڭىر» عارىش ايلاعىنان «سويۋز-2» تيپٸندەگٸ تاسىمالداعىش زىمىرانداردى ۇشىرۋدى جٷزەگە اسىرۋ جٶنٸندەگٸ ىنتىماقتاستىق تۋرالى كەلٸسٸمدٸ راتيفيكاتسييالاۋ تۋرالى» زاڭ جوباسى ماقۇلداندى, دەپ حابارلايدى قازاقپارات.
كەلٸسٸمگە 2019 جىلعى 20 ماۋسىمدا نۇر-سۇلتان قالاسىندا قول قويىلدى.
«وسى كەلٸسٸم بٷكٸل ەلەمدٸ كەڭ جولاقتى ينتەرنەتپەن قامتاماسىز ەتۋگە باعىتتالعان OneWeb حالىقارالىق جوباسىن جٷزەگە اسىرۋ ٷشٸن «بايقوڭىر» ايلاعىنان عارىش اپپاراتتارىن ۇشىرۋ كەزٸندە قوستاناي وبلىسىنىڭ اۋماعىندا «سويۋز-2» تيپٸندەگٸ تاسىمالداعىش زىمىرانداردىڭ بٶلٸنەتٸن بٶلٸكتەرٸنٸڭ قۇلاۋ اۋدانىن رەسەي تاراپىمەن پايدالانۋ تەرتٸبٸن رەتتەيدٸ. قۇلاۋ اۋدانى جىلىنا نەبەرٸ بٸرنەشە رەت سەرۆيتۋت شارتىمەن قولدانىلىپ وتىراتىن بولادى. 3-6 تەۋلٸكتٸ قۇرايتىن بۇل كەزەڭدە ادامدار مەن ٷي مالىنىڭ قاۋٸپسٸزدٸگٸن قامتاماسىز ەتۋ ماقساتىندا قۇلاۋ اۋدانىنا كٸرۋ جابىق بولادى. قالعان ۋاقىتتا قۇلاۋ اۋدانىندا جٷرۋگە جەنە ونى جايىلىم رەتٸندە پايدالانۋعا شەكتەۋ قويىلمايدى. ادامداردىڭ قۇلاۋ اۋدانىنان تىسقارى جەرلەردە تۇرۋى قاۋٸپسٸز بولىپ سانالادى», - دەدٸ قر تسيفرلىق دامۋ, يننوۆاتسييالار جəنە اەروعارىش ٶنەركəسٸبٸ مينيسترٸ باعدات مۋسين.
ونىڭ ايتۋىنشا, كەلٸسٸمدٸ راتيفيكاتسييالاۋ «بايقوڭىر» كەشەنٸ بويىنشا قازاقستاندىق-رەسەيلٸك ىنتىماقتاستىقتى كەڭەيتۋگە, «بايقوڭىر» كەشەنٸنٸڭ بارلىق تۇرمىس-تٸرشٸلٸگٸنە وڭ ەسەرٸن تيگٸزٸپ, عارىش ايلاعى جٷكتەمەسٸن ۇلعايتۋعا مٷمكٸندٸك بەرەدٸ. «سويۋز-2» تاسىمالداعىش-زىمىرانى ەكولوگييالىق قاۋٸپسٸز كەروسين-وتتەگٸ وتىنىمەن ۇشىرىلادى.
«كەلٸسٸم شارتتارىنا سەيكەس تاسىمالداعىش-زىمىرانداردىڭ بٶلٸنەتٸن بٶلٸكتەرٸن قابىلداۋ اۋداندارىنداعى ەكولوگييالىق جاعدايعا مونيتورينگ جٷرگٸزۋگە قازاقستاندىق ماماندار مەن ۇيىمدار قاتىسادى جەنە باقىلايدى», - دەدٸ مينيستر.
ونىڭ سٶزٸنە قاراعاندا, رەسەي تاراپىمەن وسى كەلٸسٸمنٸڭ كٷشٸنە ەنۋٸ تۋرالى ٸشكٸ مەملەكەتتٸك رەسٸمدەرٸ ورىندالدى.
