قر پارلامەنتٸ مەجٸلٸسٸندە پرەزيدەنت باستامالىق ەتكەن اۋدان ەكٸمدەرٸن سايلاۋ ۇسىنىسى ماقۇلداندى, دەپ حابارلايدى "ۇلت اقپارات".
قر ۇلتتىق ەكونوميكا مينيسترٸ ەسەت ەرعاليەۆ «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسييالىق زاڭىنا ٶزگەرٸستەر مەن تولىقتىرۋلار ەنگٸزۋ تۋرالى» قر كونستيتۋتسييالىق زاڭى جوباسىن تانىستىردى.
«مەملەكەت باسشىسىنىڭ ٶتكەن جىلعى 1 قىركٷيەكتەگٸ جولداۋىنداعى تاپسىرماسىن ٸسكە اسىرۋ بارىسىندا ەلٸمٸزدٸڭ اۋداندىق ماڭىزى بار قالالاردىڭ, اۋىلداردىڭ, كەنتتەردٸڭ, اۋىلدىق وكرۋگتەردٸڭ ەكٸمدەرٸن تٸكەلەي سايلاۋىن ەنگٸزۋ مەسەلەلەرٸ بويىنشا زاڭ جوبالارى ەزٸرلەندٸ. نەگٸزگٸ زاڭ جوباسىندا «سايلاۋ تۋرالى» كونستيتۋتسييالىق زاڭعا ٶزگەرٸستەر ەنگٸزٸلۋ كٶزدەلٸپ وتىر», - دەدٸ ۇلتتىق ەكونوميكا مينيسترٸ مەجٸلٸستٸڭ جالپى وتىرىسىندا.
ونىڭ ايتۋىنشا, قازٸر ەلٸمٸزدە 2345 ەكٸمشٸلٸك-اۋماقتىق بٸرلٸك بار. ونى ٸشٸندە, بيىلعى ەكٸنشٸ جارتىجىلدىقتا 836 ەكٸم تٸكەلەي داۋىس بەرۋ ارقىلى سايلاناتىن بولادى.
«قر مەملەكەتتٸك قىزمەت تۋرالى زاڭناماسىنا سەيكەس, بٸلٸكتٸلٸك تالاپتارىنا ساي كەلگەن جەنە 25 جاسقا تولعان ەلٸمٸزدٸڭ كەز كەلگەن ازاماتى سايلانا الادى. سونداي-اق, ساياسي پارتييا مٷشەلەرٸ جەنە سايلاۋشىلاردىڭ جالپى سانىنىڭ كەمٸندە 1% پايىزىنا قول جيناعان كانديداتتار سايلاۋعا تٷسە الادى. بۇل رەتتە, اۋدان ەكٸمٸنٸڭ, ەگەر كانديداتتار بولماعان نە بٸرەۋٸ عانا ۇسىنىلعان جاعدايدا, ەكٸ نە بٸر كانديداتى ۇسىنۋعا قۇقىعى بار», - دەيدٸ ەرعاليەۆ.
زاڭ جوباسىندا بارلىق كانديداتتار ٷشٸن ەڭ تٶمەنگٸ جالاقى مٶلشەرٸندە سايلاۋ جارناسىن ەنگٸزۋ كٶزدەلگەن.
«سايلاۋ 40 كٷن بۇرىن جارييالانادى, ال سايلاۋدىڭ ٶزٸ قازٸرگٸ ەكٸمنٸڭ ٶكٸلەتتٸك مەرزٸمٸ اياقتالعانعا دەيٸن 10 كٷن بۇرىن ٶتەدٸ. سايلاۋ ٶتكٸزٸلگەننەن كەيٸن ٷش كٷن ٸشٸندە قورىتىندى شىعارىلادى. ٶز كەزەگٸندە سايلانعان ەكٸم جٷرگٸزٸپ جاتقان جۇمىسى ٷشٸن حالىققا ەسەپ بەرەدٸ», - دەدٸ ەسەت ەرعاليەۆ.
كونستيتۋتسييالىق زاڭ جوباسىن مەجٸلٸستٸڭ جالپى وتىرىسىنا قاتىسىپ وتىرعان 95 دەپۋتاتتىڭ بارلىعى ماقۇلدادى.
